Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୀନରେ ଦ୍ରୁତ ବେଗରେ ବ୍ୟାପିଲା କରୋନାର ଡେଲ୍‌ଟା ଭାରିଏଣ୍ଟ, ବେଜିଂ ସହ ୧୫ ସହରରେ ଆତଙ୍କ, ଉଡାଣ ବାତିଲ୍
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୭୬ ଡିସଚାର୍ଜ
  • ||
  • ଲଦାଖରେ ଭାରତ-ଚୀନ ମଧ୍ୟରେ ଉତ୍ତେଜନା କେବେ ସମାପ୍ତ ହେବ ? ଡ୍ରାଗନ ସହ ୧୨ତମ ବୈଠକ ଆସନ୍ତାକାଲି
  • ||
  • ବାଂଶପାଳ : ଗାଁରେ ପଶି ଘର ଭାଙ୍ଗିଲା ଦନ୍ତା, କାନ୍ଥ ପଡି ସ୍ବାମୀ-ସ୍ତ୍ରୀ ଗୁରୁତର
  • ||
  • ରାଉରକେଲା : ଅଲୋଡା ହେଲା ନବଜାତ ଶିଶୁପୁତ୍ର, ଡଷ୍ଟବିନ୍‌ରୁ ଉଦ୍ଧାର
  • ||
  • ରାଇରଙ୍ଗପୁର : ଦୁଇ ବାଇକ୍ ମୁହାଁମୁହିଁ ଧକ୍କା, ରାସ୍ତା କଡକୁ ଛିଟିକି ପଡିଲେ ୨ ଚାଳକ : ମେଡିକାଲରେ ହେଲା ମୃତ୍ୟୁ
  • ||
  • କଟକ : ଦୁଷ୍କର୍ମକାରୀଙ୍କୁ ୧୦ବର୍ଷ ଜେଲ୍‌ ସହ ୧୦ହଜାର ଜରିମନା : ପୀଡିତାଙ୍କୁ ଦେବେ ୨ଲକ୍ଷ ଟଙ୍କାର କ୍ଷତିପୂରଣ
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ OSSC ସଦସ୍ୟଙ୍କ ପିଏସ୍ : ଜବତ ହେଲାଣି ନଗଦ ଲକ୍ଷାଧିକ ଟଙ୍କା ସହ ଫ୍ଲାଟ୍ ଆଉ ପ୍ଲଟ୍
  • ||
  • ରାୟଗଡା : ଆନ୍ଧ୍ରପ୍ରଦେଶ ଚିଙ୍ଗୁଡି ବନ୍ଧରେ ଅଘଟଣ : ବିଦ୍ୟୁତ ଆଘାତରେ ୬ ଓଡିଆ ଶ୍ରମିକଙ୍କ ମୃତ୍ୟୁ
  • ||
  • ଭୁବନେଶ୍ବର : ବଦଳିଲା ନିୟମ : ୬୩,୩୦୩ ପ୍ରାଥମିକ ଶିକ୍ଷକ ପାଇବେ ପଦୋନ୍ନତି, ରେସିଡେନ୍ସି ପିରିୟଡ୍ କମାଇଲେ ରାଜ୍ୟ ସରକାର
  • ||

ଧର୍ମରୁ ଉର୍ଦ୍ଧ୍ୱରେ ରାମ : ଅଯୋଧ୍ୟା ରାମ ମନ୍ଦିର ପାଇଁ ସୁନା ଇଟା ଦେବେ ବାହାଦୂର ଶାହା ଜାଫରଙ୍କ ବଂଶଜ

4/08/2020 at 8:47 AM

ଅଯୋଧ୍ୟା ୦୪।୦୮:  ପ୍ରସ୍ତୁତି ଶେଷ ପର୍ଯ୍ୟାୟରେ,ଆସନ୍ତାକାଲି ସେହି ଐତିହାସିକ ଦିନ  । ଶହ ଶହ ବର୍ଷର ପ୍ରତୀକ୍ଷାର ହେବ ଅନ୍ତ। ପ୍ରଭୁ ଶ୍ରୀରାମଙ୍କ ଜନ୍ମଭୂମି ଅଯୋଧ୍ୟାରେ ପ୍ରତିଷ୍ଠା ହେବ ବିଶାଳ ଶ୍ରୀରାମ ମନ୍ଦିର । ଏଭଳି ସ୍ବର୍ଣ୍ଣିମ ଇତିହାସର ସାକ୍ଷୀ କିଏ ବା ହେବାକୁ ନଚାହିଁ ବ ? ତ୍ରେତୟାରେ ପ୍ରଭୁ ଶ୍ରୀରାମ ଶବରୀ ହାତରୁ ଅଇଁଠା କୋଳି ଖାଇଥିଲେ । ଦ୍ବାପରରେ ଶ୍ରୀକୃଷ୍ଣ ବନ୍ଧୁ ସୁଦାମା ହାତରୁ ଖୁଦ ଭଜା ଖାଇଥିଲେ । କିନ୍ତୁ କଳିଯୁଗରେ ଯେତେବେଳେ ରାମମନ୍ଦିରର ଶିଳାନ୍ୟାସ ହେଉଛି ସେତେବେଳେ ପ୍ରଭୁ ଶ୍ରୀରାମଙ୍କ ପ୍ରେମରେ ପଡ଼ିଛନ୍ତି ବିଭିନ୍ନ ଧର୍ମର ଭାଇ ଭଉଣୀ ।

ବଦଳିବ ୫୦୦ ବର୍ଷର ଇତିହାସ, ଲେଖା ହେବ ନୂଆ ଏକ ସ୍ବର୍ଣ୍ଣିମ ଇତିହାସ।ରାମ ମନ୍ଦିର ଆନ୍ଦୋଳନର ଆରମ୍ଭରେ ଅଯୋଧ୍ୟାକୁ ଲକ୍ଷ ଲକ୍ଷ ଇଟା ପଠାଇଥିଲେ କାର ସେବକ । କିନ୍ତୁ ଏବେ ସୁନା ଆଉ ଇଟାର ରୂପା ପଠାଉଛନ୍ତି ଏକାଧିକ ଭକ୍ତ । ସେବେର ଭାରତ ଏବଂ ଏବେର ଭାରତ ମଧ୍ୟରେ ଆକାଶ ପାତାଳ ଫରକ । ତେଣୁ ପ୍ରଭୁ ଶ୍ରୀରାମଙ୍କ ଭବ୍ୟ ମନ୍ଦିରକୁ ସୁନା ଏବଂ ରୂପାରେ ଯେମିତି ଛାଉଣି କରିବାକୁ ଲାଗି ପଡ଼ିଛନ୍ତି ଭକ୍ତ । ମନ୍ଦିର ନିର୍ମାଣକୁ ସ୍ବଚକ୍ଷୁରେ ଦେଖିବା ସହ ସେହି ସ୍ବର୍ଣ୍ଣିମ ସମୟର ସାକ୍ଷୀ ହେବାକୁ କେବଳ ହିନ୍ଦୁମାନେ ଚାହିଁନାହାଁନ୍ତି । ହିନ୍ଦୁ, ମୁସଲିମ ଏବଂ ଜୈନମାନେ ମଧ୍ୟ ଏହି ମହା ଉତ୍ସବରେ ସାମିଲ ହେବାକୁ ଆଗଭର ହୋଇଛନ୍ତି ।

ରାମ ମନ୍ଦିର ନିର୍ମାଣ ପାଇଁ ସୁନା ଇଟା ଦେବେ ମୋଗଲ ସମ୍ରାଟଙ୍କ ବଂଶଜ ୟାକୁବ ହବିବୁଦ୍ଦିନ। ଶେଷ ମୋଗଲ ସମ୍ରାଟ ବାହାଦୂର ଶାହା ଜାଫରଙ୍କ ବଂଶଜ ପ୍ରିନ୍ସ ୟାକୁବ ହବିବୁଦ୍ଦିନ ତୁସିର ରାମ ମନ୍ଦିର ନିର୍ମାଣ ପାଇଁ ସୁନା ଦେବାକୁ ପ୍ରସ୍ତାବ ଦେଇଛନ୍ତି। ସେ ଚାହୁଁଛନ୍ତି ରାମ ମନ୍ଦିର ନିର୍ମାଣରେ ସେ ଦେଉଥିବା ଇଟା ବ୍ୟବହାର କରାଯାଉ। ସେଥିପାଇଁ ପ୍ରାୟ ୧ କୋଟି ୮୦ ଲକ୍ଷ ଟଙ୍କାରେ ସୁନାର ଇଟା ପ୍ରସ୍ତୁତ କରିଛନ୍ତି ।

କେବଳ ୟାକୁବ ହବିବୁଦ୍ଦିନ ନୁହଁନ୍ତି। ମୁସଲିମ ଭାଇଙ୍କ ପରି ଜୈନମାନେ ମଧ୍ୟ ରାମ ମନ୍ଦିର ନିର୍ମାଣରେ ନିଜକୁ ସାମିଲ କରି କୃତ୍ୟମଣିଛନ୍ତି । ଅହମ୍ମଦାବାଦର ଜୈନ କମ୍ୟୁନିଟି ପକ୍ଷରୁ ମଧ୍ୟ ପ୍ରଭୁ ଶ୍ରୀରାମଙ୍କ ମନ୍ଦିର ପାଇଁ ପଠାଯାଇଛି ପ୍ରାୟ ୨୪ କେଜି ଓଜନର ରୂପା ଇଟା । ଯାହାକୁ ରାମ ମନ୍ଦିର ଟ୍ରଷ୍ଟକୁ ପ୍ରଦାନ୍ତ କରିଛନ୍ତି ପ୍ରଭୁ ଶ୍ରୀରାମଙ୍କ ସେହି ଜୈନଭକ୍ତ।

ମନ୍ଦିର ନିର୍ମାଣ ପାଇଁ ସୁନା ରୂପାର ଇଟା ଦେଇଛନ୍ତି ବିଭିନ୍ନ ଧର୍ମର ଭକ୍ତ । ତେବେ ବାରଣାସୀର ଜଣେ ମୁସଲିମ ଯୁବତୀ ଶିଳାନ୍ୟାସ ଅବସରରେ ନିଜ ହାତରେ ଆଙ୍କିଛନ୍ତି ଶ୍ରୀରାମ ଟାଟୁ । ରାମ ମନ୍ଦିର ନିର୍ମାଣର ସ୍ବପ୍ନ ଦେଖୁଥିବା ଏହି ଯୁବତୀ ଜଣ ଟାଟୁ ମାଧ୍ୟମରେ ହିନ୍ଦୁ-ମୁସଲିମ ମଧ୍ୟରେ ଥିବା ଏକତାର ବାର୍ତ୍ତା ବାଣ୍ଟିଛନ୍ତି ।

   Related Posts