ସୋର, ୧୩/୦୭: ବାଡିରେ ପଡିଛି ଜଙ୍ଗଲୀ ବାର୍ହାର ମୃତଦେହ । ବାଲେଶ୍ୱର ଜିଲ୍ଲା ଔପଦା ବନ ବିଭାଗ ଅଧୀନରେ ଥିବା ବାଘାଆମ୍ପୁଡା ବିଟ୍ କ୍ରସର ଛକ ପାଖରେ ଥିବା ଜଣଙ୍କ ବାଡ଼ିରେ ଗୋଟିଏ ଜଙ୍ଗଲୀ ବାର୍ହା ମରି ପଡିଥିବା ଦେଖିବାକୁ ମିଳିଛି | ,
ମଙ୍ଗଳବାର ସକାଳୁ ସ୍ଥାନୀୟ ଲୋକମାନେ ସେହି ରାସ୍ତା ଦେଇ ଯିବାବେଳେ ଏହି ବାର୍ହାଟି ମରି ପଡିଥିବା ଦେଖି ବନ ବିଭାଗକୁ ଖବର ଦେଇଥିଲେ | ବନ ବିଭାଗ ଏବଂ ସବୁଜ ବାହିନୀର କର୍ମଚାରୀମାନେ ଆସି ମୃତ ବାର୍ହାଟିକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲେ । ଏନେଇ ଔପଦା ରେଞ୍ଜର ବବିତା ସୋରେନ ସୂଚନା ଦେଇଛନ୍ତି |
ବାରମ୍ବାର ଶିକାରୀଙ୍କ ଫାସରେ ନୀରିହ ବନ୍ୟଜନ୍ତୁ ବଳି ପଡୁଥିବାର ଦେଖିବାକୁ ମିଳୁଛି | ଔପଦା ,ବଡ଼ପୋଖରୀ ଅଞ୍ଚଳରେ ଅନେକ ଶିକାରୀ ମାନେ ଏପରି ଭାବେ ବନ୍ୟଜନ୍ତୁଙ୍କ ଶିକାର କରୁଥିବା ଅଭିଯୋଗ ହେଉଛି ।
