Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

୨୭ ବର୍ଷ ପୁରୁଣା ଭ୍ରୁଣରୁ ଜନ୍ମ ନେଲା ଶିଶୁ, ସୃଷ୍ଟି ହେଲା ବିରଳ ରେକର୍ଡ

4/12/2020 at 9:34 AM

ଓ୍ବାଶିଂଟନ୍ ୪।୧୨: ଆମେରିକାରେ ଏମିତି ଏକ ଘଟଣା ସାମ୍ନାକୁ ଆସିଛି ଯେଉଁଠାରେ ଏକ ଶିଶୁର ଜନ୍ମ ୨୭ ବର୍ଷ ପୁରୁଣା ଭ୍ରୁଣରୁ ହୋଇଛି । ଏହା ଏକ ରେକର୍ଡ ସୃଷ୍ଟି କରିଛି । ୨୭ ବର୍ଷ ପୂର୍ବରୁ ଫ୍ରିଜ୍ କରାଯାଇଥିବା ଭ୍ରୁଣରୁ ଶିଶୁ ଜନ୍ମ ହୋଇଛି ।

ସିଏନଏନର ଏକ ରିପୋର୍ଟ ଅନୁସାରେ ଆମେରିକାର ଟେନେସି ସହରରେ ଏହା ଘଟିଛି । ୧୯୯୨ରେ ଜଣେ ମହିଳାଙ୍କ ଦ୍ବାରା ଫ୍ରିଜ୍ କରାଯାଇଥିବା ଭ୍ରୁଣକୁ ଟିନା ନାମକ ମହିଳାଙ୍କ ଠାରେ ୨୦୨୦ ଫେବୃଆରୀ ୧୨ ତାରିଖରେ ଟ୍ରାନ୍ସପ୍ଲାଣ୍ଟ କରାଯାଇଥିଲା । ଏହା ବର୍ତ୍ତମାନ ପର୍ଯ୍ୟନ୍ତ ସବୁଠୁ ଅଧିକ ସମୟ ଧରି ଫ୍ରିଜ୍ କରାଯାଇଥିବା ଭ୍ରୁଣ । ଯେଉଁଥିରୁ କୌଣସି ଶିଶୁର ଜନ୍ମ ନେଇଛି । ଟିନା ଅକ୍ଟୋବର ୨୬ରେ ମଲି ନାମକ ଶିଶୁକୁ ଜନ୍ମ ଦେଇଛନ୍ତି ।

ରିପୋର୍ଟ ଅନୁସାରେ ୨୦୧୭ରେ ଏହି ଉପାୟରେ ଟିନାର ପ୍ରଥମ ଝିଅ ଏମା ମଧ୍ୟ ଜନ୍ମ ହୋଇଥିଲେ । ଏମାଙ୍କ ଭ୍ରୁଣ ୨୪ ବର୍ଷ ପୁରୁଣା ଥିଲା । ଟିନା କହିଛନ୍ତି ଯେ, ତାଙ୍କ ସ୍ବାମୀ ସିଷ୍ଟିକ ଫାୟୋବ୍ରୋସିସ୍ ରେ ପୀଡିତ ଅଛନ୍ତି । ଏହି ରୋଗ ସନ୍ତାନ ପ୍ରସବ କରିବାରେ ବାଧା ସୃଷ୍ଟି କରେ । ଏଥିପାଇଁ ଆମେ ଦ୍ବିତୀୟ ଥର ଏମ୍ବ୍ରାୟୋ ଫ୍ରିଜିଂ ମାଧ୍ୟମରେ ଶିଶୁକୁ ଜନ୍ମ ଦେବାର ନଷ୍ପତ୍ତି ନେଇଥିଲେ ।

ଟିନା ଏହାମଧ୍ୟ କହିଛନ୍ତି ଯେ, ‘ଏହି ଉପାୟର ସୂଚନା ମୋତେ ମୋ ବାପାଙ୍କଠାରୁ ମିଳିଥିଲା । ତାଙ୍କୁ ଏକ ମାଗାଜିନ୍ ରୁ ଏମ୍ବ୍ରୋୟୋ ଫ୍ରିଜିଂ ଉପାୟ ସମ୍ବନ୍ଧରେ ସୂଚନା ମିଳିଥିଲା । ମୁଁ ଏହି ଉପାୟ ସମ୍ବନ୍ଧରେ ସୂଚନା ସଂଗ୍ରହ କରିଥିଲି ଏବଂ ନ୍ୟାସନାଲ ଏମ୍ବ୍ରିୟୋ ଡୋନେସନ ସେଣ୍ଟର ପହଞ୍ଚିଥିଲେ । ଏହିଠାରୁ ଆଗାମୀ ପ୍ରକ୍ରିୟା ଆରମ୍ଭ ହୋଇଥିଲା ।’

ସୂଚନାଯୋଗ୍ୟ ଯେ, ଯେତେବେଳେ ଜଣେ ମହିଳା ଗର୍ଭଧାରଣ କରିଥାଏ ସେବେଠାରୁ ଭ୍ରୁଣ ବିକସିକ ହୋଇଥାଏ । ଅନେକ ଦମ୍ପତ୍ତି ଏହି ଭ୍ରୁଣକୁ ଫ୍ରିଜ୍ କରିଥାନ୍ତି । କାରଣ ଭବିଷ୍ୟତରେ ଯେତେବେଳେ ମା’ ହେବାକୁ ପଡିବ ସେତେବେଳେ ଏହାର ପ୍ରୟୋଗ କରାଯାଇପାରିବ । ଏହା ବ୍ୟତୀତ କିଛି ଦମ୍ପତ୍ତି ଏହାକୁ ଦାନ କରିଥାନ୍ତି ।

   Related Posts