Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ଫେଲ୍ ମାରିଲା ବ୍ୟାଟିଂ, ଦକ୍ଷିଣ ଆଫ୍ରିକା ନିକଟରୁ ୩୧ ରନରେ ହାରିଲା ଭାରତ
  • ||
  • ରାଜ୍ୟରେ ଏବେ ତୃତୀୟ ଲହର ଚାଲିଛି, ତଥାପି ଭୟଭୀତ ହେବାର ଆବଶ୍ୟକତା ନାହିଁ: ମୁଖ୍ୟ ସଚିବ
  • ||
  • ପୁରୀ: ପୋଲିସ କବଜାରେ ୩ ଧଳାଜହର ବେପାରୀ, ୧୭୨ ବ୍ରାଉନ ସୁଗାର ଜବତ
  • ||
  • କ୍ୟାପଟେନ୍ ପଦ ଛାଡିବା ପରେ କୋହଲିଙ୍କ ଟେଷ୍ଟ ରାଙ୍କିଙ୍ଗ୍ରେ ସୁଧାର, ଟପ୍-୧୦କୁ ଫେରିଲେ ବୁମରା
  • ||
  • କଳାହାଣ୍ଡି; ଗୋଲାମୁଣ୍ଡା ଗାଁ ପୋଖରୀରେ ବୁଡି ଜାଆଁଳା ଭାଇ ମୃତ
  • ||
  • ବିଜେପିରେ ମିଶି ପାରନ୍ତି କଂଗ୍ରେସର ପୋଷ୍ଟର ଗର୍ଲ ପ୍ରିୟଙ୍କା ମୌର୍ଯ୍ୟ, କହିଲେ- ପାର୍ଟି ମୋର ଫାଇଦା ଉଠାଇଲା
  • ||
  • ଭାରତର ଷ୍ଟାର ଟେନିସ୍ ଖେଳାଳି ସାନିଆ ମିର୍ଜାଙ୍କ ଅବସର ଘୋଷଣା, ୨୦୨୨ ହେବ ଶେଷ ସିଜିନ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||

ଦୁଇ ସନ୍ତାନ ନିଖୋଜ, ବନ୍ଧା ହେଲେ ବିଉଟି କୁଇନ୍… ଜେଲ୍‌ରେ ରହି ବି ମାନୁନାହାନ୍ତି

28/02/2020 at 8:48 PM

ଇଦାହୋ ୨୮/୦୨- ଆମେରିକାର ଇଦାହୋ ପ୍ରଦେଶରେ ଏକ ଅଭାବନୀୟ ଘଟଣାରେ ଦୁଇ ସନ୍ତାନଙ୍କ ନିଖୋଜ ଘଟଣାରେ ସେମାନଙ୍କ ମାଆକୁ ଗିରଫ କରି ଜେଲ ପଠାଇଛି ପୋଲିସ । ବଡ଼ କଥାଟି ହେଲା ଗିରଫ ମହିଳା ଜଣେ ପୂର୍ବତନ ସୁନ୍ଦରୀ , ଅର୍ଥାତ୍ ବ୍ୟୁଟି କୁଇନ୍‌ । ଦୁଇ ସନ୍ତାନଙ୍କ ନିଖୋଜର ୫ ମାସ ପରେ ବି ମହିଳା ଜଣକ ପୋଲିସରେ ଖବର ଦେଇନଥିଲେ। କିମ୍ବା ପୋଲିସର ତାଗିଦା ସତ୍ତ୍ୱେ ପିଲାଙ୍କୁ ହାଜର କରାଇପାରିନଥିଲେ । ଆହୁରି ଏକ ସନ୍ଦେହ ଜନକ କଥା ହେଲା , ପିଲା ଦୁହେଁ ନିଖୋଜ ହେବା ପରେ ହିଁ ମାଆ ପଞ୍ଚମ ଥର ଲାଗି ବିବାହ କରିଥିଲେ ।

ଏହି ବ୍ୟୁଟି କୁଇନ୍‌ ହେଲେ ଆମେରିକାର ଇଦାହୋ ପ୍ରଦେଶରେ ରହୁଥିବା ଲୋରି ଭାଲୋ । ୪୭ ବର୍ଷୀୟୀ ଏହି ହୃଦୟହୀନା ସୁନ୍ଦରୀଙ୍କ ବିରୋଧରେ ଦୁଇ ସନ୍ତାନଙ୍କୁ ପାଳନ ପୋଷଣ ନକରି  ଛାଡିଦେବା, ସେମାନଙ୍କୁ ସ୍ନେହରୁ ବଞ୍ଚିତ କରିବା ଆଦି ଅଭିଯୋଗ ସହ ଅନ୍ୟାନ୍ୟ ଅଭିଯୋଗରେ ୨ କାଉଣ୍ଟ ଲାଗିଛି ।ଗତ ଜାନୁଆରୀ ଶେଷ ସୁଦ୍ଧା ସେ ପୋଲିସ ଆଗରେ ତାଙ୍କ ଦୁଇ ସନ୍ତାନଙ୍କୁ ହାଜର କରିବାରେ ବିଫଳ ହେବାରୁ ତାଙ୍କ ବିରୋଧରେ ସଙ୍ଗୀନ ଦଫା ଲଗାଇଛି ପୋଲିସ।ନିକଟରେ ହାୱାଲିରେ ବ୍ୟୁଟି କୁଇନ ଲୋରି ଭାଲୋଙ୍କୁ ଗିରଫ କରାଯାଇଥିଲା । ତାଙ୍କ ଜାମିନ ପାଇଁ  କୋର୍ଟ ୫ ନିୟୁତ ଡଲାରର ବେଲ୍‌ବଣ୍ଡ ଘୋଷଣା କରିଛନ୍ତି । କିନ୍ତୁ ଏହି ଜମାନତ ଅର୍ଥ ହ୍ରାସ ଲାଗି ଉଦ୍ୟମ କରି ବିଫଳ ହୋଇଛନ୍ତି ଲୋରି ।

ଲୋରି ଭାଲୋଙ୍କ ଦୁଇ  ସନ୍ତାନ ୭ ବର୍ଷୀୟ ଜୋଶୁଆ ଭାଲୋ ଓରଫ ଜେଜେ  ଏବଂ ୧୭ ବର୍ଷୀୟା  ଟାଇଲି ରାୟନଙ୍କର ୫ ମାସ ହେବ ପତ୍ତା ମିଳୁନି । ସେମାନଙ୍କ ନିଖୋଜ ନେଇ ପ୍ରଥମେ ଜେଜେଙ୍କ ଜେଜେ ମାଆ ପୋଲିସରେ ଅଭିଯୋଗ କରି ପିଲା ଦୁହିଁଙ୍କ ଭଲମନ୍ଦ ସଂପର୍କରେ ଯାଞ୍ଚ ଲାଗି ନିବେଦନ କରିଥିଲେ । ଏପଟେ ୫ମ ବିବାହ କରିଥିବା  ଲୋରି ଭାଲୋ  ଏବଂ ତାଙ୍କ ସ୍ବାମୀ ଚାଧ ଡେବିଲ୍ ଏହି ଘଟଣାରେ ଦେଖାଇଥିବା ବ୍ୟବହାର ପୋଲିସର ସନ୍ଦେହ ବଢାଇ ଦେଇଥିଲା । ସେପ୍ଟେମ୍ବରରେ ଦୁଇ ପିଲାଙ୍କୁ ଦେଖିବାକୁ ମିଳିଥିଲା ।

ନଭେମ୍ବରରେ ପିଲାଙ୍କ ଖୋଜ ଖବର ମିଳିନଥିଲା । ଏହି ଘଟଣା ପରେ ପୋଲିସ ଛାନଭିନ୍‌ ଆରମ୍ଭ କରିଥିଲା ।ଏହି ଅଭିଯୁକ୍ତ ବିଉଟି କୁଇନ୍‌ ଅତୀତରେ ହୁଇଲ ଅଫ ଫର୍ଚୁନ୍‌ରେ ଅଂଶ ଗ୍ରହଣ କରି ୧୭,୫୦୦ ଡାଲାର ଜିତିଥିଲେ । ତା ସହ ସେ ସୁନ୍ଦରୀ ପ୍ରତିଯୋଗିତାରେ ବି ପ୍ରତିଯୋଗୀ ହୋଇଥିଲେ । ତେବେ ବର୍ତ୍ତମାନ ତାଙ୍କ ବିରୋଧରେ ନିଜ ଶିଶୁଙ୍କ ନିଖୋଜର ଆରୋପ। ପିଲା ଦୁଇଟିଙ୍କ ଜୀବନ ପ୍ରତି ବିପଦ ଥିବା କେତେକ ଆଲୋଚନା କରୁନଥିବା ବେଳେ ସନ୍ଦିଗ୍ଧ ପରିବେଶରେ ଶିଶୁ ଦୁଇଟିଙ୍କର ମୃତ୍ୟୁ ହୋଇଥିବା ଆଶଙ୍କା ମଧ୍ୟ କରାଯାଉଛି । 

   Related Posts