Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ଛାଡିଲାନି ଲୋଭ, ସରକାରୀ ବାବୁଙ୍କ ବକ୍ସିସ ମୋହ – ବାର୍ଦ୍ଧକ୍ୟ ଓ ବିଧବା ଭତ୍ତା ହିତାଧିକାରୀଙ୍କଠାରୁ ଜବରଦସ୍ତ ଟଙ୍କା ଆଦାୟ ଅଭିଯୋଗ

16/09/2019 at 7:43 PM

ଲମତାପୁଟ ୧୬।୦୯-  ରାଜ୍ୟରେ ପିସି କାରବାର ବନ୍ଦ କରିବାକୁ ମୁଖ୍ୟମନ୍ତ୍ରୀଙ୍କ କଡା ନିର୍ଦେଶ ରହିଛି । ଦୁର୍ନିତଖୋର ଅଧିକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠନ ହେଉଛି । ଏହାପରେ ବି ଲାଞ୍ଜରୁ ମୋହ ତୁଟାଇ ପାରୁନାହାନ୍ତି ସରକାରୀ ବାବୁ । ଏମିତିକି ବାର୍ଦ୍ଧକ୍ୟ ଓ ବିଧବା ଭତ୍ତା ହିତାଧିକାରୀଙ୍କୁ ଛାଡୁ ନାହାନ୍ତି । ଅଭିଯୋଗ ଆସିଛି ଲମତାପୁଟ ବ୍ଲକ ବଲେଲ ପଞ୍ଚାୟତରୁ । ଭତ୍ତା ଟଙ୍କା ବଣ୍ଟନ ବେଳେ ଏଠି ହିତାଧିକାରୀଙ୍କ ଠାରୁ ୩୦ ଟଙ୍କା ଲେଖାଏ ଜବଦସ୍ତ ଆଦାୟ କରାଯାଇଥିବା ଅଭିଯୋଗ ହୋଇଛି ।

ବାବୁଙ୍କ ବକ୍ସିସ ମୋହ । ବାର୍ଦ୍ଧକ୍ୟ ଓ ବିଧବା ଭତ୍ତା ହିତାଧିକାରୀଙ୍କୁ ବି ଛାଡିଲେନି । ଦଶହରା ଖର୍ଚ୍ଚ ବାବଦକୁ ଜୋର ଜବରଦସ୍ତ ଜଣ ପିଛା ଆଦାୟ କଲେ ୩୦ ଟଙ୍କା । ଇଛା ନଥିଲେ ବି ଚାନ୍ଦା ଦେବାକୁ ବାଧ୍ୟ ହୋଇଥିଲେ ହିତାଧିକାରୀ । ଏମିତି ସଂଗୀନ ଅଭିଯୋଗ ଆସିଛି କୋରାପୁଟ ଜିଲ୍ଲା ଲମତାପୁଟ ବ୍ଲକ ବଲେଇ ପଞ୍ଚାୟତରୁ । ଶନିବାର ବଲେଇ ପଞ୍ଚାୟରେ ଭତ୍ତା ଟଙ୍କା ବଣ୍ଟା ଯାଇଥିଲା । ୬ ରୁ ୭ କିଲୋମିଟର ଚାଲିଚାଲି ଭତ୍ତା ପାଇଁ ପଞ୍ଚାୟତ କାର୍ଯ୍ୟାଳୟକୁ ଆସିଥିଲେ ଆଦିବାସୀ ବୃଦ୍ଧ-ବୃଦ୍ଧା । ଭତ୍ତା ଟଙ୍କା ନେଇଥିଲେ, ଆଉ ବାବୁଙ୍କୁ ପୂଜା ଖର୍ଚ୍ଚ ବାବଦକୁ ବାଧ୍ୟ ହୋଇ ୩୦ ଟଙ୍କା ଲେଖାଏ ଦେଇଥିଲେ ।

 ପିସି କାରବାରକୁ ନେଇ ପୂର୍ବରୁ ଚର୍ଚ୍ଚାରେ ରହିଆସିଛି ଲମତାପୁଟ ବ୍ଲକ । ଏବେ ସରକାରୀ ବାବୁ ଯେଭଳି ମାନବିକତାକୁ ପାଦରେ ଦଳି ଲଜ୍ଜାଜନକ ଭାବେ ବାର୍ଦ୍ଧକ୍ୟ ଓ ବିଧବା ଭତ୍ତା ହିତାଧିକାରୀଙ୍କ ଠୁ ଚାନ୍ଦା ଆଦାୟ କଲେ ତାକୁ ନେଇ ଚାରିଆଡୁ ଛି ଛାକର କରାଯାଇଛି । ପଞ୍ଚାୟତ ଅଧିକାରୀ କିନ୍ତୁ ଚାନ୍ଦା ଆଦାୟ କଥାକୁ ଅସ୍ବୀକାର କରିଥିବା ବେଳେ ପିଅନ କିନ୍ତୁ ମାନି ଯାଇଛନ୍ତି। କୋରାପୁଟ ଜିଲ୍ଲାପାଳ  ଘଟଣାକୁ  ନିନ୍ଦା କରିବା ସହ ତଦନ୍ତ ନିର୍ଦେଶ  ଦେଇଛନ୍ତି ।  ସତ୍ୟତା ଜଣାପଡିଲେ ଦୋଷୀକୁ ଗିରଫ କରାଯିବ ବୋଲି ଜିଲ୍ଲାପାଳ ମଧୁସୂଧନ ମିଶ୍ର କହିଛନ୍ତି ।  

 ଦୋଷୀ  ଯିଏ ବି ହେଉନା କାହିଁକି, ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାର ଆବଶ୍ୟକତା ରହିଛି, ଯେମିତି ଅନ୍ୟ କେହିବି ଏଭଳି ଚାନ୍ଦା ଆଦାୟକ କରିବାକୁ ସାହସ କରିବେନି ।

   Related Posts