Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ବାଲେଶ୍ବର ସଦର ଓ ତିର୍ତ୍ତୋଲ ଉପନିର୍ବାଚନ ରେଜଲ୍ଟ,ଆଜି ମହାଲଢେଇ ରାୟର ଦିନ : ବାଜି ମାରିବ କିଏ?

10/11/2020 at 8:31 AM

ଭୁବନେଶ୍ୱର ୧୦।୧୧: ଆଜି ହେଉଛି ମହାଲଢେଇ ରାୟର ଦିନ । ଆଜି ଆସିବ ଜନତାଙ୍କ ରାୟ । କାହାକୁ ମିଳିଛି କେତେ ଭୋଟ । କାହାର ବିଜୟ, କାହାର ପରାଜୟ, କାହା ମୁଣ୍ଡରେ ସୁନା କଳସ, ବାଜି ମାରିବ କିଏ, କାହାର ହେବ ସିଂହାସନ ଏସବୁ ଫଳାଫଳର ଚିତ୍ର ଆଜି ଧିରେ ଧିରେ ସ୍ପଷ୍ଟ ହୋଇଯିବ । ବାଇ ଇଲେକ୍ସନଠାରୁ ବିହାର ମହାଲଢେଇ- ଆଜି ହେଉଛି ଭୋଟ ଗଣତି । ଓଡ଼ିଶାର ଦୁଇଟି ବିଧାନସଭା ଆସନ ତିର୍ତ୍ତୋଲ ଓ ବାଲେଶ୍ବର ସଦର ପାଇଁ ନଭେମ୍ବର ୩ ତାରିଖରେ ହୋଇଥିଲା ଭୋଟ । ସେପଟେ ବିହାର ବିଧାନସଭା ପାଇଁ ଅକ୍ଟୋବର ୨୮, ନଭେମ୍ବର ୩ ଓ ୭ ତାରିଖ ମୋଟ୍ ତିନିଟି ପର୍ଯ୍ୟାୟରେ ହୋଇଥିଲା ମତଦାନ । ଆଜି ଉପନିର୍ବାଚନ ଓ ବିହାର ବିଧାନସଭା ନିର୍ବାଚନର ଭୋଟ ଗଣତି ହେବ । ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇଛି  ।

ତିର୍ତ୍ତୋଲ ଓ ବାଲେଶ୍ବର ସଦର ଉପନିର୍ବାଚନ ଭୋଟ ଗଣତି ପାଇଁ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ତିର୍ତ୍ତୋଲରେ ଏସ୍.ଭି.ଏମ୍ କଲେଜଠାରେ ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇଛି । ଏଥିପାଇଁ ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀ ସରୋଜ କୁମାର ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଇଭିଏମ୍ ଭୋଟ ଗଣତି ପାଇଁ ୨ଟି ହଲ୍ ବ୍ୟବସ୍ଥା ହୋଇଥିବା ବେଳେ ପୋଷ୍ଟାଲ ବ୍ୟାଲଟ୍ ଗଣତି ପାଇଁ ଗୋଟିଏ ହଲ୍ ର ବ୍ୟବସ୍ଥା ହୋଇଛି ।

ଇଭିଏମ୍ ଗଣତି ପାଇଁ ପ୍ରତ୍ୟେକ ହଲ୍ ରେ ୭ଟି ଲେଖାଏଁ ଏବଂ ମୋଟ୍ ୧୪ଟି ଟେବୁଲ ହୋଇଥିବା ବେଳେ ପୋଷ୍ଟାଲ ବ୍ୟାଲଟ୍ ପାଇଁ ୨ଟି ଟେବୁଲ ବ୍ୟବସ୍ଥା କରାଯାଇଛି । ପ୍ରତ୍ୟେକ ଟେବୁଲ ପାଇଁ ସିସିଟିଭି ଓ ଟିଭି ବ୍ୟବସ୍ଥା କରାଯାଇଛି । ଗଣତି ପାଇଁ ୨୨ ଜଣ କାଉଣ୍ଟିଂ ସୁପରଭାଇଜର, ୨୨ ଜଣ କାଉଣ୍ଟିଂ ଆସିଷ୍ଟାଣ୍ଟ ଓ ୨୪ ଜଣ ମାଇକ୍ରୋ ଅବଜରଭର୍ ନିୟୋଜିତ ହୋଇଛନ୍ତି। କାଉଣ୍ଟିଂ ପାଇଁ ନିୟୋଜିତ କର୍ମଚାରୀଙ୍କୁ ନଭେମ୍ବର ୬ ଓ ୮ ତାରିଖରେ ତାଲିମ ପ୍ରଦାନ କରାଯାଇଛି । ପ୍ରତ୍ୟେକ ହଲ୍ କୁ ଭଲଭାବେ ସାନିଟାଇଜ କରାଯାଇଛି ।

ସେହିପରି ବାଲେଶ୍ବରରେ ଗୋଟିଏ ରାଉଣ୍ଡରେ ୧୪ଟି ଇଭିଏମର ଗଣତି ହେବ । ମୋଟ୍ ୩୪୬ଟି ବୁଥ ପାଇଁ ୨୫ ରାଉଣ୍ଡରେ ଭୋଟ ଗଣତି  ହେବ । ପୋଷ୍ଟାଲ ବ୍ୟାଲଟ୍ ପାଇଁ ଏକ ସ୍ବତନ୍ତ୍ର ଟିମ୍ କରାଯାଇଛି । ପ୍ରାର୍ଥୀ କିମ୍ବା ତାଙ୍କ ଏଜେଣ୍ଟ ଉପସ୍ଥିତ ରହିବା ପରେ ଇଭିଏମ୍ ଖୋଲାଯିବ । ବାଲେଶ୍ବର ସଦର ଉପନିର୍ବାଚନରେ  ଚଳିତ ଥର ୧ ଲକ୍ଷ ୬୧ ହଜାର ୪୩୪ ଭୋଟର ମତଦାନ କରିଛନ୍ତି ।

   Related Posts