ପୁରୀ୨୨|୧: କଂସ ମହାରାଜା ଏବେ ପ୍ରାୟଶ୍ଚିତ ପାଇଁ ଆସିଛନ୍ତି ଶ୍ରୀକ୍ଷେତ୍ର । କଂସ ଭୂମିକାରେ ସେ ଶ୍ରୀକୃଷ୍ଣଙ୍କୁ କଟୁ ବାକ୍ୟ ପ୍ରୟୋଗ କରିଥିବାରୁ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ନିକଟରେ କରିଛନ୍ତି କ୍ଷମା ପ୍ରାର୍ଥନା ।
{"id":76937}ଗୋବର୍ଦ୍ଧନ ପୀଠ ଯାଇ ସେଠାରେ ଜଗତଗୁରୁ ଶଙ୍କରାଚାର୍ଯ୍ୟଙ୍କ ଠାରୁ ନେଇଛନ୍ତି ଆଶୀର୍ବାଦ । ତୀର୍ଥରାଜ ମହୋଦଧିରେ ସ୍ନାନ କରିବା ପରେ ପାପରୁ ମୋକ୍ଷ ପାଇଁ ଶରଣାପନ୍ନ ହୋଇଛନ୍ତି ମହାପ୍ରଭୁଙ୍କ ପାଖରେ।
{"id":76935}କଂସ ବଧ ସହ ସରିଛି ବରଗଡ଼ର ବିଶ୍ୱପ୍ରସିଦ୍ଧ ଧନୁଯାତ୍ରା । ଆଉ କଂସ ମହାରାଜ ଏବେ ଶ୍ରୀକ୍ଷେତ୍ରକୁ ଆସିଛନ୍ତି ପାପର ପ୍ରାୟଶ୍ଚିତ ପାଇଁ । ଅଭିନୟ ସମୟରେ ପ୍ରଭୁ ଶ୍ରୀକୃଷ୍ଣଙ୍କ ଉଦ୍ଦେଶ୍ୟରେ କଟୁ ବାକ୍ୟ ପ୍ରୟୋଗ କରି ଥିବାରୁ ଏବେ କ୍ଷମା ପ୍ରାର୍ଥନା କରିଛନ୍ତି ମହାପ୍ରଭୁଙ୍କ ନିକଟରେ ।
{"id":76938}କଂସ ଭୂମିକାରେ ଅଭିନୟ କରିଥିବା ଭୂବନେଶ୍ବର ପଧାନ ପ୍ରଥମେ ପୁରୀ ଗୋବର୍ଦ୍ଧନ ପୀଠ ଯାଇ ଜଗତଗୁରୁ ଶଙ୍କରାଚାର୍ଯ୍ୟଙ୍କ ପାଖରେ କ୍ଷମା ପ୍ରାର୍ଥନା କରିଥିଲେ । ଏହାପରେ ସେ ମହୋଦଧିରେ ସ୍ନାନ କରି ସୂର୍ଯ୍ୟପୂଜା ମଧ୍ୟ କରିଥିଲେ । ପରେ ଶ୍ରୀମନ୍ଦିର ଯାଇ ମହାପ୍ରଭୁଙ୍କୁ ପୂଜାର୍ଚ୍ଚନା କରି ତାଙ୍କ ଶରଣାପନ୍ନ ହୋଇଛନ୍ତି।
{"id":76936}ବିଶ୍ୱାସ ରହିଛି ତୀର୍ଥରାଜ ମହୋଦଧିରେ ସ୍ନାନ କଲେ ସବୁ ପାପରୁ ମୋକ୍ଷ ମିଳିଥାଏ। ଅନ୍ୟପକ୍ଷରେ ମହାପ୍ରଭୁ ଶ୍ରୀଜଗନ୍ନାଥ କୃଷ୍ଣଙ୍କର ଅବତାର ହୋଇଥିବାରୁ କଂସ ମହାରାଜ ପ୍ରତିବର୍ଷ ପୁରୀକୁ ଆସି ପ୍ରାୟଶ୍ଚିତ କରିବାର ପରଂପରା ରହିଛି । ଶ୍ରୀଜୀଉଙ୍କୁ କ୍ଷମା ପ୍ରାର୍ଥନା ସହ ଶ୍ରୀମନ୍ଦିରରେ ମହାପ୍ରସାଦ ସେବନ କରି ନିଜ ଘର ବରଗଡ଼ ଅଭିମୁଖେ ବାହାରିଥିଲେ କଂସ ମହାରାଜା ।
{"id":76939}କଂସ ମହାରାଜଙ୍କ ମହାପ୍ରଭୁ ଦର୍ଶନ ହେଉଛି ଧନୁଯାତ୍ରାର ଅନ୍ତିମ ପର୍ବ। ସବୁଠାରୁ ଶକ୍ତିଶାଳୀ କଂସ ମହାରାଜଙ୍କ କାଳିଆ ନିକଟରେ ଶରଣାପନ୍ନ ହୋଇ ପ୍ରାୟଶ୍ଚିତ କରିବା ଧନୁଯାତ୍ରାର ଏକ ପରପଂରା।