Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

କରୋନା ସମୟରେ ଏଟିଏମ୍‌ରୁ ଟଙ୍କା ଉଠାଇବା ହେବ ସହଜ ଓ ସୁରକ୍ଷିତ : ଆସୁଛି କଣ୍ଟାକ୍ଟଲେସ୍ ଏଟିଏମ୍ ମେସିନ୍, ରହିବନି ସଂକ୍ରମଣ ଭୟ

5/06/2020 at 11:45 AM

ନୂଆଦିଲ୍ଲୀ ୦୫/୦୬ : କରୋନା ସଂକ୍ରମଣରୁ ଗ୍ରାହକଙ୍କୁ ସୁରକ୍ଷା ଦେବା ପାଇଁ ବ୍ୟାଙ୍କ ଏକ ନୂଆ ପଦକ୍ଷେପ ଉଠେଇଛି | ଦେଶର ଅନେକ ବଡ ବଡ ବ୍ୟାଙ୍କ କଣ୍ଟାକ୍ଟଲେସ୍ ଏଟିଏମ୍ ମେସିନ୍ ଲଗାଇବାକୁ ପ୍ରସ୍ତୁତ ହେଉଛନ୍ତି | ମିଡ଼ିଆ ରିପୋର୍ଟ ଅନୁଯାୟୀ, ଏଟିଏମ୍ ଟେକ୍ନୋଲୋଜିରେ କାମ କରୁଥିବା କମ୍ପାନୀ AGS Transact  Technologies ନୂଆ ମେସିନ ପ୍ରସ୍ତୁତ କରୁଛନ୍ତି | ଏହାଦ୍ୱାରା ଆପଣ ମୋବାଇଲ୍ ଆପ୍ ଜରିଆରେ କ୍ୟୁଆର କୋଡ଼୍ ସ୍କାନ୍ କରି କ୍ୟାସ୍ ଉଠାଇ ପାରିବେ |

ଇଂରାଜୀ ଖବରକାଗଜ ଟାଇମ୍ସ ଅଫ୍ ଇଣ୍ଡିଆ ଖବର ଅନୁସାରେ, ବର୍ତ୍ତମାନ ଏଟିଏମ୍ କାର୍ଡ ମ୍ୟାଗନେଟିକ୍ ଚିପ୍ ଯୁକ୍ତ ଆସୁଛି | ଏହି ଚିପରେ ଗ୍ରାହକଙ୍କ ପୁରା ଡାଟା ରହିଥାଏ | ଏଟିଏମ୍ ମେସିନରେ ପିନ୍ ନମ୍ବର୍ ଦେବାପରେ ଗ୍ରାହକଙ୍କ ଡାଟା ଚେକ କରିଥାଏ | ଏହାପରେ ଗ୍ରାହକଙ୍କୁ ଟଙ୍କା ଉଠାଇବାକୁ ଅନୁମତି ଦେଇଥାଏ | 

ବର୍ତ୍ତମାନ କରୋନା ଯୋଗୁଁ ବ୍ୟାଙ୍କ କଣ୍ଟାକ୍ଟଲେସ ଏଟିଏମ୍ ମେସିନ୍ ଲଗାଇବ | ଏହି ମେସିନରେ ଗ୍ରାହକଙ୍କୁ ଏଟିଏମ୍ ମେସିନ ଛୁଇଁବାକୁ ପଡ଼ିବନାହିଁ | ମେସିନକୁ ନ ଛୁଇଁ ନିଜ ମୋବାଇଲ ଫୋନ୍ ଜରିଆରେ ଗ୍ରାହକ ଟଙ୍କା ଉଠାଇପାରିବେ | ଏଥିପାଇଁ ଏଟିଏମ୍ ମେସିନରେ ଦିଆଯାଇଥିବା କ୍ୟୁଆର କୋଡ଼କୁ ସ୍କାନ କରିବାକୁ ହେବ | ଏହାପରେ ନିଜ ମୋବାଇଲରେ ହିଁ ଯେତିକି ଟଙ୍କା ଉଠାଇବାକୁ ଥିବ ସେହି ଏମାଉଣ୍ଟ୍ ଦେବାକୁ ହେବ | ଏହାପରେ ଏଟିଏମରୁ ସେହି ଏମାଉଣ୍ଟର କ୍ୟାସ୍ ବାହାରିବ |

କଣ୍ଟାକ୍ଟଲେସ୍ ଏଟିଏମ୍ ମେସିନର ସୂଚନା ଦେଇ AGS Transact ସିଟିଓ ମହେଶ ପଟେଲ ଅହିଛନ୍ତି ଯେ, କ୍ୟୁଆର କୋଡ୍ ଜରିଆରେ ଟଙ୍କା ଉଠାଇବା ବହୁତ ସହଜ ଓ ସୁରକ୍ଷିତ | ଏହାସହ ଏହାଦ୍ୱାରା କୋଡ୍ କ୍ଲୋନିଙ୍ଗ୍ ଭୟ ବି ନାହିଁ | ତାଛଡା ଏହା ଫାଷ୍ଟ ସର୍ଭିସ୍ ମଧ୍ୟ | ମାତ୍ର ୨୫ ସେକେଣ୍ଡରେ ଏଟିଏମରୁ ଟଙ୍କା ବାହାର କରାଯାଇପାରିବ ବୋଲି ସେ କହିଛନ୍ତି |

କରୋନା ଭାଇରସ ସମୟରେ ସାମାଜିକ ଦୂରତା ଓ ସାନିଟାଇଜେସନ ନିହାତି ଆବଶ୍ୟକ | ପର୍ଯ୍ୟାପ୍ତ ସାନିଟାଇଜେସନ ଓ ସଚେତନତା ଅଭାବରୁ ଏଟିଏମ ମେସିନ ମାଧ୍ୟମରେ ମଧ୍ୟ ସଂକ୍ରମଣ ହେବାର ଆଶଙ୍କା ରହିଛି | ଏହିଭଳି ସ୍ଥିତିରେ କଣ୍ଟାକ୍ଟଲେସ ଏଟିଏମ ମେସିନ ଗ୍ରାହକଙ୍କ ଲାଭଦାୟକ ପ୍ରମାଣିତ ହେବ |

   Related Posts