ଜଗତସିଂହପୁର,୧୬/୦୯: ଉପର ମୁଣ୍ଡରେ ବର୍ଷା ଲାଗି ରହିବା ଫଳରେ ଜଗତସିଂହପୁର ଜିଲ୍ଲାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଜିଲ୍ଲା ଦେଇ ପ୍ରବାହିତ ହୋଇଥିବା ଦେବୀ ଓ ମହାନଦୀରେ ବନ୍ୟା ଜଳ ବୃଦ୍ଧି ପାଇବାରେ ଲାଗିଛି ।
ଉପର ମୁଣ୍ଡରୁ ବୁଧବାର ଛଡା ଯାଇଥିବା ୪ଲକ୍ଷ ଘନ ଫୁଟ ପାଣି ତଳ ମୁଣ୍ଡରେ ପହଁଚିବା ପାଇଁ ଆଉ ୪୮ ଘଣ୍ଟା ଲାଗିବ ବୋଲି ଜଳସମ୍ପଦ ନିର୍ବାହୀ ଯନ୍ତ୍ରୀ ସୂଚନା ଦେଇଛନ୍ତି । ଜିଲ୍ଲାର ଆଳି ପିଙ୍ଗଳ ନିକଟରେ ବିପଦ ସଂକେତ ୧୩ ମିଟର ରହିଥିବା ବେଳେ ଏହା ବିପଦ ସଂକେତ ତଳେ ପ୍ରବାହିତ ହେଉଛି ।
ତେବେ ଦଳେଇ ଘାଇ ପ୍ରତି କୌଣସି ବିପଦ ନଥିବାର ଜଳ ସଂପଦ ବିଭାଗ ପକ୍ଷରୁ ସୂଚନା ଦିଆ ଯାଇଛି । କିନ୍ତୁ ଦେବୀ ନଦୀର ଭଣ୍ଡି ସାହି ଓ ଦେବୀ ଦୋଳ ଠାରେ ପୂର୍ବରୁ ନଦୀବନ୍ଧ ଦବି ଥିବା ଫଳରେ ଏହାର ମରାମତି ଖୁବ ଶୀଘ୍ର କରାଯିବ ବୋଲି ଜଗତସିଂହପୁର ଜଳ ସଂପଦ ନିର୍ବାହୀ ଯନ୍ତ୍ରୀ କହିଛନ୍ତି ।
