ପାଟଣା, ୧୧/୦୬ : ବଳଦ ବୋଝେଇ ଟାଟା ଏସିଇ ଗାଡିକୁ ଅଟକ ରଖିଲେ ଗ୍ରାମବାସୀ । ଉଦ୍ଧାର ହେଲେ ୪ ବଳଦ । କେନ୍ଦୁଝର ଜିଲ୍ଲା ପାଟଣା ରାମଚନ୍ଦ୍ରପୁର ଗ୍ରାମରେ ଏହି ଘଟଣା ସାମ୍ନାକୁ ଆସିଛି ।
ଟାଟା ଏସି ଗାଡ଼ିରେ ବଳଦ ଚୋରା ଚାଲାଣ ବେଳେ ବଳଦ ବୋଝେଇ ଟାଟା ଏସି ଗାଡିକୁ ଅଟକ ରଖିଲେ ଗ୍ରାମବାସୀ। ତୁରୁମୁଙ୍ଗା ଥାନା ରାମଚନ୍ଦ୍ରପୁର ଗ୍ରାମ ଦେଇ ଏହି ବଳଦ ଗୁଡିକୁ ଅତି ଦୟନୀୟ ଅବସ୍ଥାରେ ପଡିଆପଶିରୁ ଚଢ଼େଇଭୋଳକୁ ଚାଲାଣ କରାଯାଉଥିଲା । ତେବେ ସୂଚନା ପାଇ ଗ୍ରାମବାସୀ ଏହାକୁ ଅଟକ ରଖିଥିଲେ।
ଖବର ପାଇ ଘଟଣା ସ୍ଥଳରେ ତୁରୁମୁଙ୍ଗା ପୋଲିସ ପହଞ୍ଚି ଗାଡି ଭିତରୁ ୪ ବଳଦକୁ ଉଦ୍ଧାର କରି ତଦନ୍ତ ଆରମ୍ଭ କରିଛି।