Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଟ୍ରାଭେଲ୍ସ ବିଲ୍ ମାମଲାରେ ପାଠକ ବାପା-ପୁଅଙ୍କୁ ହାଇକୋର୍ଟରୁ ମିଳିଲା ଜାମିନ
  • ||
  • ଚଣ୍ଡିଖୋଲ : ପେଟ୍ରୋଲ ପମ୍ପ୍ କର୍ମଚାରୀଙ୍କୁ ଗୁଳିମାଡ, ଦୁଇ ଆହତ
  • ||
  • ଚଣ୍ଡିଖୋଲ : ପୃଥକ ପୃଥକ ଦୁର୍ଘଟଣାରେ ଦୁଇ ମୃତ, ଜଣେ ଗୁରୁତର
  • ||
  • ଭୁବନେଶ୍ବର : ବିଧାନସଭା ବାଚସ୍ପତିଙ୍କ ସହ ମନ୍ତ୍ରୀ ଓ ବିଧାୟକ ନେଲେ କରୋନା ଟିକା
  • ||
  • କଟକ : ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, CBI ତଦନ୍ତ ଶିଥିଳତା ମାମଲାରେ ପୂର୍ଣ୍ଣଚ୍ଛେଦ ଟାଣିଲେ ହାଇକୋର୍ଟ
  • ||
  • ବଲାଙ୍ଗୀର : ବସ୍ ଧକ୍କାରେ ଶିକ୍ଷକଙ୍କ ମୃତ୍ୟୁ, NH ଅବରୋଧ କଲେ ସ୍ଥାନୀୟ ଲୋକ
  • ||
  • ବୌଦ୍ଧ : ସମ୍ପତ୍ତି ପାଇଁ ଭାଇ ହେଲା ବଇରୀ, ରକ୍ତ ସମ୍ପର୍କକୁ ଭୁଲି ମାରି ପୋଡିଦେଲେ ସାନ ଭାଇକୁ
  • ||
  • ନୟାଗଡ : ଗ୍ରାମବାସୀଙ୍କ ମାଡରେ ଲୁଟେରା ମୃତ ! ଚେନ୍ ଲୁଟ୍ ଉଦ୍ୟମ ବେଳେ ଧରି ଛେଚିଥିଲେ ଲୋକେ
  • ||
  • ମଣ୍ଡିରେ ବିକ୍ରି ହେଉନି ଧାନ, ପ୍ରତିବାଦରେ ରାସ୍ତାରୋକ କଲେ ଚାଷୀ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୬ ଛୁଇଁଲା ମୃତକଙ୍କ ସଂଖ୍ୟା
  • ||

ବାଲେଶ୍ବର ଲୋକସଭାରେ ବିଜେପିର ବାଜିମାତ, ବିଧାନସଭାରେ ୭ରୁ ୬ରେ ବିଜେଡି: ତୃତୀୟ ସ୍ଥାନରେ ସନ୍ତୁଷ୍ଟ ହେଲେ ରଘୁ ମହାନ୍ତି

24/05/2019 at 6:02 PM

ବାଲେଶ୍ବର ୨୪|୫: ବାଲେଶ୍ବର ବିଗ୍‌ ଫାଇଟ୍‌ରେ ବାଜି ମାରିଲେ ବିଜେପି ଲୋକସଭା ପ୍ରାର୍ଥୀ ପ୍ରତାପ ଷଡ଼ଙ୍ଗୀ । ବିଜେଡି ପ୍ରାର୍ଥୀ ରବୀନ୍ଦ୍ର ଜେନାଙ୍କୁ ୧୨୯୫୬ ଭୋଟ୍‌ ମାର୍ଜିନ୍‌ରେ ହରାଇ ବିଜୟୀ ହୋଇଛନ୍ତି ବିଜେପିର ଏହି ପୁରୁଖା ନେତା । ସେହିଭଳି ବାଲେଶ୍ବର ସଦର ଏବଂ ନୀଳଗିରି ବିଧାନସଭା ଆସନ ବି ବିଜେପି ଖାତାକୁ ଯାଇଛି । ଜିଲ୍ଲାର ବାକି ୬ ଆସନରେ ବିଜୟୀ ହୋଇଛନ୍ତି ବିଜେଡି ପ୍ରାର୍ଥୀ ।….

ପୂରା ନିର୍ବାଚନୀ ମାହୋଲ ଭିତରେ ବାଲେଶ୍ବର ବିଗ୍‌ ଫାଇଟ୍‌ ଉପରେ ଥିଲା ନଜର । ଯେଉଁଠି ଲୋକସଭା ପାଇଁ ବିଜେଡି ପୁଣି ରବୀନ୍ଦ୍ର ଜେନାଙ୍କୁ ମଇଦାନକୁ ଉତ୍ତାରିଥିବା ବେଳେ ତାଙ୍କୁ ଟକ୍କର ଦେଉଥିଲେ ବିଜେପିର ପୁରୁଖା ନେତା ପ୍ରତାପ ଷଡ଼ଙ୍ଗୀ ଏବଂ ଖୋଦ୍‌ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ପୁଅ ନବ୍ୟଜ୍ୟୋତି ପଟ୍ଟନାୟକ । ହେଲେ ବାଲେଶ୍ବରବାସୀ ଏଥର ରବୀନ୍ଦ୍ର ଜେନାଙ୍କ ଯାଗାରେ ପ୍ରତାପ ଷଡ଼ଙ୍ଗୀଙ୍କୁ ଲୋକସଭା ପଠାଇବାକୁ ଚାହିଁଛନ୍ତି ।

ଏଠାରୁ ପ୍ରତାପ ଷଡ଼ଙ୍ଗୀଙ୍କୁ ୪ଲକ୍ଷ ୮୩ହଜାର ୮୫୮ ଭୋଟ୍‌ ମିଳିଥିବା ବେଳେ ରବୀନ୍ଦ୍ର ଜେନାଙ୍କୁ ମିଳିଛି ୪ଲକ୍ଷ ୭୦ହଜାର ୯୦୨ ଭୋଟ୍‌ । ତେବେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ପୁଅ ନବ୍ୟଜ୍ୟୋତି ପଟ୍ଟନାୟକ ମାତ୍ର ୧ଲକ୍ଷ ୭୯ ହଜାର ୪୦୩ ଭୋଟ୍‌ ପାଇ ତୃତୀୟ ସ୍ଥାନରେ ରହିଛନ୍ତି ।

ବାଲେଶ୍ବର ଲୋକସଭା ସହ ବାଲେଶ୍ବର ସଦର ଏବଂ ନୀଳଗିରି ବିଧାନସଭା ଆସନ ମଧ୍ୟ ବିଜେପି ଖାତାକୁ ଯାଇଛି । ବାଲେଶ୍ବର ସଦରରୁ ବିଜେଡିର ଜୀବନ ପ୍ରଦୀପ ଦାସଙ୍କୁ ୧୩ହଜାରରୁ ଅଧିକ ଭୋଟ୍‌ରେ ହରାଇ ବିଜୟୀ ହୋଇଛନ୍ତି ବିଜେପି ପ୍ରାର୍ଥୀ ମଦନମୋହନ ଦତ୍ତ । ସେହିଭଳି ନୀଳଗିରିରେ ବିଜେଡିର ସନ୍ତୋଷ ଖଟୁଆଙ୍କୁ ୯୯୯ ଭୋଟ୍‌ରେ ମାତ ଦେଇ ବାଜି ଜିତିଛନ୍ତି ବିଜେପିର ସୁକାନ୍ତ ନାୟକ । ଜିଲ୍ଲାର ବାକି ୬ଟି ଆସନରେ ବିଜୟୀ ହୋଇଛନ୍ତି ବିଜେଡି ପ୍ରାର୍ଥୀ । ଜଳେଶ୍ବରରୁ ଅଶ୍ବିନୀ ପାତ୍ର, ଭୋଗରାଇରୁ ଅନନ୍ତ ଦାସ, ବସ୍ତାରୁ ନିତ୍ୟାନନ୍ଦ ସାହୁ, ସୋରରୁ ପର୍ଶୁରାମ ଧଡ଼ା, ସିମୁଳିଆରୁ ଜ୍ୟୋତି ପାଣିଗ୍ରାହୀ, ରେମୁଣାରୁ ସୁଧାଂଶୁ ପରିଡ଼ା । ଜିତିବା ପରେ କାହାର କ’ଣ ରିଆକ୍ସନ ଥିଲା ଚାଲନ୍ତୁ ଦେଖିବା ।

ନିର୍ବାଚନର ଅଳ୍ପ ଦିନ ପୂର୍ବରୁ ବିଜେଡି କ୍ୟାମ୍ପ ଛାଡ଼ି ବସ୍ତାରୁ ବିଜେପି ପ୍ରାର୍ଥୀ ହୋଇଥିବା ପୂର୍ବତନ ମନ୍ତ୍ରୀ ରଘୁନାଥ ମହାନ୍ତିଙ୍କୁ ଏଥର କିନ୍ତୁ ତୃତୀୟ ସ୍ଥାନରେ ସନ୍ତୁଷ୍ଟ ହେବାକୁ ପଡ଼ିଛି । ଏଠି ବିଜେଡି ପ୍ରାର୍ଥୀଙ୍କୁ କଡ଼ା ଟକ୍କର ଦେଇଥିଲେ କଂଗ୍ରେସର ବିଜନ ନାୟକ ।

ସୂଟନାଯୋଗ୍ୟ ଯେ, ବଧୂ ନିର୍ଯ୍ୟାତନା ଅଭିଯୋଗରେ ଫଶିବାପରେ ବିଜେଡିରୁ ସସ୍ପେଣ୍ଡ ହୋଇଥିଲେ ରଘୁନାଥ । ତେବେ ବୋହୂ ବର୍ଷା ସୋନୀଙ୍କ ସହ ପ୍ୟାଚଅପ ହେବାପରେ ବିଜେଡି ତାଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର କରିବା ସହ ତାଙ୍କୁ ଉଠାଜଳ ସେଚନ ନିଗମର ଅଧ୍ୟକ୍ଷ କରିଥିଲା । କିନ୍ତୁ ଟିକଟ ନମିଳିବା ଆଶଙ୍କାରେ ନିର୍ବାଚନ ଅବ୍ୟବହିତ ପୂର୍ବରୁ ସେ ବିଜେଡି ଛାଡି ବିଜେପିକୁ ଲମ୍ଫମାରିଥିଲେ । ବିଜେପି ତାଙ୍କୁ ତାଙ୍କ ପାମ୍ପରିକ ଆସନ ବସ୍ତା ବିଧାନସବା ନିର୍ବାଚନମଣ୍ଡଳିରୁ ପ୍ରାର୍ଥୀ କରିଥିଲା । ହେଲେ  ରଘୁନାଥ ଜିତିବା ତ ଦୂରର କଥା ତୃତୀୟ ସ୍ଥାନକୁ ଖସିଯାଇଛନ୍ତି ।

   Related Posts