Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ଚନ୍ଦା ଲୋକଙ୍କୁ କରୋନା ସଂକ୍ରମଣ ସମ୍ଭାବନା ବେଶି, ଆମେରିକୀୟ ପ୍ରଫେସରଙ୍କ ରିସର୍ଚ୍ଚ ତଥ୍ୟ

5/06/2020 at 8:40 PM

ନୂଆଦିଲ୍ଲୀ ୦୫।୦୬: ଦୁନିଆରେ କରୋନା ସଂକ୍ରମଣ ଥମିବାର ନାଁ ନେଉ ନାହିଁ। ଭାରତରେ ଦିନକୁ ଦିନ ସଂକ୍ରମିତଙ୍କ ସଂଖ୍ୟା ଉଦ୍‌ବେଗଜନକ ଭାବେ ବଢିବାରେ ଲାଗିଛି। ଏହା ମଧ୍ୟରେ ଏକ ନୂତନ ଅଧ୍ୟୟନ ସାମ୍ନାକୁ ଆସିଛି। ଗବେଷଣା ଅନୁଯାୟୀ ଚନ୍ଦାପଣ ଥିବା ବ୍ୟକ୍ତି କୋଭିଡ-୧୯ର ଗମ୍ଭୀର ଲକ୍ଷଣରେ ପୀଡିତ ହେବାର ଅଧିକ ସମ୍ଭାବନା ରହିଛି। ଅଧ୍ୟୟନର ପ୍ରମୁଖ ଲେଖକ ନିଜ ଟିମ୍‌ ସହ ମିଶି ଏହି ଅଧ୍ୟୟନ କରିଛନ୍ତି। ତେଣୁ ଆମେ ପୂର୍ବରୁ ଜାଣି ପାରିବା ଯେ, ଚନ୍ଦାପଣ ଥିବା ବ୍ୟକ୍ତିଙ୍କଠାରେ କରୋନା ହେବାର ଅଧିକ ସମ୍ଭାବନା ରହିଛି।

ଡେଲି ଟେଲିଗ୍ରାଫର ରିପୋର୍ଟ ଅନୁଯାୟୀ, ଆମେରିକାର ବ୍ରାଉନ ୟୁନିଭର୍ସିଟିର ପ୍ରଫେସର କାର୍ଲସ୍‌ ଓ୍ଵାମ୍ବିୟର ସ୍ପେନରେ ଏହାକୁ ନେଇ ଦୁଇଟି ଅଧ୍ୟୟନ କରିଛନ୍ତି। ଗବେଷଣାରୁ ଜାଣିବାକୁ ମିଳିଛି ଯେ, ଅଧିକାଂଶ ଚନ୍ଦାପଣ ଥିବା ବ୍ୟକ୍ତି କରୋନା ସଂକ୍ରମିତ ହୋଇ ହସ୍ପିଟାଲରେ ଭର୍ତ୍ତି ହେଉଛନ୍ତି।

ସ୍ପେନ ହସ୍ପିଟାଲରେ ଯାଞ୍ଚ କରାଯାଇଥିବା ୪୧ ସଂକ୍ରମିତ ରୋଗୀଙ୍କ ମଧ୍ୟରୁ ୭୧ ପ୍ରତିଶତ ଚନ୍ଦାପଣ ଥିବା ପ୍ରଥମ ଅଧ୍ୟୟନରୁ ଜଣା ପଡିଛି। ବିଶେଷ କରି  ହାରାହାରି ୩୧ ରୁ ୫୩ ବର୍ଷ ବୟସ ମଧ୍ୟରେ ଥିବା ଚନ୍ଦାପଣ ବ୍ୟକ୍ତିଙ୍କଠାରେ କରୋନା ଲକ୍ଷଣ ଦେଖିବାକୁ ମିଳିଛି।

ଜର୍ଣ୍ଣାଲ ଅଫ ଦ ଆମେରିକନ ଏକାଡେମୀ ଅଫ ଇର୍ମଟୋଲୋଜିରେ ପ୍ରକାଶିତ ଦ୍ଵିତୀୟ ଅଧ୍ୟୟନରେ ଜଣା ପଡିଛି ଯେ, ମ୍ୟାଟ୍ରିଡ୍‌ ହସ୍ପିଟାଲରେ ୧୨୨ ପୁରୁଷ  କରୋନା ସଂକ୍ରମିତଙ୍କ ମଧ୍ୟରୁ ୭୯ ପ୍ରତିଶତ ପୁରୁଷ ଚନ୍ଦାପଣ ଥିଲେ।

କିଛି ବୈଜ୍ଞାନିକଙ୍କ ଅନୁଯାୟୀ ଆଣ୍ଡ୍ରୋଜେନ୍ ପୁରୁଷ ସେକ୍ସ ହର୍ମନ ଚୁଟି ଝଡିବାରେ ସହାୟକ ହୋଇଥାଏ। ଏହା କୋଷିକା ଉପରେ ଆକ୍ରମଣ କରିବାକୁ ଭାଇରସ୍‌ର କ୍ଷମତାକୁ ବୃଦ୍ଧି କରିଥାଏ। ପ୍ରଫେସର ଓ୍ଵାମ୍ବିୟର ଟେଲିଗ୍ରାଫକୁ କହିଛନ୍ତି, ଆଣ୍ଡ୍ରୋଜେନ୍ କିମ୍ବା ପୁରୁଷ ହର୍ମନ୍ ନିଶ୍ଚିତ ରୂପେ ଶରୀରର କୋଷିକାରେ ପ୍ରବେଶ କରିବା ନିମନ୍ତେ ଭାଇରସ୍‌ ପାଇଁ ଦ୍ଵାର ଖୋଲିଥାଏ।

   Related Posts