Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

୪୦୦ ବର୍ଷର ବ୍ରିଟିଶ ଶାସନରୁ ମୁକ୍ତ ହେଲା ବାର୍ବୋଡୋସ, ସମାପ୍ତ ହେଲା ଏଲିଜାବେଥ-୨ଙ୍କ ରାଜ

30/11/2021 at 6:41 PM

ବ୍ରିଜଟାଉନ ୩୦।୧୧: କାରବୀୟ ଦ୍ୱୀପର ପ୍ରମୁଖ ଦେଶ ବାର୍ବୋଡସ୍ ରୁ ମହାରାଣୀ ଏଲିଜାବେଥଙ୍କ ଶାସନ ସମାପ୍ତ ହୋଇଛି। ଏହା ଏବେ ସମ୍ପୂର୍ଣ୍ଣ ଗଣତାନ୍ତ୍ରିକ ଦେଶରେ ପରିଣତ ହୋଇଥିବା ବେଳେ ଦୀର୍ଘ ୪୦୦ ବର୍ଷର ବ୍ରିଟିଶ ଶାସନରୁ ମୁକ୍ତ ହୋଇ ବିଶ୍ୱର ୫୫ତମ ଗଣତାନ୍ତ୍ରିକ ରାଷ୍ଟ୍ରରେ ପରିଣତ ହୋଇଛି।  ମହାରାଣୀ ଏଲିଜାବେଥ ଦ୍ୱିତୀୟ ଏବେ ଆଉ ଦେଶ ଶାସନର ସର୍ବେସର୍ବା ରହିବେ ନାହିଁ।  ବାର୍ବୋଡସର ସ୍ୱାଧୀନତା ଲାଗି ଅନୁଷ୍ଠିତ ସମାରୋହରେ ରାଣୀଙ୍କ ପ୍ରତିନିଧିତ୍ୱ କରୁଥିବା ରୟାଲ ଷ୍ଟାଣ୍ଡାର୍ଡ ଫ୍ଲାଗ ଅବତରଣ କରାଯାଇଛି। କାର୍ଯ୍ୟକ୍ରମରେ ପ୍ରିନ୍ସ ଚାର୍ଲସ ମଧ୍ୟ ଉପସ୍ଥିତ ଥିଲେ।

ଗଭର୍ଣ୍ଣର ଜେନେରାଲ ସାଣ୍ଡ୍ରା ମେସନ ସ୍ୱାଧୀନ ବାର୍ବୋଡସ୍‌ର ପ୍ରଥମ ରାଷ୍ଟ୍ରପତି ନିଯୁକ୍ତ ହୋଇଛନ୍ତି। ରାଣୀ ଏଲିଜାବେଥ ଦ୍ୱିତୀୟ ତାଙ୍କୁ ରାଷ୍ଟ୍ରପତି ଭାବେ ନିଯୁକ୍ତ କରିଛନ୍ତି। ଦେଶର ପ୍ରଥମ ରାଷ୍ଟ୍ରପତି ଭାବେ ମେସନ ପଦ ଓ ଗୋପନୀୟତାର ଶପଥପାଠ କରିଛନ୍ତି। ଏହା ପୂର୍ବରୁ ମେସନ ଆଟର୍ଣ୍ଣି ଓ ଜଜ୍ ମଧ୍ୟ ଥିଲେ। ଏହା ଛଡା ଅତୀତରେ ସେ ଭେଞ୍ଜୁଏଲା, କୋଲମ୍ବିଆ, ଚିଲି ଓ ବ୍ରାଜିଲ ରାଷ୍ଟ୍ର ଦୂତ ଭାବେ ମଧ୍ୟ କାମ କରିଛନ୍ତି।

କାରବୀୟ ଦେଶଙ୍କ ମଧ୍ୟରେ ବାର୍ବୋଡସ ସବୁଠୁ ଧନି ରାଷ୍ଟ୍ର। ଦେଶର ଅର୍ଥ ବ୍ୟବସ୍ଥା ପର୍ଯ୍ୟଟନ ଉପରେ ନିର୍ଭର କରେ।  ଦୀର୍ଘବର୍ଷର ସ୍ୱାଧୀନତା ସଂଗ୍ରାମ ପରେ ବ୍ରିଟିଶ ଶାନରୁ ବାର୍ବୋଡସକୁ ୧୯୬୬ ମସିହାରେ ସ୍ୱାଧୀନ ଘୋଷଣା କରାଯାଇଥିଲା। ତେବେ ଏଠାରେ ରାଣୀ ଏଲିଜାବେଥ ଶାସନର ସର୍ବମୟୀ କର୍ତ୍ରୀଥିଲେ।  ଏହା ପୂର୍ବରୁ ଗୁଏନା, ଡୋମନିକା, ତ୍ରିନିଦାଦ ଓ ଟୋବେଗୋ ଗଣତାନ୍ତ୍ରିକ ସାଧାରଣତନ୍ତ୍ରରେ ପରିଣତ ହୋଇ ସାରିଥିଲେ।  ହେଲେ ସ୍ୱାଧୀନ ଘୋଷଣା ପରେ ବି ବାର୍ବୋଡସ ଏଲିଜାବେଥଙ୍କ ଶାସନାଧୀନ ରହିଥିଲା।

ଗତ ୨୦୦୫ ମସିହାରେ ଏ ନେଇ ବାର୍ବୋଡସ ତ୍ରିନିଦାଦସ୍ଥିତ କାରବୀୟ କୋର୍ଟ ଅଫ ଜଷ୍ଟିସ୍‌ରେ ଅପିଲ କରିଥିଲା। ଏଥିରେ ଲଣ୍ଡନସ୍ଥିତ ପ୍ରିଭି କାଉନସିଲକୁ ହଟାଇ ଦିଆଯାଇଥିଲା। ୨୦୦୮ ମସିହାରେ ବାର୍ବୋଡସ ନିଜକୁ ନିଜେ ସ୍ୱାଧୀନ ଘୋଷଣା ଲାଗି ପ୍ରସ୍ତାବ ରଖିଥିଲା। ହେଲେ ଏହାକୁ ଅନିଶ୍ଚିତ କାଳ ପର୍ଯ୍ୟନ୍ତ ଟାଳି ଦିଆଯାଇଥିଲା। ତେବେ ନଭେମ୍ବର ୩୦ରେ ବାର୍ବୋଡସକୁ ସ୍ୱାଧୀନ ଗଣତାନ୍ତ୍ରିକ ସାଧାରଣତନ୍ତ୍ର ଘୋଷଣା କରାଯାଇଛି। ଏବେ ବାର୍ବୋଡସର ନିଜର ଜାତୀୟ ପତାକା ଓ ଜାତୀୟ ସଂଗୀତ ହେବ।

   Related Posts