ନୂଆଦିଲ୍ଲୀ ୨୧/୦୯: ଭାରତୀୟ କ୍ରିକେଟରଙ୍କ ପାଇଁ ଖୁସି ଖବର । ଖେଳାଳିଙ୍କ ପାରିଶ୍ରମିକ ନେଇ ବଡ ଘୋଷଣା କରିଛି ବିସିସିଆଇ । କରୋନା କାଳରେ ଭାରତୀୟ ଘରୋଇ କ୍ରିକେଟରଙ୍କ ପାରିଶ୍ରମିକ ବଢାଇଛି ବିସିସିଆଇ । ଏଣିକି ବରିଷ୍ଠ ଘରୋଇ କ୍ରିକେଟରଙ୍କ ପାଇଁ ପ୍ରତି ମ୍ୟାଚ୍ ପିଛା ପାରିଶ୍ରମିକ ୬୦ ହଜାର ଟଙ୍କା ଘୋଷଣା କରିଛି ବୋର୍ଡ । କିନ୍ତୁ ଏହି ବରିଷ୍ଠ ଖେଳାଳି ସର୍ବନିମ୍ନ ୪୦ଟି ମ୍ୟାଚ୍ ଖେଳିଥିବା ଆବଶ୍ୟକ ।

wp:html

I am pleased to announce the hike in match fee for domestic cricketers.

Seniors – INR 60,000 (above 40 matches).

Under 23- INR 25,000

Under 19 – INR 20,000#BCCIApexCouncil

— Jay Shah (@JayShah) September 20, 2021

/wp:html

ସେହିଭଳି ୨୩ ବର୍ଷରୁ କମ ଘରୋଇ କ୍ରିକେଟର ଓ ୧୯ ବର୍ଷରୁ କମ ଘରୋଇ କ୍ରିକେଟରଙ୍କ ପାଇଁ ମ୍ୟାଚ୍ ପିଛା ପାରିଶ୍ରମିକ ଯଥାକ୍ରମେ ୨୫ ହଜାର ଓ ୨୦ ହଜାର ଟଙ୍କା ମିଳିବ ବୋଲି ଘୋଷଣା କରିଛି ବୋର୍ଡ । ଦୁବାଇରେ ବସିଥିବା ବିସିସିଆଇର ବୈଠକରେ ଏନେଇ ନିଷ୍ପତ୍ତି ନିଆଯାଇଛି । ବିସିସିଆଇ ସମ୍ପାଦକ ଜୟ ଶାହା ଟ୍ୱିଟ କରି ଏହି ସୂଚନା ଦେଇଛନ୍ତି । ସେ କହିଛନ୍ତି ଯେଉଁ ଖେଳାଳି ୨୦୧୯-୨୦ ସିଜିନରେ ଘରୋଇ କ୍ରିକେଟରେ ଭାଗ ନେଇଥିଲେ ସେମାନଙ୍କୁ ଅତିରିକ୍ତ ୫୦ ପ୍ରତିଶତ ମ୍ୟାଚ୍ ପାରିଶ୍ରମିକ ଦିଆଯିବ ।