ନୂଆଦିଲ୍ଲୀ ୧୦/୭ : ଯଦି ଆପଣଙ୍କ ବ୍ୟାଙ୍କ ସମ୍ବନ୍ଧୀୟ କୌଣସି କାମ ଅଛି ତେବେ ଅପେକ୍ଷା କରିବାକୁ ପଡିପାରେ । କାରଣ ଜୁଲାଇ ୨୦୨୧ରେ ବ୍ୟାଙ୍କର ଛୁଟି ତାଲିକା ରେ ମୋଟ ୧୫ ଦିନ ପାଇଁ ବ୍ୟାଙ୍କ ବନ୍ଦ ରହିବ । ଏଥିରେ ମାସରେ ଅଧିକାଂଶ ସପ୍ତାହରେ ବ୍ୟାଙ୍କର ଛୁଟି ପଡୁଛି । ଶନିବାର ଅର୍ଥାତ୍ ଆଜିଠାରୁ ଆଗାମୀ କିଛି ଦିନ ପାଇଁ ବ୍ୟାଙ୍କ ସେବା ଗୁଡିକ ବିଭିନ୍ନ ରାଜ୍ୟରେ ବନ୍ଦ ରହିବ । ଯେପରି ୧୦ ଜୁଲାଇ ଦ୍ବିତୀୟ ଶନିବାର ପଡୁଥିବାରୁ ବ୍ୟାଙ୍କ ବନ୍ଦ ରହିବ । ସେହିପରି ରବିବାର ୧୧ ତାରିଖରୁ ୧୮ ଜୁଲାଇ ପର୍ଯ୍ୟନ୍ତ ବ୍ୟାଙ୍କ ସେବା ଗୁଡିକ ବନ୍ଦ ରଖାଯିବ । ଏହା ବ୍ୟତୀତ ସୋମବାର ଠାରୁ ଶନିବାର ମୋଟ ୯ ଦିନ ପର୍ବପର୍ବାଣୀ ପାଇଁ ବ୍ୟାଙ୍କ ବନ୍ଦ ରହିବ । କିନ୍ତୁ ୧୫ ଜୁଲାଇରେ ବ୍ୟାଙ୍କ କାର୍ଯ୍ୟ ସ୍ବାଭାବିକ ରହିବ ।
ସୂଚନା ଅନୂଯାୟୀ ଆରବିଆଇ କହିବାନୁସାରେ ସୋମବାର ଠାରୁ ଅଲଗା ଅଲଗା ରାଜ୍ୟ ହିସାବରେ ବ୍ୟାଙ୍କର ଛୁଟି ଗୁଡିକ ସ୍ଥିର କରାଯାଏ । ଏଥିସହ ଯେଉଁ ରାଜ୍ୟମାନଙ୍କରେ ଛୁଟି ସ୍ଥିର କରାଯାଇଛି ସେହି ରାଜ୍ୟରେ ବ୍ୟାଙ୍କ ସେବା ବନ୍ଦ ରହିବ । ତେବେ ଅନ୍ୟ ରାଜ୍ୟର ବ୍ୟାଙ୍କମାନଙ୍କରେ କାର୍ଯ୍ୟ ଜାରି ରହିବ ।
ବ୍ୟାଙ୍କ ଛୁଟିର ସମ୍ପୂର୍ଣ୍ଣ ଲିଷ୍ଟ
୧-୧୦ ଜୁଲାଇ ୨୦୨୧- ଦ୍ବିତୀୟ ଶନିବାର
୨-୧୧ ଜୁଲାଇ ୨୦୨୧ –ରବିବାର
୩-୧୨ ଜୁଲାଇ ୨୦୨୧- ସୋମବାର- କାଙ୍ଗ (ରାଜସ୍ଥାନ), ରଥଯାତ୍ରା (ଓଡିଶା)
୪-୧୩ ଜୁଲାଇ ୨୦୨୧-ମଙ୍ଗଳବାର- ଶହୀଦ ଦିବସ (ଜମ୍ମୁ ଓ କାଶ୍ମୀର), ଭାନୁ ଜୟନ୍ତୀ (ସିକିମ୍ )
୫-୧୪ ଜୁଲାଇ ୨୦୨୧ - ଦ୍ରୁକପା ସ୍ତୋଚି ( ଗ୍ୟାଙ୍ଗଟକ୍)
୬-୧୬ ଜୁଲାଇ ୨୦୨୧ - ହରେଲା ପୂଜା( ଡେରାଡୁନ)
୭-୧୭ ଜୁଲାଇ ୨୦୨୧- ଖାରଚି ପୂଜା( ଅଗ୍ରତାଲା, ଶିଲଙ୍ଗ)
୮- ୧୮ ଜୁଲାଇ ୨୦୨୧- ରବିବାର
୯-୧୯ ଜୁଲାଇ ୨୦୨୧ - ଗୁରୁ ରିମ୍ପୋଚେ ଥୁଙ୍ଗକର ସ୍ତୋଚୁ (ଗ୍ୟାଙ୍ଗଟକ୍)
୧୦-୨୦ ଜୁଲାଇ ୨୦୨୧- ଇଦ-ଉଲ-ଜୁହା (ଦେଶ ସାରା)
୧୧-୨୧ ଜୁଲାଇ ୨୦୨୧-ବକରିଦ-(ଦେଶ ସାରା)
