Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବ୍ୟାଙ୍କ ବଦଳାଇପାରିବେ ୨ଶହ ରୁ ୨ ହଜାର ଟଙ୍କାର କଟା,ଫଟା ନୋଟ୍, ଏଥିଲାଗି ରହିଛି ୩ଟି ବିକଳ୍ପ ଜାଣନ୍ତୁ

ମୁମ୍ବଇ : ଦୈନନ୍ଦିନ ଜୀବନରେ ଖର୍ଚ୍ଚ ଲାଗି ନଗଦ ନୋଟର କାରବାର ଅଧିକ ହୋଇଥାଏ। ଗୋଟିଏ ହାତରୁ ଅନ୍ୟ ହାତକୁ ଯିବା, ଭିଜିବା ଆଦି କାରଣରୁ ଅନେକ ସମୟରେ ନୋଟ ଖରାପ ହୋଇଯାଏ। ଏପରିକି ଚିରିବି ଯାଇଥାଏ। ତେବେ ଏଭଳି କ୍ଷେତ୍ରରେ ଲୋକେ ଚିରା ଫଟା ନୋଟକୁ ଆରବିଆଇଙ୍କ ଚେଷ୍ଟ ଅଥବା ନିକଟସ୍ଥ ବ୍ୟାଙ୍କରେ ବଦଳାଇବାର ସୁବିଧା ରହିଛି।

ନୋଟ ବଦଳାଇବାକୁ ରହିଛି ୩ଟି ବିକଳ୍ପ। ଏଥିରେ ଗୋଟିଏ ରଙ୍ଗ ଉଡିଯାଇଥିବା ନୋଟ୍ ବା ରଙ୍ଗ ହୋଇଯାଇଥିବା ନୋଟ୍, ଚିରି ଟୁକୁରା ଟୁକୁରା ହୋଇଯାଇଥିବା ନୋଟ୍ ଓ ମିସ୍ ମ୍ୟାଚ୍ ନୋଟ୍ ବଦଳାଯାଇପାରିବ। ଏବେ ଆରବିଆଇ ୧୦,୨୦,୫୦,୧୦୦,୫୦୦ ଓ ୨ହଜାର ଟଙ୍କା ନୋଟର ଚିରାଫଟା ବଦଳାଉଛନ୍ତି। ୨୦୧୬ରେ ବନ୍ଦ ହୋଇଥିବା ନୋଟକୁ ଛାଡି ବାକି ବଜାରରେ ଚଳୁଥିବା ସବୁ ନୋଟ ବଦଳାଇ ନୂଆ ନୋଟ୍ ନେଇଯାଇପାରିବେ। ତେବେ ଫଟା ନୋଟ ଲାଗି ମିଳୁଥିବା ରିଫଣ୍ଡ ନୋଟର ଆକାର ଅନୁସାରେ ମିଳିବ।

କିପରି ମିଳେ ରିଫଣ୍ଡ ଆସନ୍ତୁ ଜାଣିବା। ଯଦି ଆପଣଙ୍କ ନୋଟର ୮୦ ପ୍ରତିଶତ ଅଛି ତ ଆପଣ ନୋଟର ପୁରା ରିଫଣ୍ଡ ପାଇବାକୁ ଯୋଗ୍ୟ। ଯଦି ଚିରା ନୋଟ ୮୦ ପ୍ରତିଶତରୁ କମ୍ ଓ ୪୦ ପ୍ରତିଶତରୁ ଅଧିକ ଆପଣଙ୍କ ପାଖରେ ଅଛି ତେବେ ଆପଣ ୫୦ ପ୍ରତିଶତ ରାଶି ରିଫଣ୍ଡ ପାଇପାରିବେ। ଯଦି ଆପଣ ବଦଳାଉଥିବା ନୋଟର ପରିମାଣ ୫ହଜାର ଟଙ୍କାରୁ ଅଧିକ ତେବେ ଏଥିଲାଗି ଆପଣଙ୍କୁ ଆରବିଆଇ ଚେଷ୍ଟକୁ ଯିବାକୁ ପଡିବ। ଏହା ଛଡା ଆପଣ ଚିରାଫଟା ନୋଟକୁ କୌଣସି ଦେୟ ପୈଠ ଓ ଆପଣଙ୍କ ବ୍ୟାଙ୍କ ଆକାଉଣ୍ଟରେ ଜମା ବି କରିପାରିବେ।

ତେବେ ଆରବିଆଇ ମାଗଣାରେ ବଦଳାନ୍ତିନି ନୋଟ୍। ଏଥିଲାଗି ଶୁଳ୍କ ବି ଲାଗି ଥାଏ। ଯଦି ଆପଣ ୫ ହଜାର ଟଙ୍କା ପର୍ଯ୍ୟନ୍ତ ଚିରାଫଟା ନୋଟ ବଦଳାଉଛନ୍ତି ତେବେ ଏଥିଲାଗି କୌଣସି ଶୁଳ୍କ ଦେବାକୁ ପଡେନି। ହେଲେ ଏହାଠାରୁ ଅଧିକ ପରିମାଣର ଚିରାଫଟା ନୋଟ୍ ଲାଗି ଆପଣଙ୍କୁ ପ୍ରତି ନୋଟ ୨ଟଙ୍କା ଓ ଅଧିକ ନୋଟ ଲାଗି ଜିଏସଟି ୫ଟଙ୍କା ଯେଉଁଟି ଅଧିକ ହେବ ସେହି ଅନୁସାରେ ଶୁଳ୍କ ଦେବାକୁ ପଡିବ। ଉଦାହରଣ ଭାବେ ଆପଣଙ୍କ ପାଖରେ ୨୫ଟି ୫ଶହ ଟଙ୍କାର ଫଟାନୋଟ ଅଛି। ତେବେ ଏହାକୁ ବଦଳାଇଲେ ପ୍ରତି ନୋଟ ୨ଟଙ୍କା ହିସାବରେ ୫୦ ଟଙ୍କା ଓ ଜିଏସଟି ପ୍ରତି ହଜାର ୫ ଟଙ୍କା ହିସାବରେ ୬୨ଟଙ୍କା ୫୦ ପଇସା ପଡିବ। ତେବେ ଆପଣଙ୍କୁ ସବୁତକ ନୋଟ ବଦଳାଇବାକପ ୬୨ଟଙ୍କା ୫୦ ପଇସା ଦେବାକୁ ପଡିବ।

414 Views

   ସମ୍ବନ୍ଧିତ ଖବର