Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • JEE ମେନ୍ ରେଜଲ୍ଟ ପ୍ରକାଶିତ
  • ||
  • ଦେଶର ୪ଟି ସ୍ଥାନରେ ପ୍ରତିଷ୍ଠା ହେବ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ, ଭୁବନେଶ୍ଵରରେ ପ୍ରତିଷ୍ଠା କରିବାକୁ ସ୍ଵାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର
  • ||
  • ବଦଳିଲେ ପୋଲିସ କମିଶନର, ସୁଧାଂଶୁଙ୍କ ଜାଗା ନେଲେ ସୌମେନ୍ଦ୍ର ପ୍ରିୟଦର୍ଶୀ
  • ||
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||
  • ବଲାଙ୍ଗିର : ରକ୍ତ ପାଇଁ ଗଲା ଜୀବନ ! ରୋଗୀ ମୃତ୍ୟୁକୁ ନେଇ ମେଡିକାଲରେ ଉତ୍ତେଜନା
  • ||
  • ସମ୍ବଲପୁର : ଜଙ୍ଗଲକୁ ଗଲେ ଠିକଣା ରଖିବ ବନ ବିଭାଗ, ନିଆଁ ଲଗାଇଥିବା ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଲେ ମିଳିବ ୫ହଜାର
  • ||
  • ସୁନ୍ଦରଗଡ : ବାଲି ଗଦାରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ସନ୍ଦେହ
  • ||

ପୁଣି ପାକ୍ ହଟହଟା, ଜେନେଭାରେ ଟଙ୍ଗା ହୋଇଛି ‘ପାକିସ୍ତାନ ଆର୍ମି ଅନ୍ତର୍ଜାତୀୟ ଆତଙ୍କବାଦର ଉତ୍ପତି ସ୍ଥଳ’ ବ୍ୟାନର

29/02/2020 at 5:23 PM

ଜେନେଭା ୨୯।୨: ଅନ୍ତର୍ଜାତୀୟ ସମୂଦାୟରେ ପୁଣି ହଟହଟା ହୋଇଛି ପାକିସ୍ତାନ। ସ୍ୱିଜରଲ୍ୟାଣ୍ଡ ଜେନେଭାରେ ଅନୁଷ୍ଠିତ ହେଉଥିବା ଜାତିସଂଘ ମାନବାଧିକର ପରିଷଦର ୪୩ତମ ସ୍ୱତନ୍ତ୍ର ଅଧିବେସନ ସ୍ଥଳରେ ଲାଗିଛି ଏକ ବିଶାଳ ପୋଷ୍ଟର। ଯେଉଁଥିରେ ‘ପାକିସ୍ତାନ ଆର୍ମି ଅନ୍ତର୍ଜାତୀୟ ଆତଙ୍କବାଦର ଉତ୍ପତି ସ୍ଥଳ’ ବୋଲି ଉଲ୍ଲେଖ ରହିଛି। ଏହି ପୋଷ୍ଟରଟି ବ୍ରୋକନ ଚେୟାର ସ୍ମାରକ ନିକଟରେ ଲାଗିଥିବା ବେଳେ ଏହା ଏବେ ଅନ୍ତର୍ଜାତୀୟ ଚର୍ଚ୍ଚାର କାରଣ ପାଲଟିଛି।

ତେବେ ଜେନେଭାରେ ପାକ୍ ବିରୋଧୀ ପୋଷ୍ଟର କିଛି ନୂଆ କଥା ନୁହେଁ। ଗତ ୨୦୧୯ ମସିହାରେ ପାକିସ୍ତାନ ଜାତିସଂଘ ମାନବାଧିକାର ପରିଷଦରେ କାଶ୍ମୀର ପ୍ରସଙ୍ଗ ଉଠାଇଥିଲା। ହେଲେ କାର୍ଯ୍ୟକ୍ରମ ସ୍ଥଳ ବାହାରେ ଲୋକେ  ପାକ୍ ସରକାର ଓ ସେନାର ନିର୍ଯାତନା କଥା ବଖାଣିଥିଲେ। ବଲୁଚ ମାନବାଧିକାର ପରିଷଦ ଓ ପସ୍ତୁନମାନେ ପାକ୍ ଅତ୍ୟାଚାର ବିରୋଧରେ ପୋଷ୍ଟର ଲଗାଇଥିଲେ। ବଲୁଚ ସଙ୍ଗଠନ ‘ଦ ହ୍ୟୁମାନିଟାରିୟନ କ୍ରାଇସିସ୍ ଇନ୍ ବଲୁଚିସ୍ତାନ’ ନାମରେ ଏକ କାର୍ଯ୍ୟକ୍ରମ ମଧ୍ୟ ଆୟୋଜନ କରିଥିଲା। ଯାହା ଦେଶରେ ହେଉଥିବା ମାନବାଧିକାରର ଉଲ୍ଲଂଘନ ନେଇ ସାରା ଦୁନିଆକୁ ବାର୍ତ୍ତା ଦେଇଥିଲା।

ତେବେ ଏଥର ପାକ୍ ସରକାର ଓ ସେନା ଚଳାଇଥିବା ଦମନଲିଳାକୁ ୟୁଏନ ନିଜେ ନିୟନ୍ତ୍ରଣ କରନ୍ତୁ ବୋଲି କାର୍ଯ୍ୟକର୍ତ୍ତାମାନେ ଦାବି କରିଛନ୍ତି। ତେବେ ଏହାର ଦିନକ ପୂର୍ବରୁ ଗତ ଶୁକ୍ରବାର ଭାରତ ଶୀର୍ଷ ପାକ୍ ନେତାମାନଙ୍କୁ ଆତଙ୍କବାଦ ପ୍ରୋତ୍ସାହନ ତୁରନ୍ତ ବନ୍ଦ କରନ୍ତୁ ବୋଲି ପରାମର୍ଶ ଦେଇଥିଲା। ପାକିସ୍ତାନ ପକ୍ଷରୁ ଏହାର ଏପର୍ଯ୍ୟନ୍ତ କୌଣସି ଜବାବ ମିଳିନଥିବା ବେଳେ ଜେନେଭାରେ ପୋଷ୍ଟର ଏବେ ପାକ୍ ପାଇଁ ନୂଆ ଚିନ୍ତାର କାରଣ ପାଲଟିଛି।

   Related Posts