ହରିୟାଣ୪/୩: ବାଲ୍ୟ ବିବାହ ପରେ ନିଜ ସ୍ତ୍ରୀଙ୍କ ସହ ଶାରିରୀକ ସଂପର୍କ ରଖିବା ଦୁଷ୍କର୍ମ ସହ ସମାନ। ହରିୟାଣାରେ ବାଲ୍ୟ ବିବାହକୁ ରୋକିବା ପାଇଁ ପ୍ରଚଳିତ ଆଇନକୁ ଆହୁରି କଡାକଡି କରାଯାଇଛି। ବାଲ୍ୟ ବିବାହ ପରେ ଉକ୍ତ ଯୁବତୀ ଓ ସ୍ବାମୀଙ୍କ ମଧ୍ୟରେ ଥିବା ଶାରୀରିକ ସମ୍ପର୍କ ରଖି ପାରିବେ ନାହିଁ। ଯଦି ଉଭୟଙ୍କ ମଧ୍ୟରେ ସଂପର୍କ ରଖନ୍ତି ତେବେ ଆଇନ ଦୁଷ୍କର୍ମ ଆଧାରରେ କାର୍ଯ୍ୟାନୁଷ୍ଠାନ ଗ୍ରହଣ କରିବ। ଏହି ଅପରାଧ ପାଇଁ ଦୋଷୀକୁ ପକ୍ସୋ ଆକ୍ଟ ଏବଂ ଆଇପିସି ଧାରା ଅନୁଯାୟୀ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବ। ସର୍ଭେ ଅନୁଯାୟୀ, ହରିୟାଣାରେ ପ୍ରତିଦିନ ଗୋଟିଏ ଲେଖାଏଁ ବାଲ୍ୟ ବିବାହ ହେଉଛି। ତେଣୁ ହରିୟାଣ ସରକାର ବାଲ୍ୟ ବିବାହ ବିରୋଧରେ ଦୃଢ଼ ପଦକ୍ଷେପ ଗ୍ରହଣ କରିଛି।
ଏହାକୁ ରୋକିବା ପାଇଁ ହରିୟାଣା ସରକାର ବାଲ୍ୟ ବିବାହ ନିଷେଧ ଆଇନ୍ ୨୦୦୬ର ତିନୋଟି ବିଭାଗରେ ସଂଶୋଧନ କରିଛନ୍ତି। ମଙ୍ଗଳବାର ଦିନ ବାଲ୍ୟ ବିବାହ ନିଷେଧ ଆଇନ ସଂଶୋଧନ ବିଲ୍ ୨୦୨୦ ବିଧାନସଭାରେ ସର୍ବସମ୍ମତି କ୍ରମେ ପାରିତ ହୋଇଛି। ସଂଶୋଧନ ପରେ ଯେଉଁ ଆଇନ ଆସିବ ତାହା କେବଳ ଗେଜେଟ୍ ବିଜ୍ଞପ୍ତି ସହିତ ରାଜ୍ୟରେ ଲାଗୁ ହେବ। ହରିୟାଣାର ମହିଳା ଏବଂ ଶିଶୁ ବିକାଶ ମନ୍ତ୍ରୀ କମଲେଶ ଦାଣ୍ଡା ଗୃହରେ ସଂଶୋଧନ ବିଲ୍ ଉପସ୍ଥାପନ କରିଥିଲେ। ସର୍ବସମ୍ମତି କ୍ରମେ ବାଚସ୍ପତିଙ୍କ ଦ୍ବାରା ପାସ୍ ହୋଇଛି।
ଏହାକୁ ଗ୍ରହଣ କରିବାକୁ ରାଜ୍ୟର ସମସ୍ତ ବିଧାନସଭାକୁ ସୁପ୍ରିମକୋର୍ଟ ପରାମର୍ଶ ଦେଇଛନ୍ତି। ଧାରା ୩୭୫ ଅନୁଯାୟୀ, ୧୫ ରୁ ୧୮ ବର୍ଷ ମଧ୍ୟରେ ପୁରୁଷ ଏବଂ ଯୁବତୀ ବିବାହ ପରେ ପରସ୍ପର ଶାରିରୀକ ସଂପର୍କରେ ରଖି ପାରିବେ। କିନ୍ତୁ ପକ୍ସୋ ଆକ୍ଟର ଧାରା ୬ ର ବ୍ୟବସ୍ଥା ଅନୁଯାୟୀ ଏହାକୁ ଏକ ଦୁଷ୍କର୍ମ ବୋଲି ବିବେଚନା କରାଯାଇଛି। ତେଣୁ ଧାରା ୩୭୫କୁ ନିଷ୍କ୍ରିୟ କରି ସରକାର ବାଲ୍ୟ ବିବାହ ବିରୋଧରେ ଆଇନ ୨୦୦୬ ରେ ସଂଶୋଧନ କରିଛନ୍ତି।
