Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ଜୋର୍ ଧରିଲାଣି ବାଲେଶ୍ୱର ଉପନିର୍ବାଚନ ତାତି : ପ୍ରସ୍ତୁତି ଆରମ୍ଭ କଲାଣି ବିଜେଡି, ରଣନୀତି ତିଆରିରେ ଲାଗିଛନ୍ତି ବିଜେପି ଓ କଂଗ୍ରେସ

22/09/2020 at 6:47 PM

ବାଲେଶ୍ୱର, ୨୨ ।୦୯:   ଜୋର ଧରିଲାଣି ବାଲେଶ୍ବର ସଦର ବିଧାନସଭା ଉପନିର୍ବାଚନ ତାତି । ବାଲେଶ୍ବରରେ ପ୍ରସ୍ତୁତି ଆରମ୍ଭ କରିଛି ବିଜେଡି । ବିଜେଡିର ବାଲେଶ୍ବର ଜିଲ୍ଲା ପର୍ଯ୍ୟବେକ୍ଷକ ଦାୟିତ୍ବରେ  ଥିବା ମନ୍ତ୍ରୀ ପ୍ରତାପ ଜେନା  ଜିଲ୍ଲାର ଦଳୀୟ ବିଧାୟକ ଓ କର୍ମକର୍ତ୍ତାଙ୍କୁ ଡାକି ମତାମତ ନେଇଛନ୍ତି । ସେପଟେ ବାଲେଶ୍ବରରେ ବିଜେପି ଓ କଂଗ୍ରେସ ମଧ୍ୟ ସେମାନଙ୍କ ରଣନୀତି ତିଆରିରେ ଲାଗିଛନ୍ତି । କଂଗ୍ରେସ ୬ ଜଣିଆ ପ୍ରାର୍ଥୀତାଲିକା ଏଆଇସିସିକୁ ପଠାଇଛି । ବିଜେପି ଦଳର ଦିବଗନ୍ତ ବିଧାୟକ ମଦନମୋହନ ଦତ୍ତଙ୍କ ପୁଅ ମାନସ ଦତ୍ତଙ୍କୁ ପ୍ରାର୍ଥୀ କରିବ ବୋଲି ଗ୍ରୀନ ସିଗନାଲ ଦେଇସାରିଛି ।

ବାଲେଶ୍ବର ବିଧାନସଭା ଆସନ ପାଇଁ ବିଗ ପ୍ଲାନରେ ବିଜେଡି । ବାଲେଶ୍ବର ସଦର ବିଧାନସଭା ଉପ ନିର୍ବାଚନ ଆଗରୁ ଏହେଉଛି ବିଜେଡିର ସମର ସଜ୍ଜା । ବାଲେଶ୍ବର ସଦର ବିଧାନସଭାରେ ବିଜେଡିର ରଣନୀତି କଣ ହେବ? କିଏ ଦଳୀୟ ପ୍ରାର୍ଥୀ ହେଲେ ଭଲ ହେବ ? ସେନେଇ ଜିଲ୍ଲାର ବିଧାୟକ ଓ କାର୍ଯ୍ୟକର୍ତ୍ତାଙ୍କ ମତ ଲୋଡୁଛନ୍ତି ଦଳର ଜିଲ୍ଲା ପର୍ଯ୍ୟବେକ୍ଷକ ଥିବା ମନ୍ତ୍ରୀ ପ୍ରତାପ ଜେନା  । ବାଲେଶ୍ବର ସ୍ପେଶାଲ ସର୍କିଟ ହାଉସ ପରିସରରେ ବସିଥିଲା ବିଜେଡିର ପ୍ରସ୍ତୁତି ବୈଠକ। ବୈଠକରେ ଜିଲ୍ଲାର ସମସ୍ତ ଦଳୀୟ ବିଧାୟକ, ପରାଜିତ ପ୍ରାର୍ଥୀ ଓ କର୍ମକର୍ତ୍ତା  ଉପସ୍ଥିତ ଥିଲେ । ବୈଠକରେ  ଉପ ନିର୍ବାଚନ  ପ୍ରାର୍ଥୀ ଚୟନ, ରଣକୈଶଳ ନେଇ ବିଷଦ ଭାବେ ଆଲୋଚନା ହୋଇଛି । ନେତାଙ୍କ ମତକୁ ନେଇ ବିଜେଡି ସୁପ୍ରିମୋ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଖରେ ରଖାଯିବ ବୋଲି କହିଛନ୍ତି ପର୍ଯ୍ୟବେକ୍ଷକ ।

ବାଲେଶ୍ବର ଉପନିର୍ବାଚନ ପ୍ରସ୍ତୁତି ଲାଗି କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତିଙ୍କ ନେତୃତ୍ବରେ ଏକ ଟିମ୍‌ ଗଢିଛି । ଏହି ଟିମ୍‌ ବାଲେଶ୍ବର ସଦର ବିଧାନସଭା ଉପନିର୍ବାଚନ ଲାଗି ୬ ଜଣ ପ୍ରାର୍ଥୀଙ୍କ ନାଁ ଏଆଇସିସିକୁ ପଠାଇଛି । ୬ଜଣଙ୍କ ଭିତରୁ କିଏ ପ୍ରାର୍ଥୀ ହେବ ତାହା  ସିଇସି ନିଷ୍ପତ୍ତି ନେବେ । ପିସିସି ଦାୟିତ୍ବରେ ଥିବା ନୂଆ ପର୍ଯ୍ୟବେକ୍ଷକ ଚେଲାକୁମାରଙ୍କ ଅନୁସାରେ ଦଳ ଏହି ଉପ ନିର୍ବାଚନ ଲଢିବାକୁ ରଣନୀତି କରୁଛି । ସେପଟେ  ବାଲେଶ୍ବର ବିଧାନସଭା ଆସନ ବିଜେପି ହାତରେ ଥିଲା । ଦଳର ଦିବଙ୍ଗତ ବିଧାୟକ ମଦନମୋହନ ଦତ୍ତଙ୍କ ପୁଅ ମାନସ ଦତ୍ତଙ୍କୁ ଜିଲ୍ଲା ସଂଯୋଜକ ଭାବେ ଦାୟିତ୍ବ ଦେଇ ଆଗକୁ ଛାଡିଛି ବିଜେପି । ମାନସ ହିଁ ବିଜେପି ପ୍ରାର୍ଥୀ ହେବା ଏକ ପ୍ରକାର ସ୍ପଷ୍ଟ ହୋଇଛି ।  ବାଲେଶ୍ବକୁ ପୁଣି ବିଜେପି ହାତେଇ ବ ବୋଲି ବିରୋଧୀ ଦଳ ନେତା କହିଛନ୍ତି ।

ନଭେମ୍ବର ୨୯ ସୁଦ୍ଧା ଉପନିର୍ବାଚନ ପ୍ରକ୍ରିୟା ଶେଷ ହେବ ବୋଲି ନିର୍ବାଚନ କମିଶନ ଘୋଷଣା କରିଛନ୍ତି । ତେଣୁ ସମୟ ପାଖେଇ ଆସୁଥିବାରୁ ଜିତାପଟ ଲାଗି ଏବେ ସବୁ ଦଳ ଆରମ୍ଭ କରିଛନ୍ତି ଅଙ୍କକଷା ।

   Related Posts