Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

ପ୍ରବଳ ପ୍ରତାପୀ କଂସଙ୍କୁ ବଧ କଲେ କୃଷ୍ଣ-ବଳରାମ, ଶେଷ ଦିନରେ କମ୍ପିଲା ମଞ୍ଚ

11/01/2020 at 1:11 PM

ବରଗଡ ୧୧।୧: କଂସ ବଧ ସହ ଶେଷ ହୋଇଛି ଏବର୍ଷର ବିଶ୍ବପ୍ରସିଦ୍ଧ ବରଗଡ ଧନୁଯାତ୍ରା । ଅନ୍ୟାୟୀ, ଅତ୍ୟାଚାରୀର ପ୍ରତୀକ ମହାରାଜ କଂସଙ୍କୁ ନିହତ କରିଛନ୍ତି ଲୀଳାମୟ ଶ୍ରୀକୃଷ୍ଣ । ଶିବଧନୁକୁ ଭାଙ୍ଗିବା, କୁବଳୟା ହସ୍ତୀ ବଧ ସହ ଅଷ୍ଟମଲ୍ଲଙ୍କୁ ହତ୍ୟା କରିଛନ୍ତି କୃଷ୍ଣ ଓ ବଳରାମ ।  ମଥୁରା ନଗରୀର ରାଜ ସିଂହାସନରେ ମହାରାଜ ଉଗ୍ରସେନଙ୍କୁ ପୁଣି ଥରେ ସିଂହାସନ ଆରୋହଣର ସହ ଦେବକୀ ବସୁଦେବଙ୍କୁ କାରାଗାରରୁ ମୁକ୍ତ କରିବା ଦୃଶ୍ୟ ସହ ଯବନିକା ପଡିଛି ଏ ବର୍ଷର ବିଶ୍ବ ପ୍ରସିଦ୍ଧ ବରଗଡ ଧନୁଯାତ୍ରା ।

ଦୀର୍ଘ ୧୧ ଦିନ ଧରି ଖୋଲା ରଙ୍ଗମଞ୍ଚରେ ପୌରାଣିକ କଥାବସ୍ତୁର ଧନୁଯାତ୍ରା ନାଟକ ଅଭିନୀତ ହେବା ପରେ ଆଜି କଂସ ବଧ ସହ ଶେଷ ହୋଇଛି ବରଗଡ଼ ଧନୁଯାତ୍ରା ।  ଅହଂକାରର ପ୍ରତୀକ ଶିବଧନୁକୁ ଭାଙ୍ଗିବା ସହ କୁବଳୟା ହସ୍ତୀକୁ ହତ୍ୟା କରିଥିଲେ ଶ୍ରୀକୃଷ୍ଣ ।

ଏହା ସହିତ ରାଜଦରବାର ଅଭିମୁଖେ ଗୋପାଳ ବାଳକଙ୍କ ସହ କୃଷ୍ଣ ବଳରାମ ଅଗ୍ରସର ହେଉଥିବାବେଳେ ନିଜର ଆସନ୍ନ ମୃତ୍ୟୁକୁ ନେଇ ଗର୍ଜିଉଠୁଥିଲେ କଂସ ।  ଚାଣ୍ଡୁକ, ମୁଷ୍ଟିକ ଅଷ୍ଟମଲ୍ଲଙ୍କୁ ହତ୍ୟା କରିବା ପରେ କଂସଙ୍କୁ ଆକ୍ରମଣ କରିଥିଲେ କୃଷ୍ଣ ଓ ବଳରାମ । ଶେଷରେ ଘମାଘୋଟ ମଲ୍ଲଯୁଦ୍ଧ ପରେ କୃଷ୍ଣ ହାତରେ ନିହତ ହେଲେ ପ୍ରବଳ ପ୍ରତାପୀ ମହାରାଜ କଂସ । ଅନ୍ୟାୟ, ଅତ୍ୟାଚାର, ଦୁରାଚାରର ପ୍ରତିବଦଳରେ ନ୍ୟାୟ ପ୍ରତିଷ୍ଠା ବାର୍ତ୍ତା ସହ ଶେଷ ହୋଉଛି ଏବର୍ଷର ବିଶ୍ବ ପ୍ରସିଦ୍ଧ ଧନୁଯାତ୍ରା ।

ଅନ୍ୟାୟ, ଅଧର୍ମର ପ୍ରତୀକ କଂସଙ୍କ ନିଧନ ପରେ ମଥୁରା ନଗରୀର ରାଜ ସିଂହାସନରେ ମହାରାଜ ଉଗ୍ରସେନଙ୍କୁ ପୁଣି ଥରେ ସିଂହାସନ ଆରୋହଣ କରିଥିଲେ । କୃଷ୍ଣ ବଳରାମଙ୍କ ନେଇ ଆରମ୍ଭ କରିଥିଲେ ରାଜକାର୍ଯ୍ୟ । ଦେବକୀ ବସୁଦେବଙ୍କୁ କାରାଗାରରୁ ମୁକ୍ତ କରିଥିଲେ କୃଷ୍ଣ ବଳରାମ  ।

ଅନ୍ୟାୟ ବଦଳରେ ନ୍ୟାୟ, ଅଧର୍ମ ବଦଳରେ ଧର୍ମର ପ୍ରତିଷ୍ଠା ବାର୍ତ୍ତା ଦେଇଆସିଛି ବରଗଡ଼ ଧନୁଯାତ୍ରା । ଖୋଲା ରଙ୍ଗମଞ୍ଚରେ ଦୀର୍ଘ ୧୧ ଦିନ ଧରି ଧନୁଯାତ୍ରାର ବିଭିନ୍ନ ଦୃଶ୍ୟ ଅଭିନୀତ ହେବା ପରେ ଆଜି ଏହି ବାର୍ତ୍ତା ସହ ଶେଷ ହୋଇଛି ଧନୁଯାତ୍ରା ନାଟକ ।

   Related Posts