Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୃତୀୟ ଦିନିକିଆ: ୩ ଓ୍ବିକେଟ୍‌ରେ ଶ୍ରୀଲଙ୍କା ବିଜୟୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୦୪୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୩୬ ଡିସଚାର୍ଜ
  • ||
  • ରାଜଧାନୀରେ ବଢୁଛି ଆକ୍ଟିଭ କେସ୍ : ଭୁବନେଶ୍ବରରୁ ଦିନକରେ ୩୧୮ କରୋନା ଆକ୍ରାନ୍ତ ଚିହ୍ନଟ, ୨୩୫ ସୁସ୍ଥ
  • ||
  • କୋଭିଡ୍ ସ୍ଥିତି ନିୟନ୍ତ୍ରଣରେ, ତଥାପି ଆସିନି ସମ୍ପୂର୍ଣ୍ଣ ଆଶ୍ୱସ୍ତିର ସମୟ, ସତର୍କତାର ମନ୍ତ୍ର ସହ ମୁଖ୍ୟମନ୍ତ୍ରୀ କହିଲେ- ସ୍ୱାସ୍ଥ୍ୟସେବାକୁ ସରକାରଙ୍କ ସର୍ବୋଚ୍ଚ ପ୍ରାଥମିକତା
  • ||
  • +୩ ରେ ସାମିଲ ହେବ ବିପର୍ଯ୍ୟୟ ପରିଚାଳନା କୋର୍ସ, ରାଜ୍ୟ ଉଚ୍ଚଶିକ୍ଷା ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
  • ||
  • ଜି.ଉଦୟଗିରି : ପୁଅ ଓ ଝିଅକୁ କୂଅରେ ଫିଙ୍ଗି ମାରିଦେଲେ, ବାପା ଓ ମା’ ଗିରଫ
  • ||
  • ଭୁବନେଶ୍ବର : ‘ନୀଳାଦ୍ରି ବିଜେ’ ଅବସରରେ ନ୍ୟୁଜ୍ ୭ ପ୍ରସ୍ତୁତ କଲା ଆଉ ୨ଟି ଓଡିଆ ଭଜନ- ‘ବଡଦାଣ୍ଡ କାନ୍ଦେ କଇଁକଇଁ’ ଓ ‘ଏତେ ଅଭିମାନ କିଆଁ’
  • ||
  • ସୁନ୍ଦରଗଡ : ଦୁଇ ବାଇକ୍ ମୁହାଁମୁହିଁ ଧକ୍କା, ଜଣେ ମୃତ, ମହିଳାଙ୍କ ସମେତ ୨ ଗୁରୁତର
  • ||
  • ଭାରତ-ଶ୍ରୀଲଙ୍କା ତୃତୀୟ ଦିନିକିଆ : କ୍ଲିନ୍ ସ୍ୱିପ୍ ଲକ୍ଷ୍ୟରେ ଟିମ୍ ଇଣ୍ଡିଆ, ସମ୍ମାନ ପାଇଁ ଲଢିବ ଘରୋଇ ଦଳ
  • ||
  • ଗଜପତି : ଖୋଲିବ କି ACFO ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ : କାର୍ଯ୍ୟାଳୟରେ ଡିଏଫଓଙ୍କୁ ଚାଲିଛି ଜେରା
  • ||

ଶୌଚ ପାଇଁ ଯାଇଥିବା ବେଳେ ଭାଲୁ ଆକ୍ରମଣରେ ଜଣେ ଗୁରୁତର, ମେଡିକାଲରେ ଭର୍ତ୍ତି

11/08/2020 at 9:45 AM

ନୂଆପଡା ୧୧।୦୮: ନୂଆପଡାରେ ଭାଲୁ ଆକ୍ରମଣରେ ଜଣେ ଗୁରୁତର । ଗୁରୁତର ବ୍ୟକ୍ତି ନୂଆପଡା ରେଞ୍ଜ ପଗାରପାଣି ଗାଁର ବଲଧର ମାଝୀ । ଗୁରୁତର ଅବସ୍ଥାରେ ତାଙ୍କୁ ନୂଆପଡା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସକାଳୁ ଶୌଚ ପାଇଁ ଯାଉଥିବା ବେଳେ ଦୁଇଟି ଭାଲୁ ତାଙ୍କୁ ଆକ୍ରମଣ କରିଥିଲେ । ସେ ପାଟି କରିବାରୁ ଲୋକେ ଧାଇଁ ଆସିଥିଲେ । ଲୋକଙ୍କ ଭିଡ ଦେଖି ଭାଲୁ ଜଙ୍ଗଲ ମୁହାଁ ହୋଇଥିଲା ।

ସୁଚନାଯୋଗ୍ୟ,ଆଜି ସକାଳୁ ଶୌଚ ପାଇଁ ନିଜ ବିଲପଟେ ଯାଉଥିବା ବେଳେ ଦୁଇଟି ଭାଲୁ ଆକ୍ରମଣ କରିଥିଲେ । ଯାହାଦ୍ବାରା ଛାତିରେ ଗଭୀର ଆଘାତ ଲାଗିଥିବା ବେଳେ ମୁଣ୍ଡ ଓ ଜଙ୍ଘ ରେ ମଧ୍ୟ ଆଘାତ ରହିଛି । ସକାଳୁ ଶୌଚ ପାଇଁ ବଳଧର ବିଲପଟେ ଯାଉଥିବା ବେଳେ ରାସ୍ତା ଉପରେ ହିଁ ଚାରିଟି ଛୁଆ ଧରି ଯାଉଥିବା ଦୁଇଟି ବଡ ଭାଲୁ ବଳଧର ଙ୍କୁ ଆକ୍ରମଣ କରିଥିଲେ । ତେବେ ଜିବନ ବଞ୍ଚାଇବା ପାଇଁ ରଡି ଛାଡିବା ପରେ ଆଖ ପାଖ ରେ ବିଲରେ କାମ କରୁଥିବା ଲୋକେ ଦୌଡିଥିଲେ ।

ତେବେ ଲୋକଙ୍କୁ ଦେଖି ସମସ୍ତ ଭାଲୁ ଜଙ୍ଗଲ ପଟେ ଦୌଡି ପଳାଇଥିଲେ । ପରେ ଫୋନ ଯୋଗେ ଯୋଗାଯୋଗ କରିବା ପରେ ୧୦୮ ଆମ୍ବୁଲାନ୍ସ୍ ପହଞ୍ଚି ଗୁରୁତର ବଳଧର ଙ୍କୁ ସେଠାରୁ ଉଦ୍ଧାର କରି ସଙ୍ଗେ ସଙ୍ଗେ ନୂଆପଡା ମୂଖ୍ୟ ଚିକିତ୍ସାଳୟକୁ ଆଣି ଭର୍ତ୍ତି କରିଥିଲେ । ସେଠାରେ ଡାକ୍ତର ପ୍ରାଥମିକ ଚିକିତ୍ସା କରିବା ପରେ ଯେହେତୁ ଛାତିରେ ଓ ମୁଣ୍ଡରେ ଗଭିର ଆଘାତ ଲାଗିଛି ତେଣୁ ଅଧିକା ତଥା ଉତ୍ତମ ଚିକିତ୍ସା ପାଇଁ ବୁର୍ଲା ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।

ପାଖରେ ରହିଛି ସାଲିହା ଜଙ୍ଗଲ, ଯେଉଁଥିରେ ଭାଲୁ ସଂରକ୍ଷଣ ପାଇଁ ବନ ବିଭାଗ ତରଫରୁ ସମସ୍ତ ସୁବିଧା ମଧ୍ୟ କରାଯାଇଛି । ଆଖପାଖ ଜଙ୍ଗଲର ତଳିଆ ଅଞ୍ଚଳରେ ରହିଥିବା ଗାଁ ମାନଙ୍କୁ କିଭଳି ଭାଲୁ ନଯିବ କିମ୍ବା କାହାକୁ କିଭଳି ଆକ୍ରମଣ ନ କରିବ ସେ ନେଇ ତାରଜାଲି ଦିଆଯାଇଥିଲା । ହେଲେ ଏବେ ତାହାସବୁ ଭୁଷୁଡି ଜଙ୍ଗଲ ଖୋଲା ରହିଛି । ଯାହାପାଇଁ ସନ୍ଧ୍ୟା ହେଲେ ଭାଲୁ ପଲ ତଳି ଅଞ୍ଚଳରେ ରହିଥିବା ଗାଁ ମାନଙ୍କୁ ପନି ପରିବା,ଫଳ ମୁଳ ଖାଇବା ପାଇଁ ଆସି ଥାଆନ୍ତି । ଅନେକ ସମୟରେ ତଳି ଅଞ୍ଚଳ ର ଲୋକେ ଭାଲୁ ଆକ୍ରମଣର ଶିକାର ହେଉଥିବା ବେଳେ ଲୋକଙ୍କୁ ସୁରକ୍ଷା ଦେବାପାଇଁ ସାଧାରଣରେ ଦାବି ହୋଇଛି । ଗୁରୁତର ବ୍ୟକ୍ତି ଙ୍କ ପାଖକୁ ବନ ବିଭାଗ କର୍ମଚାରୀ ପହଞ୍ଚି ସରକାର ଙ୍କ ତରଫରୁ ମିଳୁଥିବା ସମସ୍ତ ସରକାରୀ ସୁବିଧା ଯୋଗାଇ ଦିଆଯିବ ବୋଲି ପ୍ରତିଶୃତି ଦେଇଛନ୍ତି ।

   Related Posts