କିନ୍ନୋର ୧୪।୧୧: ହିମାଚଳ ପ୍ରଦେଶ କିନ୍ନୋର ଜିଲ୍ଲା ସାଙ୍ଗଲା-ଛିତକୁଲ ସମ୍ପର୍କ ମାର୍ଗରେ ଘଟିଛି ମର୍ମନ୍ତୁତ ସଡ଼କ ଦୁର୍ଘଟଣା। ବରଯାତ୍ରୀରେ ଯାଉଥିବା ଏକ କାର ମୁଖ୍ୟ ସଡକରୁ ୩୦୦ ମିଟର ତଳ ସଂଯୋଗ ସଡକକୁ ଖସିପଡିଛି। ଫଳରେ କାରରେ ଯାଉଥିବା ୫ ଜଣଙ୍କ ମଧ୍ୟରୁ ୪ ଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହସ୍ପିଟାଲରେ ପ୍ରାଣ ହୋଇଛନ୍ତି। ବରଯାତ୍ରୀଙ୍କ ଗାଡି ବଟସେରୀ ଯାଉଥିବା ରାସ୍ତାରେ ଦୁର୍ଘଟଣା ଗ୍ରସ୍ତ ହୋଇଥିବା ସଂଗଲା ଥାନା ସୂତ୍ରରୁ ସୂଚନା ମିଳିଛି।

{"id":543869,"width":839,"height":898,"sizeSlug":"full","linkDestination":"none"}

ପୋଲିସ ସୂଚନା ଅନୁସାରେ ରବିବାର  ଅପରାହ୍ନ ପ୍ରାୟ ୪ଟା ବେଳେ ଏହି ଦୁର୍ଘଟଣା ଘଟିଥିଲା। ରୋଧୀରୁ ଲୋକେ ବଟସେରୀକୁ ବରଯାତ୍ରୀ ଯାଉଥିଲେ। ସଙ୍ଗଲା-ଛିତକୁଲ ସଡକର ରାଜଲ ପାନଙ୍ଗରେ ଗାଡି ଅନିୟନ୍ତ୍ରିତ ହୋଇ ୩୦୦ ମିଟର ତଳକୁ ବଟସେରୀ ସଂଯୋଗ ସଡକକୁ ଖସିପଡିଥିଲା। ଫଳେ ଏଥିରେ ଯାତ୍ରା କରୁଥିବା ରୋଧୀ ଗ୍ରାମର ରମେଶ କୁମାର (୪୨), ଅଜୟ କୁମାର (୪୦) ଋନଙ୍ଗର କିଶୋରୀଲାଲ (୪୮) ଓ କିଲବାର ମଦନ ଲାଲ (୪୮)ଙ୍କର ଘଟଣା ସ୍ଥଲରେ ମୃତ୍ୟୁ ହୋଇଥିଲା। ତେବେ ଏଥିରେ ଯାତ୍ରା କରୁଥିବା ରୋଧୀର ଜିଆ ଲାଲ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଥିବା ବେଳେ ସେଠାରେ ତାଙ୍କର ମୃତ୍ୟୁ ହୋଇଛି।