Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

ବ୍ୟାଙ୍କରୁ କୋଟିଏ ଟଙ୍କାର ସୁନାଗହଣା ଲୁଟ୍, ୨ କର୍ମଚାରୀ ଗିରଫ, ଗୋଟିଏ ବର୍ଷରେ ଲୁଟିଥିଲେ ୨ କେଜିରୁ ଅଧିକ ଅଳଙ୍କାର

4/12/2020 at 3:55 PM

ମଦୁରାଇ, ୦୪।୧୨:  ଏବେଯାଏଁ କଟକ ଆଇଆଇଏଫ୍‌ଏଲ୍‌  ଫାଇନାନ୍ସ ସଂସ୍ଥାରୁ କୋଟି କୋଟି ଚଙ୍କାର ସୁନା ଗହଣା ଲୁଟ୍ ମାମଲା ଲୋକଙ୍କ ମନରୁ ଲିଭିନାହିଁ । ଏହି ଘଟଣାରେ ମୁଖ୍ୟ ଅଭିଯୁକ୍ତ ଥିଲେ ବ୍ୟାଙ୍କର ଅନେକ କର୍ମଚାରୀ । ଏପରି ଏକ ସମାନ ଘଟଣା ତାମିଲନାଡୁର ମଦୁରାଇରେ ସାମ୍ନାକୁ ଆସିଛି । ବ୍ୟାଙ୍କ ଗ୍ରାହକଙ୍କ ୧ କୋଟି ଟଙ୍କାର ସୁନା ଗହଣା ଲୁଟ୍ ମାମଲାରେ ପୋଲିସ ସ୍କାନରକୁ ଆସିଛନ୍ତି ୨ ଅଧିକାରୀ ।

ସୂଚନାନୁସାରେ, ମଦୁରାଇ ଉତ୍ତର ଭେଲିରେ ଥିବା ବ୍ୟାଙ୍କ ଅଫ ବରୋଦା ଶାଖାରୁ ଗତ କିଛି ଦିନ ତଳେ ସୁନା ଗହଣା ଲୁଟ୍ ଅଭିଯୋଗ ହୋଇଥିଲା । ଏହି ଘଟଣାରେ ପୋଲିସ ଏମ ହରିହରପୁଥିରାନଙ୍କୁ ଗିରଫ କରିଛି ।ଆଉଜଣେ ବ୍ୟାଙ୍କ ଅଧିକାରୀ ଜି ବାଳକ୍ରିଷ୍ଣନଙ୍କୁ ଗିରଫ ପାଇଁ ପ୍ରକ୍ରିୟା ଜାରି ରହିଛି ।

ପୋଲିସ କହିଛି ଯେ, ଏହି ଦୁଇ ଅଧିକାରୀ ଗତ ଏକ ବର୍ଷ ଧରି ବ୍ୟାଙ୍କରୁ ଟଙ୍କା ଓ ସୁନାଗହଣା ଲୁଟୁଥିଲେ । ନଭେମ୍ବର ପ୍ରଥମ ସପ୍ତାହରେ ଏହି ମାମଲା ସାମ୍ନାକୁ ଆସିଥିଲା । ଯାଞ୍ଚ କରିବା ବେଳେ ନଭେମ୍ବରରେ ୪୫୦ ଗ୍ରାମର ସୁନା ଅଳଙ୍କାରର କୌଣସି ପତ୍ତା ମିଳିନଥିଲା । ଯାହାର ମୂଲ୍ୟ ପ୍ରାୟ ୨୫ ଲକ୍ଷ ଟଙ୍କା ହେବ । ପରେ ଗତ ଏକ ବର୍ଷରେ ୨.୧୬୨ କେଜି ସୁନା ଯାହାର ମୂଲ୍ୟ ୧ କୋଟିରୁ ଅଧିକ ହେବ ଗାଏବ ଥିବା ଜଣାପଡିଥିଲା। ଲୁଟ୍ କରୁଥିବା ଅଭିଯୁକ୍ତ ବ୍ୟାଙ୍କକୁ ସୁନା ଲୁଟି ସେହି ବ୍ୟାଙ୍କରେ ହିଁ ବନ୍ଧକ ରଖୁଥିଲେ । ଏଥିପାଇଁ ସେମାନେ ହରିହରପୁଥିରାନଙ୍କ ପରିବାର ଲୋକଙ୍କ ସାହାଯ୍ୟ ନେଉଥିଲେ । ଏଥିପାଇଁ ସେମାନେ ନକଲି କାଗଜପତ୍ର ପ୍ରସ୍ତୁତ କରୁଥିଲେ ।

ପୋଲିସ ଆଇଆଇସି ଏମ ଇଲାଭର୍ଶୁ କହିଛନ୍ତି ଯେ, ସେମାନେ ଏବେସୁଦ୍ଧା ୨୬୫ ଗ୍ରାମର ସୁନା ଅଳଙ୍କାର ଜବତ ହୋଇଛି । ବାଳକୃଷ୍ଣନଙ୍କୁ ଗିରଫ କରିବା ପରେ ଅନ୍ୟ ଅଲଙ୍କାର ମଧ୍ୟ ଜବତ ହେବ । ତଦନ୍ତ ପରେ ଅଧିକ ସତ୍ୟ ସାମ୍ନାକୁ ଆସିବ ବୋଲି ସେ କହିଛନ୍ତି ।

   Related Posts