Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||
  • ଓଏସଏପି ଯବାନଙ୍କ ଆତ୍ମହତ୍ୟା, ଗଛରେ ଝୁଲୁଛି ମୃତଦେହ
  • ||
  • କ୍ଲାସରୁମ୍ ଭିତରକୁ ପଶିଆସିଲା ବାଘ, ଛାତ୍ରଛାତ୍ରୀଙ୍କୁ ଗୋଡାଇ ଗୋଡାଇ କଲା ଘାଇଲା
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୫କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୨ କରୋନା ସଂକ୍ରମିତ, ୧୦୪୯୫୯୭ରେ ପହଞ୍ଚିଲା ସଂଖ୍ୟା
  • ||
  • ମାର୍ଗଶିର ଗୁରୁବାରରେ ଲକ୍ଷ୍ମୀ ମନ୍ଦିରରୁ ଚୋରି, ନେଇଗଲେ ହୁଣ୍ଡି ଓ ସୁନା ଗହଣା
  • ||
  • ଗୁଜୁରାଟ ଦଙ୍ଗା ବେଳେ କେଉଁ ସରକାର ଥିଲା ? ସିବିଏସଇର ପ୍ରଶ୍ନକୁ ନେଇ ବିବାଦ ଜୋର
  • ||

ବିସିସିଆଇର ଟଙ୍କା ଲୋଭ ଇଣ୍ଡିଆର ଟି୨୦ ବିଶ୍ୱକପକୁ ଦେଲା ଝଟ୍‌କା, ବିଜି ସିଡ୍ୟୁଲ କ୍ରିକେଟରଙ୍କ ପ୍ରଦର୍ଶନରେ ହେଲା ବାଧକ !

2/11/2021 at 2:37 PM

ନୂଆଦିଲ୍ଲୀ, ୦୨।୧୧ :   ଟି୨୦ ବିଶ୍ୱକପରେ ଭାରତ ନୈରାଶ୍ୟଜନକ ପ୍ରଦର୍ଶନ କରିଛି । ଦଳ ପାକିସ୍ତାନଠାରୁ ୧୦ ଓ୍ୱିକେଟରେ ଓ ନ୍ୟୁଜିଲାଣ୍ଡଠାରୁ ୮ ଓ୍ୱିକେଟରେ ପରାସ୍ତ ହୋଇଛି । ବିରାଟ ବାହିନୀକୁ ସମସ୍ତେ ଟ୍ରୋଲ କରିଛନ୍ତି । ଏପରିକି ସୋସିଆଲ ମିଡିଆରେ ଆଇପିଏଲ ବ୍ୟାନ୍ ହାସଟ୍ୟାଗ୍ ଟ୍ରେଣ୍ଡ୍ କରୁଛି ।

ଦଳ ହାରିବା ପରେ ଅଧିନାୟକ ବିରାଟ କୋହଲି କହିଥିଲେ ଯେ, ସେମାନେ ଦୀର୍ଘଦିନ ହେଲା ଲଗାତର ଭାବେ ଖେଳୁଛନ୍ତି । ତେବେ ୨୦୧୯ ବିଶ୍ୱକପ ସେମିଫାଇନାଲ ଓ ବିଶ୍ୱ ଟେଷ୍ଟ ଚାମ୍ପିଅନସିପରେ ଭାରତ ନ୍ୟୁଜିଲାଣ୍ଡଠୁ ହିଣ ପରାସ୍ତ ହୋଇଥିଲା । ଦଳ ଏକ ପ୍ରକାର ଟି୨୦ ବିଶ୍ୱକପ ସେମିଫାଇନାଲ ରେସରୁ ବାଦ୍ ପଡିସାରିଛି । ଦଳକୁ ସେମିଫାଇନାଲରେ ପ୍ରବେଶ କରିବାକୁ ହେଲେ ଶେଷ ତିନୋଟି ମ୍ୟାଚକୁ ବଡ ବ୍ୟବଧାନରେ ଜିତିବାକୁ ହେବ ଓ ନ୍ୟୁଜିଲାଣ୍ଡକୁ ଆଫଗାନିସ୍ତାନ କିମ୍ବା ସ୍କଟଲାଣ୍ଡ କିମ୍ବା ନାମିବିୟାଠାରୁ ହାରିବାକୁ ପଡିବ ।

ଟୁର୍ଣାମେଣ୍ଟ ଆରମ୍ଭ ହେବା ପୂର୍ବରୁ ଭାରତୀୟ ଦଳ ଫେଭରେଟ୍ ଥିଲା । କିନ୍ତୁ ଦଳର ପ୍ରଦର୍ଶନ ସମସ୍ତଙ୍କୁ ନିରାଶ କରିଛି । କିଛି ବିଶେଷଜ୍ଞ ଖେଳାଳି ଅଧିକ ଆତ୍ମବିଶ୍ୱାସ କାରଣରୁ ଏପରି ସ୍ଥିତି ଭୋଗୁଥିବା କହୁଛନ୍ତି । ସେହିପରି ଦୀର୍ଘଦିନ ହେବ ବିରାଟ ବ୍ରିଗେଡ୍ ବାୟୋ ବବଲରେ ରହିଛି । ଏହାଦ୍ୱାରା ସେମାନଙ୍କ ମାନସିକ ଚାପ ବଢିଛି । ନ୍ୟୁଜିଲାଣ୍ଡଠୁ ପରାସ୍ତ ହେଲା ପରେ ବୋଲର ଜସପ୍ରିତ ବୁମରାହ ଏନେଇ କହିଥିଲେ । ସେମାନେ ଗତ ଅଗଷ୍ଟରୁ ଲଗାତର ଭାବେ କ୍ରିକେଟ ଖେଳୁଥିବା ବୁମରାହ କହିଥିଲେ । ପରିବାରଠୁ ଅଲଗା ରହିବା ମଧ୍ୟ ଏକ କାରଣଥିବା କହିଥିଲେ ବୁମରାହ । ଖେଳାଳିଙ୍କ ଏହି ସମସ୍ୟା ପାଇଁ ବିସିସିଆଇ ଦାୟୀ ବୋଲି କହିଛନ୍ତି କ୍ରିକେଟ୍ ସମୀକ୍ଷକ ।

ବିସିସିଆଇ ଟଙ୍କା ଓ ଲାଭ ଲୋଭରେ ଖେଳାଳିଙ୍କ ମାନସିକ ସମସ୍ୟାକୁ ହେୟଜ୍ଞାନ କରୁଛି । ଆଇପିଏଲ ପରେ ତୁରନ୍ତ ଆରମ୍ଭ ହୋଇଥିଲା ଟି୨୦ ବିଶ୍ୱକପ୍ । ଦଳରେ ଯେଉଁ ୧୫ ଜଣ ଖେଳାଳିଙ୍କୁ ସାମିଲ କରାଯାଇଛି ଅଧିକାଂଶ ଗତ ଜୁନରୁ ଲଗାତର ଭାବେ କ୍ରିକେଟ୍ ଖେଳୁଛନ୍ତି । ସେମାନଙ୍କୁ ସେଭଳି ବିଶ୍ରାମ ମିଳୁନାହିଁ । ବିସିସିଆଇ ଯେତେ ଅସୁବିଧା ହେଲେ ବି ଯେନତେନ ପ୍ରକାରେଣ ଆଇପିଏଲ ଆୟୋଜନ କରିବାକୁ ଚାହୁଁଛି ।  ଦଳର ବରିଷ୍ଠ ଖେଳାଳି ଫଟାଫଟ୍ କ୍ରିକେଟ୍ ଖେଳୁଛନ୍ତି ।

ଗୋଟିଏ ପଟେ ବିସିସିଆଇ ଟଙ୍କା ପଛରେ ପଡିଛି । ଅନ୍ୟପଟେ ଦଳର ପ୍ରତିଭା ହ୍ରାସ ପାଉଛି । ଖେଳାଳିମାନଙ୍କୁ ମେସିନ୍ ଭଳି ମଧ୍ୟ ବ୍ୟବହାର କରୁଛି । ଯାହା ଭାରତୀୟ କ୍ରିକେଟ ଅଧୋଗତିର ସବୁଠାରୁ ବଡ କାରଣ ।

   Related Posts