ଇଟାଓ୍ଵା ୩୦/୧- ବ୍ୟାଙ୍କରେ ଖାତା ଯଦି ଅଛି, ଆପଣ ଏହି ସବୁ ବିଷୟରେ ଧ୍ୟାନ ଦେବା ଦରକାର । କାରଣ ଆପଣ ବି ଅନେକ ସମୟରେ ଠକାମୀରେ ପଡ଼ିଯାଇପାରନ୍ତି । ଆଜିକାଲି ସାଇବର ଚୋରଙ୍କ ସଂଖ୍ୟା ଏତେ ପରିମାଣରେ ବଢ଼ିଗଲାଣି, ସେମାନେ ଆପଣଙ୍କ ଆଖିରେ ଧୂଳିଦେଇ ଠକିଦେଇପାରନ୍ତି ।
ଏହିଭଳି ଘଟଣା ଘଟିଛି ମୋହଲ୍ଲାର ସଚିନ କୁମାର ବୋଲି ଜଣେ ଯୁବକଙ୍କ କ୍ଷେତ୍ରରେ । ଅଚଳ ହୋଇ ପଡ଼ିଥିବା କାନାଡ଼ା ବ୍ୟାଙ୍କ ଏଟିଏମକୁ ପୁଣିଥରେ ଚଳାଇବା ପାଇଁ ବ୍ୟାଙ୍କକୁ ଯାଇଥିଲେ । ବ୍ୟାଙ୍କରେ ଆନୁଷଙ୍ଗିକ କାଗଜପତ୍ର ଦେଇ ଆସିବା ପରେ ଘରକୁ ଫୋନ ଆସିଥିଲା । ଫୋନରେ ସେମାନେ ମୋବାଇଲକୁ ଆସିଥିବା ଓଟିପି ନମ୍ବର ମାଗିଥିଲେ । ଏଟିଏମକୁ ଚାଲୁ କରିବାକୁ ଏହା ଦରକାର, ସେମାନେ ବ୍ୟାଙ୍କରୁ କହୁଛନ୍ତି ବୋଲି କହିଥିଲେ ।
କିଛି ସମୟ ପରେ ସଚିନଙ୍କ ଆକାଉଣ୍ଟରୁ ୩୫୫୫୦ ଟଂକା କଟିଯାଇଥିଲା । ସଚିନ ଏହି ବାବଦରେ ବ୍ୟାଙ୍କ ମ୍ୟାନେଜରଙ୍କୁ ପଚାରିବା ପରେ ସେମାନେ ଏବାବଦରେ କିଛି ଜାଣି ନାହାଁନ୍ତି ବୋଲି କହିଥିଲେ ।
ଆପଣମାନେ ବି ସତର୍କ ଥାଆନ୍ତୁ, ନହେଲେ ଆପଣଙ୍କ ଆକାଉଣ୍ଟରୁ ସାଇବର ଚୋରମାନେ ବି ଲୁଟିପାରନ୍ତି ଏହିଭଳି ଟଂକା ।
