ଭୁବନେଶ୍ଵର ୨୮।୦୬: ବଂଶଧାରା ନଦୀର କାଟ୍ରାଗାଡ଼ା ସେତୁ ବିବାଦ ମାମଲାରେ ଆନ୍ଧ୍ରକୁ ଚେକ୍ ଦେବାରେ ବିଫଳ ହେଲେ ରାଜ୍ୟ ସରକାର । ଜଳ ବିବାଦ ସମାଧାନ ପାଇଁ ଗଠିତ ଟ୍ରାଇବ୍ୟୁନାଲ ସାମ୍ନାରେ ନା ଯୁକ୍ତି ଉପସ୍ଥାପନ କରିପାରିଲେ ନା ଅନ୍ଧ୍ରକୁ ଚେକ୍ ଦେବାପାଇଁ ବଂଶଧାରା ନଦୀର ଉପର ମୁଣ୍ଡରେ ପାଣିଡ଼ଙ୍ଗର ପ୍ରକଳ୍ପର କାର୍ଯ୍ୟକାରୀ କରିପାରିଲେ । ଏହାକୁ ନେଇ ପ୍ରକଳ୍ପ ବିରୋଧରେ ଏକ ବିରାଟ ଆନ୍ଦୋଳନ ଦାନା ବାନ୍ଧୁଛି। ସରକାରଙ୍କୁ ସିଧା ସଳଖ ଚେତାବନୀ ଦେଇଛନ୍ତି ବିସ୍ଥାପିତ ହେବାକୁ ଥିବା ଗ୍ରାମବାସୀ।
ବଂଶଧାରା ଜିଳ ବିବାଦ ମାମଲାକୁ ନେଇ ତାତିଲେଣି ସ୍ଥାନୀୟ ଲୋକେ । ରାଜ୍ୟ ସରକାର ସେମାନଙ୍କ ସହ ସିଧାସଳଖ କଥା ହୁଅନ୍ତୁ ନହେଲେ ସେମାନେ ଆନ୍ଧ୍ରକୁ କାଟ୍ରାଗଡ଼ା , ନେରେଡି ପ୍ରକଳ୍ପ ପାଇଁ ଓଡିଶାର ଇଞ୍ଚେ ହେଲେ ଜାଗା ଛାଡ଼ିବେ ନାହିଁ ବୋଲି ଚେତାବନୀ ଦେଇଛନ୍ତି ଏହି ପ୍ରକଳ୍ପ ଦ୍ଵାରା ବିସ୍ଥାପିତ ହେବାକୁ ଥିବା ୩ ଟି ଗାଁର ଲୋକେ । ୨୧ ତାରିଖରେ ସୁପ୍ରିମକୋର୍ଟଙ୍କ ଦ୍ଵାରା ଗଠିତ ଟ୍ରାଇବ୍ୟୁନାଲର ରାୟକୁ ନେଇ ଗାଁର ଲୋକେ ନିରାଶ ଓ ଅସନ୍ତୋଷ ବ୍ୟକ୍ତ କରିଛନ୍ତି ।
{"id":472697,"sizeSlug":"large","linkDestination":"none"}ଟ୍ରାଇବ୍ୟୁନାଲ୍ ଯେଉଁ ଥଇଥାନ ଏବଂ କ୍ଷତିପୁରଣ ନେଇ ରାୟ ଦେଇଛନ୍ତି ସେହି ଅନୁସାରେ ଓଡ଼ିଶା ସରକାର ବି ସେମାନଙ୍କ ସହ ସିଧାସଳଖ ଆଲୋଚନା କରନ୍ତୁ। ନଚେତ୍ ସେମାନେ ଆନ୍ଦୋଳନକୁ ଓହ୍ଲାଇବେ । ଗ୍ରାମବାସୀମାନେ ଏନେଇ ଜିଲ୍ଲାପାଳଙ୍କ ମାଧ୍ୟମରେ ମୁଖ୍ୟମନ୍ତ୍ରୀଙ୍କୁ ଏକ ସ୍ମାରକ ପତ୍ର ପ୍ରଦାନ କରିଛନ୍ତି । ସେପଟେ କ୍ଷତିଗ୍ରସ୍ତ ହେବାକୁ ଥିବା ଗ୍ରାମ ଗୁଡିକରେ ଆନ୍ଧ୍ର ପ୍ରତିନିଧି ଦଳ ଆସି ପହଞ୍ଚିଛନ୍ତି । କିନ୍ତୁ ରାଜ୍ୟ ପ୍ରଶାସନ ତରଫରୁ ଗାଁ ଲୋକଙ୍କ ନିକଟରେ କେହି ପହଁଞ୍ଚି ନଥିବା ସେମାନେ ଅଭିଯୋଗ କରିଛନ୍ତି ।
ଓଡିଶା ସରକାର ଆନ୍ଧ୍ରର ଏକଚାଟିଆ ମନୋଭାବକୁ ଜବାବ ଦେବାପାଇଁ ୨୦୦୫ ରେ ଏହାର ବିକଳ୍ପ ଚିନ୍ତା କରି ବଂଶଧାରା ନଦୀର ଉପର ମୁଣ୍ଡରେ ରାୟଗଡା ଗୁଡାରି ପାଣିଡ଼ଙ୍ଗର ଅଞ୍ଚଳରେ ଏକ ପ୍ରକଳ୍ପ ପାଇଁ ଭିତ୍ତିପ୍ରସ୍ତର ସ୍ଥାପନ କରିଥିଲେ । ପ୍ରକଳ୍ପ ନିକଟରେ କାର୍ଯ୍ୟାଳୟ ମଧ୍ୟ ଖୋଲା ଯାଇଥିଲା । ହେଲେ ଏଥିରେ ପାଦଟିଏ ବି ଆଗେଇ ନାହାନ୍ତି । ଯାହାକୁ ନେଇ ସ୍ଥାନୀୟ ଲୋକେ ଓ ଲୋକପ୍ରତିନିଧି ଅସନ୍ତୋଷ ବ୍ୟକ୍ତ କରିଛନ୍ତି ।
{"id":472700,"sizeSlug":"large","linkDestination":"none"}୧୯୫୦ରୁ ବଂଶାଧାରା ନଦୀ ଉପରେ ଆନ୍ଧ୍ର ସରକାର ବ୍ୟାରେଜ୍ ନିର୍ମାଣ ଭିତ୍ତିପ୍ରସ୍ତର ସ୍ଥାପନ କରିବା ଠାରୁ ଏଲଢ଼େଇ ଜାରି ରହିଛି । ଏବେ ଟ୍ରାଇବ୍ୟୁନାଲ୍ବ୍ୟୁ ରାୟ ଦେବା ପରେ ବି ଏହି ବିବାଦ ସମାଧାନ ହେବା ବଦଳରେ ଆହୁରି ଜଟିଳ ହେବାରେ ଲାଗିଛି।