Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଦିଲ୍ଲୀ ହିଂସାକୁ ନେଇ BJP ଛାଡିଲେ ନେତ୍ରୀ, ଜାଣନ୍ତୁ କହିଛନ୍ତି କ’ଣ?

1/03/2020 at 10:19 PM

କୋଲକାତା ୧।୩:  ବେଙ୍ଗଲୀ ଚଳଚିତ୍ର ଅଭିନେତ୍ରୀ ଶୁଭଦ୍ରା ମୁଖାର୍ଜୀ ଦିଲ୍ଲୀ ହିଂସାକୁ ନେଇ ରବିବାର ରାଜ୍ୟ ବିଜେପିରୁ ଇସ୍ତଫା ଦେଇଛନ୍ତି। ଏଥିଲାଗି ସେ ଯେଉଁ କାରଣ କହିଛନ୍ତି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଯେଉଁ ପାର୍ଟିରେ କପିଲ ମିଶ୍ର ଓ ଅନୁରାଗ ଠାକୁରଙ୍କ ଭଳି ଲୋକେ ଅଛନ୍ତି ସେଭଳି ପାର୍ଟିରେ ସେ କେବେ ବି ରହିବାକୁ ଚାହିଁବେନି ବୋଲି ସେ କହିଛନ୍ତି। ସେ ତାଙ୍କର ଇସ୍ତଫା ପତ୍ର ପଶ୍ଚିମବଙ୍ଗ ବିଜେପି ଅଧ୍ୟକ୍ଷ ଦିଲ୍ଲୀପ ଘୋଷଙ୍କ ନିକଟକୁ ପଠାଇ ଦେଇଛନ୍ତି।

ସେ କହିଛନ୍ତି ଯେ ଅନେକ ଆଶା ନେଇ ସେ ବିଜେପିରେ ଯୋଗଦେଇଥିଲେ। ତେବେ ନିକଟରେ ହୋଇଥିବା ଘଟଣା ତାଙ୍କୁ ନିରାଶ କରିଛି। ଏଥିରୁ ବିଜେପି ତା ନିଚ ମୂଳ ବିଚାର ଧାରାରୁ ଦୂରେଇ ଯାଉଥିବାର ଜଣାପଡିଛି ବୋଲି ଶୁଭଦ୍ରା କହିଛନ୍ତି। ସେ କହିଛନ୍ତି ଯେ ନରେନ୍ଦ୍ର ମୋଦିଙ୍କ ନାଗରିକ ସଂଶୋଧନ ଆଇନ ସପକ୍ଷରେ ସେ ପ୍ରଥମରୁ ଥିଲେ। ହେଲେ ଏହି ଆଇନ ଲଗୁ କରିବା ଲାଗି ଏବେ ଯେପରି କାର୍ଯ୍ୟାନୁଷ୍ଠାନ ହେଉଛି ଏଥିରେ ମୁଁ ଦଳକୁ କେବେବି ସମର୍ଥନ କରିପାରିବି ନାହିଁ।

ଏହି ଆଇନ କେବଳ ଦିଲ୍ଲୀ ନୁହେଁ ଏବେ ସାରା ଦେଶକୁ ଅଶାନ୍ତ କରିଦେଇଛି। ସ୍ୱାଧୀନତାର ଦୀର୍ଘ ବର୍ଷ ପରେ ନାଗରିକତାର କାହିଁକି ପ୍ରମାଣ ଦେବାକୁ ପଡିବ ବୋଲି ଶୁଭଦ୍ରା ପ୍ରଶ୍ନ କରିଛନ୍ତି। ଦିଲ୍ଲୀରେ ସିଏଏ ସମର୍ଥନ ଓ ବିରୋଧକୁ ନେଇ ଉପୁଜିଥିବା କାଣ୍ଡରେ ଏପର୍ଯ୍ୟନ୍ତ ୪୫ଜଣଙ୍କ ମୃତ୍ୟୁ ହୋଇଥିବା ବେଳେ ୨୦୦ରୁ ଅଧିକ ଲୋକେ ଆହତ ହୋଇଛନ୍ତି। ଆହତଙ୍କ ମଧ୍ୟରୁ ଅନେକ ଅବସ୍ଥା ଏବେବି ଉଦବେଗଜନକ ରହିଛି। ଦଙ୍ଗାକୁ ଉସକାଇଥିବା କପିଲ ମିଶ୍ର ଓ ଅନୁରାଗ ଠାକୁରଙ୍କ ବିରୋଧରେ ଏବେବି ଦଳ କୌଣସି କାର୍ଯ୍ୟାନୁଷ୍ଠାନ କରିନି। ଏଥିରୁ ଦଳର ନୀତି ସ୍ପଷ୍ଟ ହୋଇଯାଇଥିବା କହିଛନ୍ତି ଶୁଭଦ୍ରା।

   Related Posts