Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ସ୍ୱାଧିନ ଭାରତର ବଡ ହକି ବିଜୟର ନାୟକ ଥିଲେ ବଲବୀର ସିଂ ସିନିଅର, ଅଲମ୍ପିକରେ ଇଂଲଣ୍ଡକୁ ପରାଜିତ କରିବାର ମ୍ୟାଚଟି ଥିଲା ‘ଲଗାନ୍’ ଭଳି

26/05/2020 at 3:08 PM

ନୂଆଦିଲ୍ଲୀ, ୨୬|୦୫: ଲିଜେଣ୍ଡ ହକି ପ୍ଲେୟାର ବଲବୀର ସିଂ ନିଜ କ୍ୟାରିଅରରେ ଭାରତୀୟ ହକି ଇତିହାସ ପାଇଁ ଅନେକ ଗର୍ବ ଓ ଗୌରବ ଆଣିଛନ୍ତି । ଏହି ଯାତ୍ରାରେ ଏପରି ଅନେକ ମୁହୂର୍ତ୍ତ ରହିଛି ଯାହା ଅନ୍ୟ ଉପଲବ୍ଧି ତୁଳନାରେ ଗୁରୁତ୍ୱପୂର୍ଣ୍ଣ । ସେ ସ୍ୱାଧିନ ଭାରତକୁ ପ୍ରଥମ ଅଲମ୍ପିକ ପଗକ ଦେଇଥିଲେ । କିନ୍ତୁ ସେ ଏବେ ଆମ ଗହଣରେ ନାହାଁନ୍ତି । ୯୫ ବର୍ଷ ବୟସରେ ସେ ସୋମବାର ଶେଷ ନିଶ୍ୱାସ ତ୍ୟାଗ କରିଛନ୍ତି ।

ଏହା ଥିଲା ୧୯୪୮ ଅଲମ୍ପିକ ସମୟର ଘଟଣା । ଯେତେବେଳେ ଭାରତ ସ୍ୱାଧିନତାର ଗୋଟିଏ ବର୍ଷ ପୂରଣ କରିବା ଦିଗରେ ଥିଲା । ଅଲମ୍ପିକ ଫାଇନାଲରେ ବଲବୀର ଏକା ଚାରୋଟି ଗୋଲ ଦେଇଥିଲେ । ଏହି ମ୍ୟାଚ ଭାରତ ଗ୍ରେଟ୍ ବ୍ରିଟେନ ବିପକ୍ଷରେ ଖେଳିଥିଲା । ୨୦୧୮ରେ ଭାରତ ପ୍ରଥମ ଅଲମ୍ପିକ ସୂର୍ଣ୍ଣ ପଦକର ୭୦ ବର୍ଷ ପୂର୍ତ୍ତି ପାଳନ କରିଥିଲା । ଏହାକୁ ଚଣ୍ଡିଗଡର ପ୍ରେସ୍ କ୍ଲବରେ ପାଳନ କରାଯାଇଥିଲା । ଏଥିରେ ବଲବୀର ସିଂ ମଧ୍ୟ ଯୋଗ ଦେଇଥିଲେ ।

ଏହି କାର୍ଯ୍ୟକ୍ରମରେ ବଲବୀର କହିଥିଲେ ଯେ, ଯେତେବେଳେ ଆମର ରାଷ୍ଟ୍ରଗୀତ ବାଜୁଥିଲା  ଓ ତ୍ରିରଙ୍ଗା ଉଡୁଥିଲା ସେ ମଧ୍ୟ ପତାକା ସହ ଉଡୁଥିବା ଭଳି ଅନୁଭବ କରିଥିଲେ । ଦେଶଭକ୍ତିର ଭାବନା  ସେ ଅନୁଭବ କରିପାରୁଥିଲେ । ତାହା ସମସ୍ତଙ୍କ ପାଇଁ ଗର୍ବର ମୁହୂର୍ତ୍ତ ରହିଥିଲା । ଇଂଲଣ୍ଡକୁ ଯେତେବେଳେ ପରାସ୍ତ କରାଯାଇଥିଲା ତାହାର ଗୋଟିଏ ବର୍ଷ ପୂର୍ବରୁ ଭାରତ ଉପରେ ବ୍ରିଟିଶ ଶାସନ ରହିଥିଲା ।

ବଲବୀର ଗୋଲ କିପର ଭାବେ ହକି କ୍ୟାରିଆରର ଆରମ୍ଭ କରିଥିଲେ ।ଏହାପରେ ସେ ପୁଲ୍ ବ୍ୟାକ୍ ଓ ସେଣ୍ଟର୍ ଫରଓ୍ୱାର୍ଡ ଭାବେ ଖେଳିଥିଲେ । ସେ ନିଜେ ମଧ୍ୟ ଗୋଲ କିପର ହେବାକୁ ଚାହୁଁଥିଲେ କିନ୍ତୁ ଭାଗ୍ୟରେ ଆଉ କିଛି ଲେଖାଥିଲା । ତେବେ ସେ ଜବରଦସ୍ତ ଫର୍ମରେ ଥିବା ସତ୍ୱେ ତାଙ୍କୁ ୧୯୪୮ ଫାଇନାଲ ପାଇଁ ୨୯ ସମ୍ଭାବିତ ଖେଳାଳି ତାଲିକାରେ ରଖାଯାଇ ନଥିଲା । ଏହାପରେ ସେ ଲଣ୍ଡନରେ ଥିବା ଭାରତୀୟ ଉଚ୍ଚାୟୁକ୍ତ କୃଷ୍ଣ ମେନନଙ୍କୁ ସମ୍ପର୍କ କରିଥିଲେ । ଏହାପରେ ତାଙ୍କୁ ପ୍ଲେଇଂ ଇଲେଭେନରେ ସାମିଲ କରାଯାଇଥିଲା ।

ତାଙ୍କ କହିବାନୁସାରେ, ୧୯୪୮ ମସିହା ଅଗଷ୍ଟ ୧୨ ତାରିଖ ସ୍ୱାଧିନ ଭାରତ ଇତିହାସରେ ସବୁଠାରୁ ବଡ ଦିନ ଥିଲା । ତାଙ୍କୁ ଅନ୍ତରାଷ୍ଟ୍ରୀୟ ଅଲମ୍ପିକ ସମିତି ଦ୍ୱାରା ଚୟନ କରାଯାଇଥିବା ଆଧୂନିକ ଅଲମ୍ପିକ ଇତିହାସରର ୧୬ ଜଣିଆ ମହାନ ଅଲମ୍ପିଆନ ତାଲିକାରେ ସାମିଲ କରାଯାଇଥିଲା ।

   Related Posts