Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ଟି-୨୦ ବିଶ୍ଵକପ ଭାରତରେ ହେବ କି ନାହିଁ ? ଆଇସିସିକୁ ଗୋଟିଏ ମାସର ସମୟ ମାଗିଲା ବିସିସିଆଇ

29/05/2021 at 4:49 PM

ମୁମ୍ବାଇ ୨୯।୦୫: ଆଇପିଏଲ ଓ ଟି-୨୦ ବିଶ୍ଵକପକୁ ନେଇ ଶନିବାର ବିସିସିଆଇର ସାଧାରଣ ବୈଠକ ଅନୁଷ୍ଠିତ ହୋଇଛି। ବୈଠକର ଅନେକ ଗୁରୁତ୍ଵପୂର୍ଣ୍ଣ ନିଷ୍ପତ୍ତି ନିଆଯାଇଛି। ୟୁଏଇରେ ଆଇପିଏଲ ୨୦୨୧ର ବଳକା ଆୟୋଜନକୁ ଏସଜିଏମ ମଞ୍ଜୁରୀ ଦେଇଛନ୍ତି। ହେଲେ ଟି-୨୦ ବିଶ୍ଵ କପ ଆୟୋଜନ ଉପରେ ଅନ୍ତିମ ନିଷ୍ପତ୍ତି ନେବା ପାଇଁ ବୋର୍ଡ ଆଇସିସିକୁ ଗୋଟିଏ ମାସର ମାଗିଛି ଯଦ୍ଵାରା ଭାରତରେ କରୋନା ମହାମାରୀର ସ୍ଥିତି ଆକଳନ କରାଯାଇ ପାରିବ।

ବିସିସିଆଇର ସାଧାରଣ ବୈଠକ ୫୦ ମିନିଟ୍ ପର୍ଯ୍ୟନ୍ତ ଚାଲିଥିଲା। ଏଥିରେ ସମସ୍ତ ସଦସ୍ୟ ଦୁଇଟି ପ୍ରସ୍ତାବକୁ ସର୍ବସମ୍ମତିକ୍ରମେ ମଞ୍ଜୁରୀ ଦେଇଛନ୍ତି। ବୈଠକରେ ଉପସ୍ଥିତ ଜଣେ ବରିଷ୍ଠ ସଦସ୍ୟ କହିଛନ୍ତି, ଏସଜିଏମ ଆଇପିଏଲର ଅବଶିଷ୍ଟ ମ୍ୟାଚ୍ ସେପ୍ଟେମ୍ବର-ଅକ୍ଟୋବରରେ କରିବାକୁ ମଞ୍ଜୁରୀ ଦେଇଛି। ଏହାର ତାରିଖ ଘୋଷଣା ପରେ କରାଯିବ ବୋଲି ଅଧିକାରୀ କହିଛନ୍ତି।

ସମସ୍ତ ସଦସ୍ୟ ଭାରତରେ ଟି-୨୦ ବିଶ୍ଵ କପ୍ ଆୟୋଜନ ହେଉ ବୋଲି ଚାହୁଁଛନ୍ତି। କିନ୍ତୁ ଏହା ଉପରେ କୌଣସି ଅନ୍ତିମ ନିଷ୍ପତ୍ତି ନିଆଯାଇ ନାହିଁ। ବିଶ୍ଵ କପ ଆୟୋଜନ ଉପରେ ଚୂଡାନ୍ତ ନିଷ୍ପତ୍ତି ନେବା ପାଇଁ ବିସିସିଆଇ ଆଇସିସିକୁ ଗୋଟିଏ ମାସର ସମୟ ଦେବାକୁ ଅନୁରୋଧ କରିବ। ଏହି ସମୟରେ କରୋନା ସ୍ଥିତିର ଅନୁଧ୍ୟାନ କରାଯାଇ ଭାରତରେ ବିଶ୍ଵ କପ୍ ଆୟୋଜନ କରାଯାଇ ପାରିବ କି ନାହିଁ ତାର ଅନ୍ତିମ ନିଷ୍ପତ୍ତି ନିଆଯିବ ବୋଲି ସଦସ୍ୟ କହିଛନ୍ତି।

ଏକ ରାଜ୍ୟ ସଂଘର ବରିଷ୍ଠ ସଦସ୍ୟଙ୍କ ଅନୁଯାୟୀ, ଟିକସରୁ ରିହାତି ଦେବା ମାମଲା ଉପରେ ମଧ୍ୟ ଆଲୋଚନା ହୋଇଛି। ଆଇସିସି ଚାହୁଁଛି ଭାରତରେ ବିଶ୍ଵ କପ୍ ଆୟୋଜନ ହେଲେ ଏହା ଉପରୁ ଟିକସ ଛାଡ କରାଯାଉ। ହେଲେ ଆମକୁ ସରକାରଙ୍କ ନିର୍ଦ୍ଦେଶ ପାଳନ କରିବାକୁ ପଡିବ। ଭାରତରେ ଟି-୨୦ ବିଶ୍ଵ କପ୍ ଆୟୋଜନ ହେଲେ ସବୁ ପକ୍ଷ ଲାଭବାନ ହେବେ ବୋଲି ସଦସ୍ୟ କହିଛନ୍ତି।

   Related Posts