Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ବାଇକ୍ ଦୁର୍ଘଟଣା : ଜଣେ ମୃତ, ୨ ଗୁରୁତର
  • ||
  • କଣ୍ଟାବାଞ୍ଝି : ରେଳ ଷ୍ଟେସନରୁ ୭୪ ଜଣ ଦାଦନ ଶ୍ରମିକ ଉଦ୍ଧାର, ସର୍ଦାର ଫେରାର
  • ||

ବନ୍ଦ ହୋଇଗଲା ବାଣେଶ୍ବରୀ ଗଣନାଟ୍ୟ, ଜାଣନ୍ତୁ କାହିଁକି : ଘରେ ବସିଛନ୍ତି ୧୨୦ କଳାକାର

1/12/2018 at 2:14 PM

ଭୁବନେଶ୍ୱର ୧|୧୨: ବନ୍ଦ ହୋଇଗଲା ବାଣେଶ୍ୱରୀ ଗଣନାଟ୍ୟ । ୧୨୦ ଜଣ କଳାକାର ଓ କର୍ମଚାରୀ ଏବେ ଘରେ ବସିଛନ୍ତି । ଗତ ମାସ ୨୪ ତାରିଖ ଦିନ କେନ୍ଦୁଝର ଜିଲ୍ଲା ଛେନାପଦିରେ ନାଟକ କରିବା ପରେ ପାର୍ଟି ବନ୍ଦ ହୋଇଯାଇଛି । ଛେନାପଦିରୁ ପାର୍ଟି ଭଦ୍ରକ ସହରର ବାଉଦପୁର ବାଲିଯାତ୍ରା ମେଳାକୁ ଆସିବାର ଥିଲା ।  ତେବେ ପରିଚାଳନାଗତ ତ୍ରୁଟି ଯୋଗୁଁ ବାଣେଶ୍ୱରୀ ଗଣନାଟ୍ୟ ବନ୍ଦ ହୋଇଯାଇଥିବା କଳାକାରମାନେ କହିଛନ୍ତି ।  

୧୯୮୬ମସିହାରେ ସ୍ୱର୍ଗତ କେଦାର ନାଥ ସ୍ୱାଇଁଙ୍କ ଦ୍ୱାରା ଏହି ଯାତ୍ରା ପାର୍ଟି ଜନ୍ମ ନେଇଥିଲା । ଦିନ ଥିଲା ଓଡିଶାର ଏକ ନମ୍ବର ପାର୍ଟିର ବି ମାନ୍ୟତା ପାଇଥିଲା । ଦୈତାରୀ ପଣ୍ଡା , ଡଲି ଭୂୟାଁ ଭଳି କଳାକାର ବାଣେଶ୍ୱରୀ ଗଣନାଟ୍ୟରେ ଅଭିନୟ କରି ଭଲ ନାଁ ବି କମାଇଛନ୍ତି । କଥା ରହିଗଲା ମଗୁଶୁରକୁ , କାଖରେ କଳସି ମୁଣ୍ଡରେ ଗରା , କଂସେଇ ଖାନା , ଚନ୍ଦନ ଟୋପାକୁ ନାଲି ଅଳତା , ଦାନା ପାଣି ଭଳି ଅନେକ ହିଟ ନାଟକ ଦେଇଛି ବାଣେଶ୍ୱରୀ ଗଣନାଟ୍ୟ ।

ତେବେ କେଦାରନାଥ ସ୍ୱାଇଁଙ୍କ ଦେହାନ୍ତ ପରେ ତାଙ୍କ ପୁତ୍ର ଭାସ୍କର ଚନ୍ଦ୍ର ସ୍ୱାଇଁ ୨୦୧୫ ମସିହାରେ ନିୟୁ ବାଣେଶ୍ୱରୀ ନାଁରେ ଆଉ ଗୋଟିଏ ପାର୍ଟି ଗଢିଲେ । ଅନେକ ହାଇପେଡ୍ ଆର୍ଟିଷ୍ଟଙ୍କୁ ନେଇ ନିୟୁ ବାଣେଶ୍ୱରୀ ଭଲ ନାଟକ ବି ମଂଚସ୍ଥ କରୁଥିଲା ।  ତେବେ ମାତ୍ର ଏକ ବର୍ଷ ପରେ ନିୟୁ ବାଣେଶ୍ୱରୀକୁ ବନ୍ଦ କରିଦେଇ , ୨୦୧୬ ମସିହାରେ ଇନ୍ଦ୍ର ଭୁବନ ନାଁରେ ଆଉ ଗୋଟିଏ ପାର୍ଟି ଆରମ୍ଭ କଲେ । ତେବେ ସେହି ସମୟରେ ବାଣେଶ୍ୱରୀ ଗଣନାଟ୍ୟ ବି ଭଲ ଚାଲିଥିଲା । 

ଇନ୍ଦ୍ର ଭୁବନର ସଫଳତା ପରେ ପ୍ରଯୋଜକ ଭାସ୍କର ଚନ୍ଦ୍ର ସ୍ୱାଇଁ ୨୦୧୭ ମସିହାରେ ଆଉ ଏକ ପାର୍ଟି ଯାତ୍ରା ଗାଁ ନାମରେ ଆରମ୍ଭ କଲେ । ଏକା ସାଙ୍ଗରେ ବାଣେଶ୍ୱରୀ, ଇନ୍ଦ୍ରଭୁବନ , ଯାତ୍ରା ଗାଁ ଚାଲିଥିଲା । ଏଥର ବାଣେଶ୍ୱରୀ ଗଣନାଟ୍ୟ ଭଲ ନାଟକ ବି ପାଇଥିଲା । ମନର କଥା ବୁଝିବ କିଏ , କାଳ ବୈଶାଖୀର କାଳ ରାତି , ତୋର ଦୋଷ ନା ମୋର ଦୋଷ  ନାଟକ ମଂଚସ୍ଥ କରୁଥିଲା । ରମେଶ ବିଶ୍ୱାଳ , ପ୍ରଫୁଲ୍ଲ ପଣ୍ଡା , ଅଭୟ ସାମଲ , ନଟ ବିଶ୍ୱାଳ , ଜ୍ଞାନ , ପୁଷ୍ପା, ପମି , ରୀତା ଭଳି କଳାକାର ବି ପାର୍ଟିରେ ଥିଲେ । ତେବେ ମାଲିକ ଓ ପରିଚାଳକଙ୍କ ତ୍ରୁଡି ଯୋଗୁଁ ପାର୍ଟି ବନ୍ଦ ହୋଇଗଲା ବୋଲି କଳାକାରମାନେ କହିଛନ୍ତି ।

ଏହି ବିଷୟରେ ପ୍ରଯୋଜକ ଭାସ୍କର ସ୍ୱାଇଁଙ୍କୁ ପଚାରିବାରୁ ସେ କହନ୍ତି- ପରିଚାଳକଙ୍କ ତ୍ରୁଟି ଯୋଗୁଁ ଏପରି ହେଲା , ଆଉ ମକର ପରେ ପୁଣି ପାର୍ଟି ବାହାରିବ । ତେବେ ବାଣେଶ୍ୱରୀ ଗଣନାଟ୍ୟ ବନ୍ଦ ହୋଇଯିବା ପରେ ୧୨୦ଜଣ କଳାକାର ଓ କର୍ମଚାରୀଙ୍କ ଜୀବନ ଜୀବିକା ଏବେ ଦୁର୍ବିସହ ହୋଇ ପଡିଛି ।

ରିପୋର୍ଟ : ସର୍ବେଶ୍ୱର ନାଥ

   Related Posts