କଳାହାଣ୍ଡି, ୦୨।୧୧ : ସହରରେ ବୁଲୁଛି ଭାଲୁ । ଖାଦ୍ୟ ଅନ୍ୱେଷଣରେ ସହର ମୁହାଁ ଜଙ୍ଗଲୀ ଭାଲୁ । ଏପରି ଦୃଶ୍ୟ ଦେଖିବାକୁ ମିଳିଛି କୋକସରାର ଲଡୁଗାଁ ସହରରେ ।
ସୂଚନାନୁସାରେ, କୋକସରା ବ୍ଲକ ଲଡୁଗାଁ ସହରରେ ଶନିବାର ବିଳମ୍ବିତ ରାତିରେ ୩ ଭାଲୁ ପଶି ବୁଲୁଥିବା ଦେଖିବାକୁ ମିଳିଥିଲା । ଭାଲୁ ସହର ମଧ୍ୟକୁ ପଶି ଆସିବା ପରେ ଲୋକେ ଆତଙ୍କିତ ହୋଇ ପଡିଛନ୍ତି । ୩ ଗୋଟି ଭାଲୁ ମଧ୍ୟରେ ଗୋଟିଏ ବଡ଼ ଓ ୨ ଟି ଛୋଟ ଛୁଆ ଭାଲୁ ଥିବା ଜଣାପଡିଛି।
ତେବେ ଏହି ଘଟଣା ସହରରେ ପ୍ରଥମ ହୋଇଥିବା ଯୋଗୁଁ ଲୋକେ ଆତଙ୍କିତ ହୋଇ ପଡିଛନ୍ତି । ପରେ ଭାଲୁ ନିକଟବର୍ତ୍ତୀ ପାହାଡ଼କୁ ଚାଲି ଯାଇଥିବା ସୂଚନା ମିଳିଛି । ବନ ବିଭାଗ ଲୋକଙ୍କ ସୁରକ୍ଷା ପାଇଁ ସତର୍କ ଦୃଷ୍ଟି ଦେବାକୁ ଲଡୁଗାଁ ଅଞ୍ଚଳବାସୀ ଦାବି କରିଛନ୍ତି।
