ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆତ୍ମ ସମର୍ପଣ କଲେନି ସିଦ୍ଧୁ, ସ୍ୱାସ୍ଥ୍ୟଗତ ସମସ୍ୟା ଦର୍ଶାଇ ମାଗିଲେ ସମୟ
  • ||
  • ସନ୍ଧ୍ୟାରେ ରୟାଲ୍ସ ବନାମ କିଙ୍ଗସ, ଜିତିଲେ ପ୍ଲେ-ଅଫରେ ଏଣ୍ଟ୍ରି କରିବ ରାଜସ୍ଥାନ
  • ||
  • ଲାଲୁ ପରିବାରକୁ ଗୁଡ୍ ମର୍ଣ୍ଣିଂ କଲା ସିବିଆଇ : ସକାଳୁ ସକାଳୁ ୧୭ ଜାଗାରେ ଚଢଉ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୧୦ ପଜିଟିଭ୍
  • ||
  • ଶନିବାରଠୁ ବଢିବ ତାତି, ଆସନ୍ତା ସପ୍ତାହରେ ଲଘୁଚାପ
  • ||
  • ୨୭ ମାସ ପରେ ମୁକୁଳିଲେ ଆଜମ ଖାନ, ସ୍ୱାଗତ ପାଇଁ ପହଁଚିଲେ ଶିବପାଲ ଯାଦବ
  • ||
  • ରାଜଧାନୀରେ ବୋମାମାଡ, ସହିଦନଗର ଥାନା ପୋଲିସର ତଦନ୍ତ ଜାରି
  • ||
  • ମଧ୍ୟାହ୍ନରେ ଆତ୍ମସମର୍ପଣ କରିବେ ସିଦ୍ଧୁ, ବର୍ଷେ ପାଇଁ ଯିବେ ଜେଲ୍ !
  • ||
  • ଆଜି ଜେଲରୁ ମୁକୁଳି ପାରନ୍ତି ଆଜମ ଖାନ, ଜେଲରେ ପହଁଚିଲା ଜାମିନ ଆଦେଶ
  • ||

ଚିଲିକା ଉପରେ ହେଲିକପ୍ଟର ଉଡାଇବା ଘଟଣାରେ ବୈଜୟନ୍ତଙ୍କୁ ମିଳିନି କ୍ଲିନଚିଟ୍, ବରଂ ବଢୁଛି ଅଡୁଆ

27/10/2018 at 6:15 PM

ଭୁବନେଶ୍ବର୨୭|୧୦: ବିବାଦୀୟ ହେବାରେ ଲାଗିଛି ପୂର୍ବତନ ସାଂସଦ ବୈଜୟନ୍ତ ପଣ୍ଡାଙ୍କ ବେଆଇନ ହେଲିକପ୍ଟର୍ ଉଡ଼ାଣ ପ୍ରସଙ୍ଗ । DGCAଙ୍କ ରିପୋର୍ଟ ଉପରେ ପୋଲିସ ପ୍ରଶ୍ନ ଉଠାଇବା ପରେ, ବୈଜୟନ୍ତଙ୍କ ପାଇଁ ଅଡୁଆ ଆହୁରି ବଢିଛି । ଚିଲିକାର କେତେ ଉପରେ ସାଂସଦ ହେଲିକପ୍ଟର୍ ଉଡ଼ାଇଥିଲେ, ସେନେଇ ରିପୋର୍ଟରେ କିଛି ନିର୍ଦ୍ଦିଷ୍ଟ ତଥ୍ୟ ଦିଆଯାଇନି । ଯେଉଁଥି ପାଇଁ DGCAଙ୍କୁ ଆଉ ଥରେ ରିପୋର୍ଟ ମାଗିଛି ପୁରୀ ପୋଲିସ । ସେପଟେ ଘଟଣାକୁ ନେଇ ଜୋର୍ ହୋଇଛି ରାଜନୈତିକ ବୟାନ ବାଜି ।

ବଡୁଛି ବେଆଇନ ଉଡାଣ ବିବାଦ । DGCAଙ୍କ ରିପୋର୍ଟକୁ ନେଇ ଉଠିଛି ପ୍ରଶ୍ନ । DGCA ଦେଇଥିବା ରିପୋର୍ଟ ଉପରେ ଆପତ୍ତି ଉଠାଇଛି ପୋଲିସଚିଲିକା ଉପରେ କେଉଁ ସମୟରେ ଏବଂ କେତେ ଉଚ୍ଚରେ ବୈଜୟନ୍ତ ହେଲିକପଟର ଉଡାଇଥିଲେ ସେନେଇ ରିପୋର୍ଟରେ କିଛି ତଥ୍ୟ ନାହିଁ । ତେଣୁ ରିପୋର୍ଟକୁ ଗ୍ରହଣ କରିନି ପୁରୀ ପୋଲିସ । ଡିଜିସିଏଙ୍କୁ ଆଉ ଥରେ ରିପୋର୍ଟ ମାଗିବ ପୁରୀ ପୋଲିସ । ଚିଲିକାରୁ କେତେ ଉପରେ ଏବଂ କେଉଁ ସମୟରେ ହେଲିକପ୍ଟର୍ ଉଡୁଥିଲା, ସେ ସଂକ୍ରାନ୍ତ ତଥ୍ୟ ଦେବାକୁ ଡିଜିସିଏକୁ ପୁଣି ଚିଠି ଲେଖିବ ପୁରୀ ପୋଲିସ୍ ବୋଲି ପୁରୀ ଏସପି  ସାର୍ଥକ ଷଢଙ୍ଗୀ କହିଛନ୍ତି ।

ବେଆଇନ ଉଡାଣକୁ ନେଇ ଥିଲା ବିବାଦ । ଡିଜିସିଏ ରିପୋର୍ଟ ଆଧାରରେ କାର୍ଯ୍ୟନୁଷ୍ଠାନ ନିଆଯିବ ବୋଲି କୁହାଯାଉଥିଲା । ତେବେ ରିପୋର୍ଟରେ ପୋଲିସ ମାଗିଥିବା ତଥ୍ୟ, କାହିଁକି  ଡିଜିସିଏ ଦେଇନାହାନ୍ତି ? ଚିଲିକା ଉପରେ ଉଡାଣର ଉଚ୍ଚତା ଓ ସମୟ ନଥାଇ ଏହାକୁ କ୍ଲିନ୍ ଚିଟ୍ କୁହାଯିବ କି ?  ଏବେ ଏମିତି ସବୁ ପ୍ରଶ୍ନ ଉଠୁଛି । ସେପଟେ ଘଟଣାକୁ ନେଇ ଜୋର୍ ହୋଇଛି ରାଜନୈତିକ ବୟାନ ବାଜି ।

ଡିଜିସିଏ ରିପୋର୍ଟକୁ ନେଇ ପ୍ରଶ୍ନ ଉଠାଉଥିବା ପୋଲିସ, ଏହେ ହ୍ୟାଙ୍ଗରକୁ ଖୋଲିଯିବା ନେଇ ତର୍ଜମା କରୁଛି । କିନ୍ତୁ ଡିଜିସିଏଙ୍କ ସମ୍ପୂର୍ଣ୍ଣ ରିପୋର୍ଟ ନ ଆସିବା ଯାଏଁ, ବିବାଦକୁ ଆସିଥିବା ହେଲିକ୍ୟାପଟର ଜବତ ହୋଇ ରହିବ ।

   Related Posts