Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଚିକିତ୍ସା ବିଜ୍ଞାନରେ ପ୍ରଥମ : ନବଜାତ ଶିଶୁଠାରେ ଦେଖାଗଲା ଏକାଥରେ ୨-୨ଟି ଆନୁବଂଶିକ ରୋଗ

10/09/2020 at 1:44 PM

ଜୟପୁର ୧୦/୯: ଜୟପୁରର ସରକାରୀ ହସ୍ପିଟାଲ ଜେକେ ଲୋନରେ ଏକ ନବଜାତ ଶିଶୁର ଏକାଠି ଦୁଇଟି ଆନୁବଂଶିକ ରୋଗରେ ଆକ୍ରାନ୍ତ ଥିବା ଜଣା ପଡ଼ିଛି। ହସ୍ପିଟାଲର ଡାକ୍ତରଙ୍କ କହିବା ଅନୁସାରେ ଏହି ଶିଶୁକୁ ପୋମ୍ପେ ରୋଗ ଏବଂ ସ୍ପାଇନାଲ୍ ମସ୍କ୍ୟୁଲାର ଅଟ୍ରୋଫି-୧ ନାମକ ଦୁର୍ଲଭ ରୋଗ ହୋଇଛି। ଏହା ବିଶ୍ବର ପ୍ରଥମ ଏପରି ମାମଲା କାରଣ ଏଭଳି ଦୁଇଟି ରୋଗ ଗୋଟିଏ ରୋଗୀଙ୍କଠାରେ ଦେଖିବାକୁ ମିଳିବା ଚିକିତ୍ସା ବିଜ୍ଞାନରେ ପୂର୍ବରୁ କେବେ ଦେଖିବାକୁ ମିଳିନାହିଁ। ପୋମ୍ପେ ଏକ ଆନୁବଂଶିକ ରୋଗ ଯାହା ତନ୍ତ୍ରିକା ତନ୍ତୁର କାମକୁ ପ୍ରଭାବିତ କରିଥାଏ। ଏହି ରୋଗ ପାଖାପାଖି ୧୧୦୦୦ଶିଶୁଙ୍କ ମଧ୍ୟରୁ ଜଣେ ଶିଶୁକୁ ହୋଇଥାଏ ଏବଂ କୌଣସି ଜାତି ବା ଲିଙ୍ଗକୁ ପ୍ରଭାବିତ କରିପାରେ।

ସେହିପରି ସ୍ପାଇନାଲ୍ ମସ୍କ୍ୟୁଲାର ଅଟ୍ରୋଫି ଏକ ପ୍ରକାର ଆନୁବଂଶିକ ରୋଗ ଯାହା ତନ୍ତ୍ରିକା ତନ୍ତୁ ଏବଂ ମାଂସପେଶୀର କାମକୁ ପ୍ରଭାବିତ କରିଥାଏ। ବୁଧବାର ୪୪ଦିନର ନବଜାତ ଶିଶୁକୁ ଉତ୍ତରପ୍ରଦେଶର ଆଗ୍ରାର ହସ୍ପିଟାଲରୁ ଜଣେ ଶିଶୁର ଶ୍ବାସ ଜନିତ ସମସ୍ୟା ହେବାରୁ ଏବଂ ଶରୀରରେ ଢ଼ିଲାପଣ ଏବଂ ମାଂସପେଶୀ ଚଳପଅଚଳ ନହେବାରୁ ତାକୁ ଜୟପୁରର ସରକାରୀ ହସ୍ପିଟାଲ ଜେକେ ଲୋନକୁ ରେଫର କରି ଦିଆଯାଇଥିଲା।

ଡାକ୍ତରଙ୍କ କହିବାନୁସାରେ ନବଜାତ ଶିଶୁର ରୋଗର ଚିକିତ୍ସା ଆରମ୍ଭ ହୋଇଯାଇଛି। ଏସବୁ ରୋଗରେ ଆକ୍ରାନ୍ତ ରୋଗୀ ବିନା ଚିକିତ୍ସାରେ ଜୀବିତ ରୁହନ୍ତି ନାହିଁ। ପୋମ୍ପେ ରୋଗର ଔଷଧର ମୂଲ୍ୟ ବର୍ଷକୁ ୨୫-୩୦ଲକ୍ଷ ପଡ଼ିଥାଏ। ସେହପରି ଏମଏମଏର ଔଷଧ ରିଷ୍ଟିପ୍ଲାମ୍ ପ୍ରତି ପାଖାପାଖି ୪କୋଟି ଟଙ୍କା ଖର୍ଚ୍ଚ ହୋଇଥାଏ। ଏହା ଜୀବନ ସାରା ଦେବାର ଆବଶ୍ୟକତା ଥାଏ। ଏହି ଔଷଧ ଶିଶୁକୁ ଅନୁକମ୍ପା ଉପଯୋଗ କାର୍ଯ୍ୟକ୍ରମ ମାଧ୍ୟମରେ ଉପଲବ୍ଧ କରାଯାଇଛି।  

   Related Posts