ବରଗଡ଼ ୧୭/୧୧ : ବରଗଡ ଜିଲ୍ଲା ପଦ୍ମପୁରରେ ଚାଲିଛି ବେଧଡକ ନିଶା କାରବାର। ନିଶା ଫାଶରେ ପଡି ଅକାଳରେ ଯାଉଛି କୋମଳମତି ଯୁବକଙ୍କ ଜୀବନ। ସହଜରେ ଉପଲବ୍ଧ କଫ ସିରପ,ଚିକିତ୍ସାପାଇଁ ବ୍ୟବହାର ହେଉଥିବା ଇଞ୍ଜେକ୍ସନ ଆଦିକୁ ନିଶାଭାବେ ଗ୍ରହଣ କରି ପଥଭ୍ରଷ୍ଟ ହେଉଛନ୍ତି ଆଜିର ଯୁବସମାଜ । ଦେଖନ୍ତୁ ଏହି ରିପୋର୍ଟକୁ।
ବରଗଡ ଜିଲ୍ଲା ପଦ୍ମପୁରରେ ଚାଲିଛି ବେଧଡକ ନିଶା କାରବାର। ନିଶା ଔଷଧ କବଳରେ ଜିଲ୍ଲାର କୋମଳମତି ଯୁବସମାଜ।। ପଦ୍ମପୁର ଅଞ୍ଚଳକୁ ଲାଗି ରହିଥିବା ଛତିଶଗଡର ସୀମା ମୁକୁଳା ରହିଥିବାରୁ ଡ୍ରଗ୍ସ ମାଫିଆଙ୍କ ପାଇଁ ଏହି ଅଞ୍ଚଳ ପାଲଟିଛି ଭୂସ୍ବର୍ଗ। ପ୍ରତିଦିନ ଚୋରାରେ ଚାଲାଣ କରୁଛନ୍ତି ହଜାର ହଜାର ସଂଖ୍ୟାରେ କଫସିରପ,ନିଶା ବଟିକା,ଇଞ୍ଜେକ୍ସନ। ସହରଠୁ ଗାଁ ପର୍ୟ୍ୟନ୍ତ ଏହା ସହଜରେ ଉପଲବ୍ଧ ହେଉଥିବାରୁ କଲେଜ ପିଲାଠୁ ଆରମ୍ଭ କରି ବୁଢା ପର୍ୟ୍ୟନ୍ତ ଏଥିପ୍ରତି ଆକର୍ଷିତ ହେଉଛନ୍ତି। ଯିଏ ଥରେ ଏହାର ଫାଶରେ ପଡୁଛି ସିଏ ଏଥିରୁ ମୁକୁଳି ପାରୁନି ।
ପଦ୍ମପୁରେର ନିଶା ଔଷଧ ସେବନ କରି ଦଶରୁ ଉର୍ଦ୍ଧ୍ବ ଯୁବକଙ୍କ ଜୀବନ ଗଲାଣି। ଅନେକଙ୍କ ପରିବାର ଉଜୁଡିଲାଣି । କିଏ ନିଜ ଏକମାତ୍ର ପୁଅକୁ ହରାଇ ଆଜି ପର୍ୟ୍ୟନ୍ତ ଝୁରି ହେଉଛି ତ ଆଉ କିଏ ନିଜ ସାହା ଭରସାକୁ ହରାଇ ରାତିରେ ଶୋଇପାରୁନି। କିଛି ଯୁବକଙ୍କୁ ତାଙ୍କର ଅଭିଭାବକମାନେ କଟକ,ଭୁବନେଶ୍ବରସ୍ଥିତ ନିଶା ନିବାରଣ କେନ୍ଦ୍ରରେ ଚିକିତ୍ସିତ କରାଉଛନ୍ତି। ଆଉ କିଛି ନିଶା ନିବାରଣ କେନ୍ଦ୍ରରୁ ଫେରି ସୁସ୍ଥ ଜୀବନ ଅତିବାହିତ କରୁଛନ୍ତି । ନିଶା କାରବାରରେ ଜଡିତ ଡ୍ରଗ୍ସ ମାଫିଆଙ୍କ ବିରୋଧରେ ପୋଲିସର ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି।
ଅବାଧରେ ଚାଲିଥିବା ନିଶା ଔଷଧ କାରବାରର ସମୂର୍ଣ୍ଣ ରୋକ ଲଗାଯିବାସହିତ ଡ୍ରଗ୍ସ ମାଫିଆଙ୍କ ବିରୋଧରେ ଦୃଢ କାର୍ୟ୍ୟାନୁଷ୍ଠାନ ଏବେ ଜରୁରୀ ହୋଇପଡିଛି।