Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିପଦ ସଂକେତ ଉପରେ ବୈତରଣୀ, ୧୫ ଗାଁକୁ ଯୋଗାଯୋଗ ବିଚ୍ଛିନ୍ନ

27/08/2020 at 5:12 PM

ଆନନ୍ଦପୁର ୨୭।୮: ଆନ୍ଦପୁରଠାରେ ବୈତରଣୀ ନଦୀ ବିପଦ ସଂକେତ ଉପରେ ପ୍ରବାହିତ ହେଉଛି । ବିପଦ ସଂକେତ ୩୮.୩୬୦ ମିଟର ରହିଥିବାବେଳେ ବର୍ତ୍ତମାନ ଏଠାରେ ଜଳସ୍ତର ରହିଛି ୪୦.୮୪୦ ମିଟରରେ ପ୍ରବାହିତ ହେଉଛି । ଫଳରେ ନଦୀ କୁଳିଆ ଅଞ୍ଚଳ ହାଟଡିହି ବ୍ଲକ୍ ର ଆୟତପୁର, ହାବଳେଶ୍ବର, ସମଣା, ଆମ୍ବୋ, ପଞ୍ଚଗୋଛିଆ ଓ ସଢଙ୍ଗ ପଞ୍ଚାୟତର ପ୍ରାୟ ୧୫ଗୋଟି ଗାଁକୁ ଯୋଗାଯୋଗ ବିଚ୍ଛିନ୍ନ ହୋଇଛି ।

ପ୍ରଭାବିତ ଗାଁରୁ ପାଖାପାଖି ୪୦୦ ଲୋକଙ୍କୁ ସୁରକ୍ଷିତ ଜାଗାକୁ ସ୍ଥାନାନ୍ତର କରାଯାଇଛି । ଏମାନଙ୍କ ମଧ୍ୟରୁ କିଛି ଗାଁର ଲୋକଙ୍କୁ ଗତ ରାତିରେ ସ୍ଥାନାନ୍ତର କରାଯାଇଥିବା ବେଳେ ଅନ୍ୟ କେତେକଙ୍କୁ ଆଜି ସକାଳୁ ସ୍ଥାନାନ୍ତର କରାଯାଇଛି । ପ୍ରଭାବିତ ଲୋକଙ୍କୁ ଖାଦ୍ୟ ସାମଗ୍ରୀ ପ୍ରଦାନ ପାଇଁ ଅଗ୍ନିଶମ ବିଭାଗର ମଟର ବୋଟର ସହାୟତ ନିଆଯାଇଛି ।

   Related Posts