Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ଯାଦବପୁର ବିଶ୍ୱବିଦ୍ୟାଳୟରେ କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟୋଙ୍କୁ ବିରୋଧ, ରାଜ୍ୟପାଳ ବି ହେଲେ ଛାତ୍ରଙ୍କ ଦ୍ୱାରା ଅଟକ

19/09/2019 at 8:49 PM

ଯାଦବପୁର : ପଶ୍ଚିମବଙ୍ଗ ଯାଦବପୁର ବିଶ୍ୱବିଦ୍ୟାଳୟରେ ବିଜେପି ସାଂସଦ ତଥା କେନ୍ଦ୍ରମନ୍ତ୍ରୀ ବାବୁଲ ସୁପ୍ରିଓ ଗୁରୁବାର ଅପ୍ରିତିକର ପରିସ୍ଥିତିର ସମ୍ମୁଖୀନ ହୋଇଛନ୍ତି। ଉତ୍ୟକ୍ତ ଛାତ୍ରଙ୍କ କବଳରୁ ସାଂସଦଙ୍କୁ ଉଦ୍ଧାର କରିବାକୁ ଯାଇ ରାଜ୍ୟପାଳ ଜଗଦୀପ ଧନକଡ ମଧ୍ୟ ଫଶି ଯାଇଥିଲେ। ରାଜ୍ୟପାଳ ଛାତ୍ରଙ୍କ କବଳରୁ ସାଂସଦଙ୍କୁ ତାଙ୍କ କାରକୁ ଉଠାଇ ନେଇଥିଲେ ହେଁ ଛାତ୍ରମାନେ କେନ୍ଦ୍ରମନ୍ତ୍ରୀ ଓ ରାଜ୍ୟପାଳଙ୍କୁ କାର ସହ ଘେରାଉ କରି ରଖିଥିଲେ।  

ସୂଚନା ଯୋଗ୍ୟଯେ ବିଶ୍ୱବିଦ୍ୟାଳୟରେ ଗୁରୁବାର ବିଜେପି ସମର୍ଥିତ ଛାତ୍ର ସଙ୍ଗଠନ ଏବିଭିପି ପକ୍ଷରୁ ନୂତନ ଛାତ୍ରଙ୍କ ସ୍ୱାଗତ ଲାଗି ଏକ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମକୁ ରାଜ୍ୟପାଳ ଓ କେନ୍ଦ୍ରମନ୍ତ୍ରୀ ମଧ୍ୟ ଆମନ୍ତ୍ରିତ ଥିଲେ। ତେବେ ବିଶ୍ୱବିଦ୍ୟାଳୟ ପରିସରକୁ ବାବୁଲ ସୁପ୍ରିଓ ପ୍ରବେଶ କରିବା ମାତ୍ରେ ବାମପନ୍ଥୀ ସମର୍ଥିତ ଛାତ୍ର ସଙ୍ଗଠନ ଏଆଇଏସଏଫ ଓ ଏଆଇଏସଏର ସଦସ୍ୟମାନେ ତାଙ୍କୁ ଦୃଢ ବିରୋଧ କରିଥିଲେ। ଉତ୍ୟକ୍ତ ଛାତ୍ରମାନେ ‘ଫେରିଯାଅ ଫେରିଯାଅ’ ସ୍ଲୋଗାନ ଦେଇ ତାଙ୍କ କାରକୁ ଅଟକାଇଥିଲେ।

ସେଠାରେ ଛାତ୍ରମାନେ ତାଙ୍କୁ ଘେରାଉ କରି ରଖିବା ସହ ଛାଡି ନଥିଲେ। ସୂଚନା ପାଇ କାର୍ଯ୍ୟକ୍ରମକୁ ଆସିଥିବା ରାଜ୍ୟପାଳ ଘଟଣାସ୍ଥଳରେ ପହଞ୍ଚି ସାଂସଦଙ୍କୁ ଛାତ୍ରଙ୍କ କବଳରୁ ଉଦ୍ଧାର କରିବାକୁ ଉଦ୍ୟମ କରିଥିଲେ। ବାବୁଲଙ୍କୁ ରାଜ୍ୟପାଳ ନିଜ କାରଭିତରକୁ ନେଇଯାଇଥିଲେ ବି ଛାତ୍ରମାନେ ରାଜ୍ୟପାଳଙ୍କ କାରକୁ ଛାଡି ନଥିଲେ। ଏଣୁ ରାଜ୍ୟପାଳ ମୁଖ୍ୟ ଶାସନ ସଚିବଙ୍କୁ ଘଟଣା ସମ୍ପର୍କରେ ସୂଚନା ଦେଇ ତୁରନ୍ତ କାର୍ଯ୍ୟାନୁଷ୍ଠାନ ଲାଗି କହିଥିଲେ। ଘଟଣାକୁ ନେଇ କ୍ୟାମ୍ପସରେ  ଦୀର୍ଘ ସମୟ ଧରି ଉତ୍ତେଜନା ଲାଗି ରହିଥିଲା। ତେବେ ପରେ ପୋଲିସ ପହଞ୍ଚି ରାଜ୍ୟାପାଳଙ୍କ ସହ ବାବୁଲଙ୍କୁ ଉଦ୍ଧାର କରିଥିବା ଜଣାପଡିଛି।   

   Related Posts