Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପ୍ରାର୍ଥୀ ତାଲିକା ଘୋଷଣା କଲେ ମମତା ବାନାର୍ଜୀ : ନନ୍ଦିଗ୍ରାମରୁ ଲଢିବେ ଦିଦି, ମୁସଲିମ ପ୍ରାର୍ଥୀଙ୍କୁ ପ୍ରାଧାନ୍ୟ
  • ||
  • ଆଠଗଡ : କାଜୁ ବଗିଚାରୁ ଅଜଣା ମହିଳାଙ୍କ ମୃତଦେହ ଠାବ, ହତ୍ୟା ନା ଆତ୍ମହତ୍ୟା ?
  • ||
  • ଭଦ୍ରକ : ସେବା ସମବାୟ ସମିତିରେ ଧାନ କିଣାକୁ ନେଇ ବ୍ୟାପକ ଜାଲିଆତି, ଡାଟା ଏଣ୍ଟ୍ରି ଅପରେଟର ଓ ସମ୍ପାଦକ ନିଲମ୍ବିତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୯୧ କୋଭିଡ୍ ପଜିଟିଭ୍, ୩୩୭୬୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେବଗଡ : ଅଭିଯୋଗକାରିଣୀଙ୍କୁ ଲାଞ୍ଚ ମାଗି ନିଲମ୍ବିତ ହେଲେ ଏଏସଆଇ
  • ||
  • ନୀଳଗିରି : ମହିଳା ସମିତି ସଭ୍ୟାଙ୍କୁ ଦୁର୍ବ୍ୟବହାର ଅଭିଯୋଗ, ବିଜେଡି ବିଧାୟକ ପ୍ରାର୍ଥୀଙ୍କ ନାଁରେ ମାମଲା ରୁଜୁ
  • ||
  • ବିନିକା : ସହିପାରିଲେନି ବାପଘରୁ ବିଦା ହେବାର ଦୁଃଖ, କାନ୍ଦି କାନ୍ଦି ଚାଲିଗଲା ନବବଧୂଙ୍କ ଜୀବନ
  • ||
  • ଆଠଗଡ : ବାଇକ୍‌କୁ ଧକ୍କା ଦେଲା ‘ନିଶା’ : ଆରୋହୀ ମୃତ, ବସ୍ ଡ୍ରାଇଭର ଫେରାର
  • ||
  • ବଲାଙ୍ଗିର : ନାଳରୁ ଯୁବକଙ୍କ ମୃତଦେହ ଉଦ୍ଧାର, ବେଡ୍‌ସିଟ୍ ଗୁଡାଇ ଛାତ ଉପରୁ ଫିଙ୍ଗି ଦେଇଥିବା ସନ୍ଦେହ
  • ||
  • ବାରଙ୍ଗ : ବହୁଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା : ସିନ୍ ରିକ୍ରିଏସନ୍ କଲା ସିବିଆଇ ଟିମ୍, ବିବନ ବଖାଣିଲା ୨୨ବର୍ଷ ତଳର ଲୋମଟାଙ୍କୁରା ଘଟଣା
  • ||

ବାଇଡେନଙ୍କ ଶପଥ ଗ୍ରହଣ ପାଇଁ ସୁରକ୍ଷା ବ୍ୟବସ୍ଥା କଡାକଡି : ଏଫବିଆଇ ରଖିଛି ନଜର, ୧୫୦୦୦ ୟୁଏସ ନ୍ୟାଶନାଲ୍ ଗାର୍ଡ ନିୟୋଜିତ

19/01/2021 at 12:53 PM

ଲଣ୍ଡନ, ୧୯/୦୧: ଆମେରିକାର ରାଜଧାନୀ ଓ୍ୱାଶିଂଟନରେ ହିଂସା ଆରମ୍ଭ ହେବା ପରେ ଜରୁରୀକାଳିନ ସ୍ଥିତି ଲାଗୁ ହୋଇଥିଲା । ଏହାପରେ ହ୍ୱାଇଟ ହାଉସକୁ ଏକ ଦୁର୍ଗରେ ପରିଣତ କରିଦିଆଯାଇଛି । ଜାନୁଆରୀ ୨୦ରେ ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନଙ୍କ ଶପଥଗ୍ରହଣ ସମାରୋହକୁ ନଜରରେ ରଖି ସିକ୍ରେଟ୍ ସର୍ଭିସ୍ ଓ ୟୁଏସ ନ୍ୟାଶନାଲ ଗାର୍ଡସଙ୍କୁ ମଧ୍ୟ ମୁତୟନ କରାଯାଇଛି । କୌଣସି ପ୍ରକାର ହିଂସାକୁ ପ୍ରତିହତ କରିବାକୁ ମଲ୍ଟି ଏଜେନ୍ସି କମାଣ୍ଡରଙ୍କୁ ମଧ୍ୟ ନିୟୋଜିତ କରାଯାଇଛି । ୨୪ ଘଣ୍ଟା ଓ୍ୱାଶିଂଟନ ଉପରେ କଡା ନଜର ରଖାଯାଇଛି ।

ଗତ ସପ୍ତାହରେ ୟୁଏସ କ୍ୟାପିଟଲ ବିଲ୍ଡିଂରେ ଡୋନାଲ୍ଡ ଟ୍ରମ୍ପଙ୍କ ସମର୍ଥକମାନେ ହିଂସାକାଣ୍ଡ ଭିଆଇଥିଲେ । ସେହିପରି ବାଇଡେନଙ୍କ ଶପଥଗ୍ରହଣ ସମାରୋହରେ ମଧ୍ୟ ହିଂସା ଆଶଙ୍କା ରହିଛି । ଏହାକୁ ନେଇ ଟ୍ରମ୍ପ ନିଜେ କହିଥିଲେ ଯେ, ତାଙ୍କ ବିରୋଧରେ ଆସିଥିବା ମହାଭିଯୋଗ ପାଇଁ ଆମେରିକାବାସୀ କ୍ଷୁବ୍ଘ ରହିଛନ୍ତି ।

ଓ୍ୱାଶିଂଟନ ପୋଷ୍ଟ ସହ ଆଲୋଚନା କରି ଜଣେ ପୂର୍ବତନ ଗୁଇନ୍ଦା ଅଧିକାରୀ କହିଛନ୍ତି ଯେ, ଆମେରିକାରେ ଏବେ ସୁରକ୍ଷା ସମ୍ବନ୍ଧରେ ଅନେକ ପଦକ୍ଷେପ ଗ୍ରହଣ କରାଯାଇଛି। ଜାନୁଆରୀ ୬ରେ କ୍ୟାପିଟଲ ବିଲ୍ଡିଂ ଉପରେ ଆକ୍ରମଣ ହୋଇଥିଲା । ଏବେ ଆକ୍ରମଣ ହେଲେ କାର୍ଯ୍ୟାନୁଷ୍ଠାନ ନେବାକୁ ନ୍ୟାଶନାଲ୍ ଗାର୍ଡଙ୍କୁ କୌଣସି ଅନୁମତି ଦରକାର ନାହିଁ । କାହାକୁ ଏଫବିଆଇ ସ୍ୱାଟ୍ ଟିମ୍ ପାଇଁ ଜରୁରୀ କଲ୍ କରିବା ଦରକାର ନାହିଁ । ରେଡିଏସନ୍ ପ୍ରୋଟେକ୍ସନ, ବମ୍ ଡିଟେକ୍ଟର ଓ ହିଂସା ପ୍ରତିରୋଧୀ ବାହିନୀ ମୁତୟନ ଅଛନ୍ତି ।

ଓ୍ୱାଶିଂଟନରେ ସୁରକ୍ଷା ପାଇଁ ୧୫୦୦୦ରୁ ଅଧିକ ୟୁଏସ ନ୍ୟାଶନାଲ ଗାର୍ଡଙ୍କୁ ମୁତୟନ କରାଯାଇଛି । ଏହାମଧ୍ୟରୁ ୧୦୦୦୦ଜଣଙ୍କୁ ପଡିଆରେ ନିୟୋଜିତ କରାଯାଇଛି । ଅନ୍ୟ ୫ହଜାର ଯବାନ ଷ୍ଟାଣ୍ଡବାୟରେ ରହିବେ ।

ଏଫବିଆଇ କ୍ୟାପିଟଲ ବିଲ୍ଡିଂରେ ଗତ ସପ୍ତାହରେ ଘଟିଥିବା ହିଂସା ପରେ ବାଇଡେନଙ୍କ ଶପଥଗ୍ରହଣରେ ପୁଣି ହିଂସା ଆଶଙ୍କା କରିଥିଲା । ଏହାସହ ଦେଶର ୫୦ଟି ରାଜ୍ୟରେ ଆନ୍ଦୋଳନ ନେଇ ଗୁଇନ୍ଦା ରିପୋର୍ଟ ମିଳିଥିଲା । ଦଙ୍ଗା ଆଶଙ୍କା ମଧ୍ୟ ରହିଥିଲା । ତେଣୁ ସୁରକ୍ଷା ଦୃଷିକୋଣରୁ ଅଧିକ ଯବାନ ମୁତୟନ ହେବା ସହ ଓ୍ୱାଶିଂଟନ ଉପରେ କଡା ନଜର ରଖାଯାଇଛି ।  

   Related Posts