Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଣ ଗୋଦାମରେ ଭୟଙ୍କର ଅଗ୍ନିକାଣ୍ଡ: ୫ ମୃତ, ଅନେକ ଆହତ ହୋଇଛନ୍ତି, କ୍ଷତିପୂରଣ ଘୋଷଣା କଲେ ସିଏମ
  • ||
  • ଆସୁଛି ଲଘୁଚାପ, ୨୮ରୁ ୩ ଦିନ ବର୍ଷିବ: ଦକ୍ଷିଣରେ ହାଲକା ବର୍ଷା ସମ୍ଭାବନା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୫୮୫ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୪୯ କୋଭିଡ୍ ପଜିଟିଭ୍
  • ||
  • ଆଜି ମହାପ୍ରଭୁଙ୍କ ବନକଲାଗି ନୀତି, ଅପରାହ୍ନ ୪ଟାରୁ ରାତି ୮ଟା ଯାଏଁ ସାଧାରଣ ଦର୍ଶନ ବନ୍ଦ
  • ||

ବାବରଙ୍କ ବିରାଟ କୀର୍ତ୍ତିମାନ, କୋହଲିଙ୍କୁ ପଛରେ ପକାଇଲେ

25/04/2021 at 5:36 PM

ହରାରେ ୨୫।୦୪: ପାକିସ୍ତାନ କ୍ରିକେଟ୍‌ ଦଳର ଅଧିନାୟକ ବାବର ଆଜମ ରବିବାର ଜିମ୍ବାଓ୍ଵେ ବିପକ୍ଷ ଟି-୨୦ ସିରିଜ୍‌ର ତୃତୀୟ ମୁକାବିଲାରେ ନିଜ ନାଁରେ ବଡ କୀର୍ତ୍ତିମାନ କରିଛନ୍ତି। ବାବର ଟି-୨୦ ଅନ୍ତର୍ଜାତୀୟ କ୍ରିକେଟ୍‌ରେ ଦ୍ରୁତତମ ୨୦୦୦ ରନ କରିବାର ରେକର୍ଡ କରିଛନ୍ତି।

ବାବର ଭାରତୀୟ କ୍ରିକେଟ୍‌ ଦଳର ଅଧିନାୟକ ବିରାଟ କୋହଲିଙ୍କୁ ପଛରେ ପକାଇଛନ୍ତି। ବାବର ୫୪ତମ ମ୍ୟାଚ୍‌ର ୫୨ତମ ଇନିଂସରେ ଦ୍ରୁତ ୨୦୦୦ ରନ ପୂରଣ କରିଛନ୍ତି। କ୍ରିକେଟ୍‌ର ଏହି ଛୋଟ ଫର୍ମାଟରେ ୨୦୦୦ ରନ ପୂରଣ କରିବାରେ ବାବର ୧୧ତମ ଖେଳାଳି ହୋଇଛନ୍ତି।

ଜିମ୍ବାଓ୍ଵେ ବିପକ୍ଷ ତୃତୀୟ ମୁକାବିଲାରେ ୨୬ ବର୍ଷୀୟ ବାବର ୪୬ଟି ବଲ୍‌ରେ ୫୨ ରନର ଇନିଂସ ଖେଳିଛନ୍ତି। ଏଥିରେ ୫ ଚୌକା ସାମିଲ। ଏହି ମ୍ୟାଚ୍ ପୂର୍ବରୁ ବାବର ୧୯୮୩ ରନ କରିଥିଲେ ଏବଂ ରେକର୍ଡ ପାଇଁ ୧୭ ରନ ଦୂରରେ ଥିଲେ। ସେ ୧୩ତମ ଓଭରରେ ଦ୍ରୁତ ୨୦୦୦ ରନ ପୂରଣ କରିଥିଲେ।

ଭାରତୀୟ ଦଳର ଅଧିନାୟକ ବିରାଟ କୋହଲି ୫୬ଟି ଇନିଂସରୁ ୨୦୦୦ ରନ ପୂରଣ କରିଥିଲେ। ଏହି ତାଲିକାର ତୃତୀୟରେ ଅଛନ୍ତି ଅଷ୍ଟ୍ରେଲିଆର ଅଧିନାୟକ ଆରୋନ ଫିଞ୍ଚ୍। ଫିଞ୍ଚ୍ ୬୨ତମ ଇନିଂସରେ ଏହି ସଫଳତା ହାସଲ କରିଥିଲେ। ନ୍ୟୁଜିଲାଣ୍ଡର ପୂର୍ବତନ ଅଧିନାୟକ ବ୍ରେଣ୍ଡନ ମ୍ୟାକକୁଲମ ଓ ଓପନର ମାର୍ଟିନ ଗୁପଟିଲ୍  କ୍ରମଶଃ ୬୬ତମ ଏବଂ ୬୮ତମ ଇନିଂସରେ ଦୁଇ ହଜାର ରନ ପୂରଣ କରିଥିଲେ।

   Related Posts