କନ୍ଧମାଳ ୨୨।୭: କରୋନା ସଂକ୍ରମଣକୁ ଦୃଷ୍ଟିରେ ରଖି କନ୍ଧମାଳ ଜିଲ୍ଲାରେ ସବୁ ବ୍ୟାଙ୍କକୁ ସପ୍ତାହକ ପାଇଁ ବନ୍ଦ କରିଦିଆଯାଇଛି । ଏହି ସମୟରେ ବ୍ୟାଙ୍କ ପରିସରକୁ ସାନିଟାଇଜ୍ କରାଯିବ । ବ୍ୟାଙ୍କର କର୍ମଚାରୀମାନେ ଏହି ସମୟରେ ହୋମ୍ କ୍ବାରେଣ୍ଟାଇନରେ ରହିବେ । ଯଦି କୌଣସି କର୍ମଚାରୀଙ୍କ କୌଣସି କରୋନା ଲକ୍ଷଣ ଦେଖାଯିବ ସେମାନେ ଏ ସଂପର୍କରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ କିମ୍ବା ଜନସ୍ବାସ୍ଥ୍ୟ ଅଧିକାରୀଙ୍କୁ ଜଣାଇବାକୁ ନିର୍ଦ୍ଦେଶ ରହିଛି ।
{"id":303994,"sizeSlug":"large"}ଲକ୍ଷଣ ଦେଖାଯାଉଥିବା ବ୍ୟାଙ୍କ କର୍ମଚାରୀଙ୍କ ସ୍ବାବ୍ ଟେଷ୍ଟ କରାଯିବ। ଏହି ସମୟରେ ଏଟିଏମରେ ଯଥେଷ୍ଟ ପରିମାଣରେ କ୍ୟାସ୍ ମହଜୁଦ ରଖିବାକୁ ନିର୍ଦ୍ଦେଶ ଦିଆଯାଇଛି । ସପ୍ତାହକ ପରେ ଯେତେବେଳେ ବ୍ୟାଙ୍କ ଖୋଲିବ ସେତେବେଳେ ୫୦ ପ୍ରତିଶତ ଷ୍ଟାଫଙ୍କୁ ନେଇ କାମ ହେବ । ବ୍ୟାଙ୍କ କର୍ମଚାରୀଙ୍କୁ କୋଭିଡ୍ ଗାଇଡ୍ ଲାଇନ୍ କଡ଼ାକଡ଼ି ପାଳନ କରିବା ପାଇଁ ନିର୍ଦ୍ଦେଶ ରହିଛି।