Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

ଆସନ୍ତା ୧୨ତାରିଖରୁ ଆରମ୍ଭ ହେବ ଐତିହାସିକ ବାଲିଯାତ୍ରା, ଆରମ୍ଭ ହୋଇଛି ପ୍ରସ୍ତୁତି

15/10/2019 at 4:56 PM

କଟକ ୧୫।୧୦: ଆସନ୍ତା ମାସ ୧୨ ତାରିଖରୁ ଆରମ୍ଭ ହେବ କଟକର ଐତିହାସିକ ବାଲିଯାତ୍ରା । ସେଥିପାଇଁ ଆଜି ଜିଲ୍ଲା ପ୍ରଶାସନ ପକ୍ଷରୁ ଅନୁଷ୍ଠିତ ହୋଇଛି ପ୍ରଥମ ପ୍ରସ୍ତୁତି ବୈଠକ । ଚଳିତ ବର୍ଷ ୪୩ ଏକର ଜାଗାରେ ବାଲିଯାତ୍ରା ଅନୁଷ୍ଠିତ ହେବ । ତେବେ ବାଲିଯାତ୍ରାରେ ପରିମଳ ଓ ପଲିଥିନ୍ ମୁକ୍ତ ବାଲିଯାତ୍ରା କରିବା ପାଇଁ ଲକ୍ଷ୍ୟ ରଖିଛି ଜିଲ୍ଲା ପ୍ରଶାସନ । ସେପଟେ ବାଲିଯାତ୍ରା ପାଇଁ ବାଲିଯାତ୍ରା ପଡିଆରେ ଆରମ୍ଭ ହୋଇଛି ପ୍ରସ୍ତୁତି ।

କଟକର ଐତିହାସିକ ବାଲିଯାତ୍ରାକୁ ଆଉ ମାସେ ମଧ୍ୟ ନାହିଁ । ସେଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ପ୍ରଥମ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି । ଜିଲ୍ଲା ପ୍ରଶାସନ ସମେତ, ସିଏମସି, ବିଦ୍ୟୁତ ବିଭାଗ, ଅଗ୍ନିଶମ, ବିଭାଗ, ପିଏଚଡି, କମିଶନରେଟ୍ ପୋଲିସ ବୈଠକରେ ଯୋଗ ଦେଇଥିଲେ । ଚଳିତ ବର୍ଷ ପ୍ରାୟ ୪୩ ଏକର ସ୍ଥାନରେ ଅନୁଷ୍ଠିତ ହେବ ବାଲିଯାତ୍ରା । ଆସନ୍ତା ମାସ ୧୨ ତାରିଖରୁ ଆରମ୍ଭ ହେବାକୁ ଥିବା ବାଲିଯାତ୍ରା ୧୯ ତାରିଖରେ ଶେଷ ହେବ । ଗତ ବର୍ଷ ବାଲିଯାତ୍ରାରେ ଷ୍ଟଲ ଆବଣ୍ଟନକୁ ନେଇ ଦେଖା ଦେଇଥିଲା ବ୍ୟାପକ ଅନିୟମିତତା । ତେଣୁ ଚଳିତ ବର୍ଷ ବଡ ଷ୍ଟଲ ମାନଙ୍କ ପାଇଁ ଜିଲ୍ଲାପାଳଙ୍କ ଅଫିସରେ ଷ୍ଟଲ୍ ବୁକିଂ କାଉଣ୍ଟର ଖୋଲାଯିବ ସେହିଭଳି କ୍ଷୁଦ୍ର ବ୍ୟବସାୟୀଙ୍କ ପାଇଁ ଗଡଗଡିଆ ମନ୍ଦିର ପରିସରରେ ବୁକିଂ କାଉଣ୍ଟର ଖୋଲାଯିବ ବୋଲି କହିଛନ୍ତି ଜିଲ୍ଲାପାଳ । ଏଥିସହ ବାଲିଯାତ୍ରାକୁ ପଲିଥିନ୍ ମୁକ୍ତ କରିବା ପାଇଁ ଲକ୍ଷ୍ୟ ରାଖାଯାଇଥିବା କହିଛନ୍ତି ଜିଲ୍ଲାପାଳ ଭବାନୀଶଙ୍କର ଚୟନୀ ।

ସେପଟେ ବାଲିଯାତ୍ରା ପାଇଁ ବାଲିଯାତ୍ରା ପଡିଆର ସଫେଇ କାର୍ଯ୍ୟ ଆରମ୍ଭ ହେବା ସହ ବିଦ୍ୟୁତ ତାର ଟଣା କାର୍ଯ୍ୟ ମଧ୍ୟ ଆରମ୍ଭ ହୋଇଛି । ଚଳିତ ବର୍ଷ ଅଧିକ ପାର୍କିଂ ବ୍ୟବସ୍ଥା କିରିବା ସହ ବାଲିଯାତ୍ରା ପଡିଆକୁ ପ୍ରବେଶ ଓ ପ୍ରସ୍ଥାନ ପାଇଁ ଅଧିକ ରାସ୍ତା ତିଆରି କରାଯିବ ବୋଲି ସିଏମସି ପକ୍ଷରୁ କୁହାଯାଇଛି । ବାଲିଯାତ୍ରା ସମୟରେ ସଫେଇ ଓ ପରିମଳ ବ୍ୟବସ୍ଥା ପାଇଁ ଏକ ଟେଣ୍ଡର କରାଯିବା ସହ ବାଲିଯାତ୍ରା ସମୟରେ ଦିନକୁ ଦୁଇଥର ସଫେଇ କାର୍ଯ୍ୟ କରାଯିବ ବୋଲି ସିଏମସି କମିଶନର କହିଛନ୍ତି ।

ଚଳିତ ବର୍ଷ ବାଲିଯାତ୍ରା ପାଇଁ ସ୍ବତନ୍ତ୍ର ଆର୍କିଟେକ୍ ଇଞ୍ଜିନିୟର ଙ୍କ ସହାୟତାରେ ସ୍ବତନ୍ତ୍ର ନକ୍ସା ପ୍ରସ୍ତୁତ କରାଯିବା ପରେ ପ୍ଲଟ୍ ପାଇଁ ଦର ଧାର୍ଯ୍ୟ କରାଯିବ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି ।

   Related Posts