Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||
  • ନିଆଳି : ଭାରସାମ୍ୟ ହରାଇ ନାଳକୁ ଖସିପଡିଲା ଟ୍ରକ୍ : ଜଣେ ମୃତ, ଦୁଇ ଗୁରୁତର
  • ||
  • ମୁନିଗୁଡା : ଅପରେସନ୍ ଗ୍ରୀନ୍ କ୍ଲିନ୍, ୫ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଢେଙ୍କାନାଳ : ଚାଷୀଙ୍କୁ କଚାଡି ମାରିଲା ଦନ୍ତା, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ଅବରୋଧ
  • ||
  • ହରିୟାଣାର ସ୍ୱାସ୍ଥ୍ୟ ମନ୍ତ୍ରୀ କୋରୋନା ପଜିଟିଭ୍‌ ଚିହ୍ନଟ, ‘କୋଭାକ୍ସିନ୍‌’ର ପରୀକ୍ଷାମୂଳକ ଟିକା ନେଇଥିଲେ ଅନିଲ ଭିଜ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||

ମେ ୧୫ ତାରିଖରେ ଖୋଲିବ ବଦ୍ରୀନାଥ ଧାମ : ଶ୍ରଦ୍ଧାଳୁଙ୍କୁ ନୋଏଣ୍ଟ୍ରି

11/05/2020 at 3:39 PM

ଗଙ୍ଗୋତ୍ରୀ ୧୧/୦୫ : ବଦ୍ରୀନାଥ ଧାମ ମନ୍ଦିର କବାଟ ମେ ୧୫ ତାରିଖରେ ଖୋଲିବାର ଅଛି | ଏଥିପାଇଁ ପ୍ରଶାସନ ମନ୍ଦିର ରାୱଲଙ୍କ ସମେତ କେବଳ ୨୭ ଜଣଙ୍କୁ ସେଠାକୁ ଯିବାକୁ ଅନୁମତି ଦେଇଛନ୍ତି | ଲକ ଡାଉନ ଯୋଗୁଁ ପ୍ରଶାସନ ଏହିଭଳି ନିଷ୍ପତ୍ତି ନେଇଛନ୍ତି | ଏହି ସମୟରେ ସାମାଜିକ ଦୂରତାକୁ ଦୃଷ୍ଟି ରଖି ନିୟମ ପାଳନ କରାଯିବ | ଯୋଶୀ ମଠର ଜିଲ୍ଲା ଅଧିକାରୀ ଅନିଲ ଚନ୍ୟାଲ ସୂଚନା ଦେଇଛନ୍ତି ଯେ, କରୋନା ସଂକ୍ରମଣ ଯୋଗୁଁ ପୁରା ଦେଶ ଲକ ଡାଉନ ରହିଛି | ସଂକ୍ରମଣ ବିପଦ ଯୋଗୁଁ ଭାରତ ସରକାରଙ୍କ ଗାଇଡଲାଇନ ଅନୁସାରେ ନିଷ୍ପତ୍ତି ନିଆଯାଇଛି | କବାଟ ଖୋଲିବା ସମୟରେ ସାମାଜିକ ଦୂରତା ପାଳନ କରାଯିବ ବୋଲି ସେ କହିଛନ୍ତି |  

ବଦ୍ରୀନାଥରେ ବିଜୁଳି ପାଣି ଛଡା ଆବଶ୍ୟକୀୟ ସୁବିଧା ଯୋଗାଇ ଦିଆଯାଇଛି | ଏହି ସମୟରେ କୌଣସି ଭିଆଇପି ଏବଂ ଶ୍ରଦ୍ଧାଳୁଙ୍କୁ ଆସିବାକୁ ଅନୁମତି ମିଳିନାହିଁ |

ମନ୍ଦିର କବାଟ ଖୋଲିବା ସମୟରେ ମୁଖ୍ୟ ପୂଜାରୀ, ରାୱଲ, ଣୟବ ରାୱଲ, ଉଚ୍ଚପଦସ୍ଥ ଅଧିକାରୀ, ବଡବା ପୂଜାରୀ, ଲକ୍ଷ୍ମୀ ମନ୍ଦିର ପୂଜାରୀ, ପ୍ରସାଦ ସେବା ଓ ମନ୍ଦିର ସହ ଜଡିତ କର୍ମଚାରୀ ଉପସ୍ଥିତ ରହିବେ | ଜିଲ୍ଲା ସ୍ଥରୀୟ ଅଧିକାରୀ ମଧ୍ୟ ବଦ୍ରୀନାଥ ଆସିବେନାହିଁ ବୋଲି ଅଧିକାରୀ କହିଛନ୍ତି | ଦେବସ୍ଥାନମ ବୋର୍ଡର ମିଡ଼ିଆ ପ୍ରଭାରୀ ହରିଶ ଗୌଡ଼ ସୂଚନା ଦେଇଛନ୍ତି ଯେ, ମେ ୧୩ ତାରିଖରେ ରାୱଲ ଈଶ୍ୱରୀ ପ୍ରସାଦଙ୍କ ସହିତ ଅନ୍ୟ ଲୋକ ଆଦି ଗୁରୁ ଶଙ୍କରାଚାର୍ଯ୍ୟଙ୍କ ଗଡ୍ଡୀ ସହ ଯୋଶୀମଠରୁ ପୋଣ୍ଡୁକେଶ୍ୱର ବାହାରିବେ | 

ଉତ୍ତରାଖଣ୍ଡରେ ସ୍ଥିତ ହିନ୍ଦୁମାନଙ୍କ ଆସ୍ଥା ଓ ବିଶ୍ୱାସର ପ୍ରତୀକ ବାବା କେଦାରନାଥ ଧାମଙ୍କ ମଧ୍ୟ କବାଟ ଖୋଲି ସାରିଛି | କେବଳ ପରମ୍ପରା ନିର୍ବାହ କରିବା ପାଇଁ ପୂଜା କରିବାକୁ ପ୍ରଶାସନ ଅନୁମତି ଦେଇଥିଲା | ଲକ ଡାଉନ ଯୋଗୁଁ କୌଣସି ଭକ୍ତ ବା ଶ୍ରଦ୍ଧାଳୁଙ୍କୁ କେଦାରନାଥ ଯିବାକୁ ଅନୁମତି ମିଳିନାହିଁ |

କରୋନା ସାରା ବିଶ୍ୱରେ ସଙ୍କଟ ପରିସ୍ଥିତି ସୃଷ୍ଟି କରିଛି | ସେଥିପାଇଁ ସମସ୍ତ ଧାର୍ମିକ ସ୍ଥଳ ଯଥା ମନ୍ଦିର, ମସଜିଦ, ଚର୍ଚ୍ଚ ବନ୍ଦ ରହିଛି | କୌଣସି ଜାଗାରେ ଭିଡ ନ କରିବାକୁ ପ୍ରଶାସନ ଲଗାତାର ଜନତାଙ୍କୁ ଅପିଲ କରୁଛି |

   Related Posts