Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ବାଇକ୍ ଦୁର୍ଘଟଣା : ଜଣେ ମୃତ, ୨ ଗୁରୁତର
  • ||
  • କଣ୍ଟାବାଞ୍ଝି : ରେଳ ଷ୍ଟେସନରୁ ୭୪ ଜଣ ଦାଦନ ଶ୍ରମିକ ଉଦ୍ଧାର, ସର୍ଦାର ଫେରାର
  • ||
  • ଜଗତସିଂହପୁର : ଭିଜିଲାନ୍ସ ଜାଲରେ ବରିଷ୍ଠ କିରାଣୀ, ବାସଭବନ ସମେତ ଏକକାଳୀନ ୪ଟି ସ୍ଥାନରେ ଚଢାଉ
  • ||
  • କୌଶାମ୍ବି : ବରଯାତ୍ରୀ ଗାଡ଼ି ଉପରେ ଓଲଟି ପଡ଼ିଲା ବାଲି ଭର୍ତ୍ତି ଟ୍ରକ୍ ,୮ମୃତ
  • ||
  • ଆମେରିକାରେ କରୋନା ସ୍ଥିତି ଭୟଙ୍କର : ଗୋଟିଏ ସପ୍ତାହ ମଧ୍ୟରେ ୧୦ହଜାର ଲୋକଙ୍କ ଗଲା ଜୀବନ
  • ||
  • ଭୁବନେଶ୍ୱର : ରାଜ୍ୟରେ ଆଉ ୬ କରୋନା ସଂକ୍ରମିତ ପ୍ରାଣ ହରାଇଲେ, ୧୭୫୦ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୮୦ କରୋନା ସଂକ୍ରମିତ, ୩୧୯୫୮୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆଦିଲ୍ଲୀ : ଖସୁଛି କରୋନା ଗ୍ରାଫ, ଦେଶରେ ଗତ ୨୪ଘଣ୍ଟାରେ ୩୬୬୦୪ ନୂଆ କୋଭିଡ଼ ଆକ୍ରାନ୍ତ ଚିହ୍ନଟ
  • ||

ବ୍ୟାଟିଂରେ ଫେଲ୍ ମାରିଲା ବିରାଟ ବାହିନୀ, ହାଇଦ୍ରାବାଦକୁ ୧୨୧ ରନର ବିଜୟ ଲକ୍ଷ୍ୟ ଦେଲା ବେଙ୍ଗାଲୁରୁ

31/10/2020 at 9:13 PM

ସାରଜା ୩୧।୧୦:  ବ୍ୟାଟିଂରେ ଫେଲ୍ ମାରିଲା ବିରାଟ ବାହିନୀ। ଆଇପିଏଲର ଏକ ଗୁରୁତ୍ଵପୂର୍ଣ୍ଣ ମୁକାବିଲାରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବ୍ୟାଟସମ୍ୟାନଙ୍କ ନୈରାଶ୍ୟଜନକ ପ୍ରଦର୍ଶନ କାରଣରୁ ବଡ ସ୍କୋର କରିବାରେ ବଞ୍ଚିତ ହୋଇ ସନରାଇଜର୍ସ ହାଇଦ୍ରାବାଦକୁ ୧୨୧ ରନର ବିଜୟ ଲକ୍ଷ୍ୟ ଦେଇଛି। ବେଙ୍ଗାଲୁରୁ ନିର୍ଦ୍ଧାରିତ ଓଭରରେ ୭ ଓ୍ଵିକେଟ୍ ହରାଇ ୧୨୦ ରନ କରିଛି। ଦଳ ପକ୍ଷରୁ ଜୋସ୍ ଫିଲିପ୍ ୩୨ ରନ କରିଛନ୍ତି। ବେଙ୍ଗାଲୁରୁ ଏହି ମ୍ୟାଚ୍‌ ଜିତିଲେ ପ୍ଲେଅଫ୍‌ରେ ସ୍ଥାନ ସୁନିଶ୍ଚିତ କରିବ ନହେଲେ ଅନ୍ତିମ ମ୍ୟାଚ୍‌ ଜିତିବା ଦଳ ପାଇଁ ଜରୁରୀ ହୋଇ ପଡିବ। ଅନ୍ୟପଟେ ହାଇଦ୍ରାବାଦ ଜିତିଲେ ପ୍ଲେଅଫ୍‌ ଦୌଡରେ ନିଜର ଆଶା ଉଜ୍ଜୀବିତ ରଖିବା ସହିତ ଦଳଗୁଡିକ ମଧ୍ୟରେ ପ୍ରତିଯୋଗିତା ଆହୁରି ରୋଚକ ହେବ।

ଟସ୍ ହାରି ପ୍ରଥମେ ବ୍ୟାଟିଂ କରିଥିବା ବେଙ୍ଗାଲୁରୁର ଆରମ୍ଭ ଆଶାନୁରୂପ ନଥିଲା। ଦଳ ୧୩ ରନ ସ୍କୋରରେ ଇନଫର୍ମ ବ୍ୟାଟସମ୍ୟାନ ଦେବଦତ୍ତ ପାଡିକଲ(୫ରନ)ଙ୍କ ଓ୍ଵିକେଟ୍ ହରାଇଥିଲା। ଏହା ପରେ ୨୮ ରନ ସ୍କୋରରେ ଅଧିନାୟକ ବିରାଟ କୋହଲି ଆଉଟ୍ ହେବା ଦଳକୁ ବଡ ଝଟକା ଦେଇଥିଲା। ମଧ୍ୟ କ୍ରମରେ ଏବି ଡିଭିଲିୟର୍ସ ଓ ଓପନର ଜୋସ ଫିଲିପ୍ ତୃତୀୟ ଓ୍ଵିକେଟ୍ ପାଇଁ ୪୩ ରନ  ଯୋଡିଥିଲେ। ୭୧ ରନ ସ୍କୋରରେ ଡିଭିଲିୟର୍ସ ୨୪ ରନ କରି ପାଭିଲିୟନ ଫେରିଥିଲେ। ଦଳ ନିୟମିତ ବ୍ୟବଧାନରେ ଓ୍ଵିକେଟ୍ ହରାଇ ଚାଲିଥିଲା। ଜୋସ୍ ଫିଲିପ୍ ସର୍ବାଧିକ ୩୨ ରନ କରି ରାଶିଦ ଖାନଙ୍କ ଶିକାର ହୋଇଥିଲେ। ଓ୍ଵାଶିଂଟନ ସୁନ୍ଦର ୨୧ ରନ କରିଥିଲେ। ଗୁରକିରତ ସିଂହ ମନ ୧୫ ରନ କରି ଅପରାଜିତ ଥିଲେ। ଦଳ ନିର୍ଦ୍ଧାରିତ ଓଭରରେ ୭ ଓ୍ଵକେଟ୍ ହରାଇ ୧୨୦ ରନ କରିଛି।

ସନରାଇଜର୍ସ ହାଇଦ୍ରାବାଦ ତରଫରୁ ସନ୍ଦୀପ ଶର୍ମା ଓ ଜାସନ ହୋଲଡର ପ୍ରତ୍ୟେକ ଦୁଇଟି ଲେଖାଏଁ ଓ୍ଵିକେଟ୍ ନେଇଥିଲେ। ଟି ନଟରାଜନ, ଶାହବାଜ ନଦୀମ ଓ ରାଶିଦ ଖାନ ଗୋଟିଏ ଲେଖାଏଁ ଓ୍ଵିକେଟ୍ ନେଇଥିଲେ।

   Related Posts