Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଖସୁଛି ବୈତରଣୀର ଜଳସ୍ତର, ବିପଦ ସଙ୍କେତ ତଳେ ହେଉଛି ପ୍ରବାହିତ

29/05/2021 at 8:18 AM

ଭଦ୍ରକ, ୨୯|୦୫: ଖସୁଛି ବୈତରଣୀ ନଦୀର ଜଳସ୍ତର । ଭଦ୍ରକ ଜିଲ୍ଲାର ଆଖୁଆପଦା ଆନିକଟ ଠାରେ ବିପଦ ସଂକେତ ତଳକୁ ବୈତରଣୀ ନଦୀର ଜଳ ପ୍ରବାହିତ ହେଉଛି ।

ନଦୀର ବିପଦ ସଂକେତ ୧୭. ୮୩ ମିଟର ଥିବା ବେଳେ ଶନିବାର ସକାଳ ୬ଟା ସୁଦ୍ଧା୧୭.୪୬ମିଟରରେ ଜଳ ପ୍ରବାହିତ ହେଉଛି । ସେହିପରି  ଭଣ୍ଡାରିପୋଖରୀ ଓ ଧାମନଗର ବ୍ଲକର ଜଳ ଘେରରେ ଥିବା ପଞ୍ଚାୟତ ଗୁଡିକରୁ ଧୀରେ ଧୀରେ ପାଣି କମିବାରେ ଲାଗିଛି ।

ବାତ୍ୟା ‘ୟସ୍’ ଯୋଗୁଁ ଜିଲ୍ଲାବ୍ୟାପୀ ପ୍ରବଳ ବର୍ଷା ହୋଇଥିବା ବେଳେ ସେହି ଜଳ ନିଷ୍କାସିତ ହୋଇନାହିଁ । ସମୁଦ୍ର ଜୁଆର ପାଣି ଗାଁ ଗଣ୍ଡାରେ ପଶିବା ସହ ବୈତରଣୀ ବନ୍ୟା ଜଳସ୍ତର କମୁଥିବା  ବେଳେ  ବିପଦ ସଂକେତ ତଳେ ରହିଛି । ବୈତରଣୀର ଶାଖା ଗେଙ୍ଗୁଟି ଓ କୋଚିଳା ନଦୀର ଜଳସ୍ତର ବୃଦ୍ଧି ପାଉଥିବା ବେଳେ ଧାମନଗର ବ୍ଲକର ୮ଟି ପଞ୍ଚାୟତ ଓ ଭଣ୍ଡାରିପୋଖରୀ ବ୍ଲକର ୬ଟି ପଞ୍ଚାୟତ ବାହ୍ୟ ଜଗତରୁ ବିଚ୍ଛିନ୍ନ ହୋଇଛି । ମୁଖ୍ୟରାସ୍ତା ଉପରେ ୩ ରୁ ୪ ଫୁଟର ବନ୍ୟାଜଳ ପ୍ରବାହିତ ହେଉଛି । ଫଳରେ ଭଣ୍ଡାରିପୋଖରୀ ଏବଂ ଧାମନଗର ବ୍ଲକରେ ବନ୍ୟା ପରିସ୍ଥିତି ଦେଖାଦେଇଛି । ବନ୍ୟାଜଳ ଚାଷ ଜମିରେ ପଶି  ଅଂଚଳ ଜଳମଗ୍ନ କରିଥିବା ବେଳେ ବହୁ ସ୍ଥାନରେ ରାସ୍ତା ଉପରେ ପାଣି ସୁଅ ଛୁଟିବା ସହ ଯୋଗାଯୋଗ ବିଚ୍ଛିନ୍ନ ହୋଇଛି ।

ସେହିପରି ଦିହୁଡ଼ି, ଆନନ୍ଦପୁର, ଖଡିପଦା, ଷୋହଡା, ପଧାନୀ, କରଦା ଆଦି ପଞ୍ଚାୟତର ୨୫ରୁ ଉର୍ଦ୍ଧ୍ଵ ଗ୍ରାମରେ ବନ୍ୟାଜଳ ପ୍ରବେଶ କରିଛି । ସେହିପରି ଯାଜପୁରରୁ ଧାମନଗରକୁ ଯୋଗାଯୋଗ କରୁଥିବା ମୁଖ୍ୟ ରାସ୍ତା ଖଡିପଦାଠାରେ ୪ ଫୁଟର ବନ୍ୟାଜଳ ପ୍ରବେଶ କରୁଥିବା ଫଳରେ ଯୋଗାଯୋଗ ସମ୍ପୂର୍ଣ୍ଣ ବିଚ୍ଛିନ୍ନ ହୋଇଛି । ଭଣ୍ଡାରିପୋଖରୀ ବ୍ଲକରେ ଷୋଳମପୁର, ନପଙ୍ଗ, ମାଳଦା, ରହଣିଆ, ବାଲିପୋଖରୀ ଆଦି ପଞ୍ଚାୟତ ପାଣି ଘେରରେ ରହିଛି ।

   Related Posts