ଭୁବନେଶ୍ୱର ୨୦/୫ : ଲୁଟେରାଙ୍କ ଆତଙ୍କ ରାଜ । ରାଜଧାନୀ ଓ ରାଜଧାନୀ ଉପକଣ୍ଠରେ ମାତିଛନ୍ତି ଲୁଟେରା । ଶନିବାର ରାଜଧାନୀର ବିଭିନ୍ନ ଓଭର ବ୍ରିଜ୍ ଉପରୁ ଲୁଟପାଟ କରିଥିବା ବେଳେ ରବିବାର ପୁରୀ ବାଇପାସ୍ ରାସ୍ତାରେ ସ୍ପାଇଡର ମ୍ୟାନ ମୁଖା ପିନ୍ଧି ଲୁଟିଛନ୍ତି ୫ ଲୁଟେରା । ମର୍ଣ୍ଣିଂୱାର୍କରେ ଯାଉଥିବା ବରିଷ୍ଠ ନାଗରିକମାନଙ୍କୁ ମାରଣାସ୍ତ୍ର ଦେଖାଇ ଲୁଟିଛନ୍ତି । ଅବସରପ୍ରାପ୍ତ ସେନା ଅଧିକାରୀ ଓ ପୋଲିସ ଅଧିକାରୀ ମଧ୍ୟ ଲୁଟେରାଙ୍କ କବଳରୁ ବର୍ତ୍ତି ପାରି ନାହାଁନ୍ତି ।
ଜଣେ ମହିଳାଙ୍କ ସମେତ ମୋଟ ୬ ଜଣ ଲୁଟର ଶିକାର ହୋଇଛନ୍ତି । ସମସ୍ତ ଘଟଣାରେ ଅଭିଯୋଗ ପରେ ପୋଲିସ ମାମଲା ରୁଜୁ କରି ତଦନ୍ତ କରୁଛି । ତେବେ ରାଜଧାନୀରେ ଅପରାଧ ନିୟନ୍ତ୍ରଣ ପାଇଁ କିଛି ମାସ ତଳେ ଅଧିକ ପିସିଆର ଭ୍ୟାନ ମୁତୟନ କରିବା ସହିତ ଦାୟିତ୍ବରେ ଥିବା କର୍ମଚାରୀଙ୍କୁ ବନ୍ଧୁକ ଦିଆଯିବ ବୋଲି କହିଥିଲେ ପୋଲିସ କମିଶନର । ଗୋଟିଏ ପଟେ ପୋଲିସ ପ୍ରତିଦିନ ବିଭିନ୍ନ ପଦକ୍ଷେପ ନେଉଥିବା ବେଳେ ଅନ୍ୟ ପଟେ ଲୁଟେରାଙ୍କ ଆତଙ୍କ ରାଜଧାନୀବସୀଙ୍କ ପାଇଁ ଚିନ୍ତାର କାରଣ ପାଲଟିଛି...
