Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ତିର୍ତ୍ତୋଲ ଓ ବାଲେଶ୍ୱର ଉପନିର୍ବାଚନ ପାଇଁ ଆରମ୍ଭ ହେଲାଣି ଅଙ୍କ କଷା : ଅଣ୍ଟା ଭିଡିଲେଣି ରାଜନୈତିକ ଦଳ, ରାଜଧାନୀ ଛାଡି ଏବେ ନିର୍ବାଚନମଣ୍ଡଳୀ ମୁହାଁ ନେତାଏ

13/09/2020 at 6:42 PM

ଭୁବନେଶ୍ୱର, ୧୩।୦୯:  ଉପନିର୍ବାଚନ ପାଇଁ ଓଡ଼ିଶାରେ ଆରମ୍ଭ ହେଲାଣି ଭିତିରି  ଅଙ୍କ କଷା।  ନିର୍ବାଚନ ତାରିଖ ଘୋଷଣା ହୋଇ ନଥିଲେ ମଧ୍ୟ ତିର୍ତ୍ତୋଲ ଓ ବାଲେଶ୍ବର ଉପନିର୍ବାଚନ ଲାଗି କମର କଷିଲେଣି ପ୍ରମୁଖ ରାଜନୈତିକ ଦଳ।  ରାଜଧାନୀ ଛାଡି ଏବେ ନିର୍ବାଚନ ମଣ୍ଡଳୀ ମୁହାଁ ହେଲେଣି ନେତାଏ । …..

ଆରମ୍ଭ ହେଲାଣି ସମରସଜ୍ଜା ।  ଅଙ୍କ କଷିଲେଣି ମଙ୍ଗୁଆଳ ।  ତିର୍ତୋଲ ଓ ବାଲେଶ୍ବର ସଦର ବିଧାନସଭା ଉପନିର୍ବାଚନ ଲାଗି ରାଜନୈତିକ ପ୍ରସ୍ତୁତି ଆରମ୍ଭ ହୋଇଗଲାଣି । ବିଧିବଦ୍ଧ ଭାବେ ତାରିଖ ଘୋଷଣା ହୋଇନଥିଲେ ବି  ଫିଲଡକୁ ଓହ୍ଲାଇଲେଣି ନେତା । ଇଏ ହେଉଛି  ତିର୍ତୋଲରେ ବିଜେଡି  ବୈଠକର ଦୃଶ୍ୟ ।  ସେପଟେ ବାଲେଶ୍ବରରେ ବି ଦେଖିବାକୁ ମିଳିଛି କଂଗ୍ରେସ ହୋମଓ୍ବାର୍କର ଚିତ୍ର ।  ଉପନିର୍ବାଚନକୁ ନେଇ କସରତ ଆରମ୍ଭ କରିଦେଲେଣି ୩ ପ୍ରମୁଖ ରାଜନୈତିକ ଦଳ। ତିର୍ତେ୍ାଲ ପାଇଁ ଗଠିତ କଂଗ୍ରେସ ଟିମ ୬ ଜଣ ଆଶାୟୀ ପ୍ରାର୍ଥୀଙ୍କ ନାମ ଚୂଡାନ୍ତ କରି ସିଇସିକୁ ପଠାଇଛି । ବାଲେଶ୍ବର ସଦର ପାଇଁ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ପୁଅ ନବଜ୍ୟୋତି ପଟ୍ଟନାୟକଙ୍କ ନାଁ ଆଗରେ ରହିଛି । ବାଲେଶ୍ବର ଲାଗି ତାରା ବାହିନୀପତିଙ୍କ ନେତୃତ୍ବରେ ଟିମ୍‌ ଗଠନ କରିଛି କଂଗ୍ରେସ । ବିଧାୟକ ସୁରେଶ କୁମାର ରାଉତରାୟ ତିର୍ତୋଲ ଦାୟିତ୍ବରେ ଅଛନ୍ତି ।  ରାଜ୍ୟ ବିଜେପି ସାଧାରଣ ସଂପାଦକ ପୃଥ୍ବୀରାଜ ହରିଚନ୍ଦନଙ୍କ ନେତୃତ୍ବରେ ଏକ ଟିମ ତିର୍ତୋଲ  ଦାୟିତ୍ବ ନେଇଥିବା ବେଳେ ବାଲେଶ୍ବର ଦାୟିତ୍ବ ନେଇଛନ୍ତି   ଗୋଲକ ମହାପାତ୍ରଙ୍କ ଟିମ୍‌ । ଦଳର ପ୍ରାର୍ଥୀ ଚୟନ ଏକ ପ୍ରକାର ଚୂଡାନ୍ତ ହୋଇସାରିଛି ବୋଲି କହିଛି ଦଳ । ଭୋଟ ତାରିଖ ଘୋଷଣା ପରେ ସଂସଦୀୟ ବୋର୍ଡ଼କୁ ପଠାଇ ପ୍ରାର୍ଥୀ ଘୋଷଣା କରାଯିବ । ଦୁଇଟି ଯାକ ଆସନ ହାତେଇବାକୁ ରଣନୀତି ପ୍ରସ୍ତୁତ କରୁଛି ବିଜେପି ।

ଉପନିର୍ବାଚନ ହେଉଥିବା ଦୁଇଟି ଆସନରୁ ବାଲେଶ୍ବର ବିଜେପି ହାତରେ ଥିଲା । ତିର୍ତ୍ତୋଲ ହାତେଇଥିଲା ବିଜେଡି । ହେଲେ ଉପନିର୍ବାଚନରେ ଦୁଇଟି ଯାକ ସିଟ ହାତେଇବାକୁ ବିଜେଡି ପୂରା ଦମ୍‌ ଲଗାଇବ । ବାଲେଶ୍ବର ଓ ତିର୍ତ୍ତୋଲ ଉପନିର୍ବାଚନ ଲାଗି ବିଜେଡିର ସ୍ବତନ୍ତ୍ର  ଟିମ ହୋଇଛି । ଦଳର ବାଲେଶ୍ବର ପର୍ଯ୍ୟବେକ୍ଷକ ମନ୍ତ୍ରୀ ପ୍ରତାପ ଜେନାଙ୍କୁ ନେଇ ଏକ ଟିମ କରିଛି ଦଳ ।  ତିର୍ତ୍ତୋଲ ଦାୟିତ୍ବରେ ଦଳର ୫ ଜଣ ହେବିଓ୍ବେଟ ନେତା ଅଛନ୍ତି ।  ତିର୍ତୋଲ ପାଇଁ ବିଜେଡିର ପ୍ରାରମ୍ଭିକ ପ୍ରସ୍ତୁତି ବୈଠକ ଶେଷ ହୋଇଛି । ଦଳ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଦୁଇ ଆସନ ପାଇଁ ଠିକ ସମୟରେ ପ୍ରାର୍ଥୀ ଘୋଷଣା କରିବେ ବୋଲି କହିଛନ୍ତି ଦଳୀୟ ନେତା ।

ଉପନିର୍ବାଚନରେ ନିଜ ନିଜ ପ୍ରାର୍ଥୀଙ୍କ ଜିତାପଟକୁ ନେଇ ପ୍ରମୁଖ ରାଜନୈତିକ ଦଳ ଗୁଡ଼ିକ ଫୁଲ୍‌ ଦମ୍‌ ଲଗାଇବେ । ଯାହା ପ୍ରାରମ୍ଭିକ ପ୍ରସ୍ତୁତିରୁ ବେଶ୍‌ ସ୍ପଷ୍ଟ ହେଉଛି ।

   Related Posts