Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ଢାବାରୁ ରେସ୍ତୋରାଁ: ପୁରା ହେଲା ସ୍ବପ୍ନ, ମାଲବୀୟ ନଗରରେ ନିଜର ନୂଆ ରେସ୍ତୋରାଁ ଖୋଲିଲେ ‘ବାବା କା ଢାବା’ ମାଲିକ କାନ୍ତା ପ୍ରସାଦ

21/12/2020 at 4:33 PM

ନୂଆଦିଲ୍ଲୀ ୨୧/୧୨ : ନିକଟରେ ସୋସିଆଲ ମିଡ଼ିଆରେ ପ୍ରସିଦ୍ଧ ହୋଇଥିବା ‘ବାବା କା ଢ଼ାବା’ ମାଲିକ ୮୦ ବର୍ଷ ବୟସ୍କ କାନ୍ତା ପ୍ରସାଦ ଦିଲ୍ଲୀ ମାଲବୀୟ ନଗରରେ ଏକ ନୂଆ ରେସ୍ତୋରାଁ ଆରମ୍ଭ କରିଛନ୍ତି। ସେ କହିଛନ୍ତି ଯେ ନୂଆ ରେସ୍ତୋରାଁ ଆରମ୍ଭ କରି ସେ ବହୁତ ଖୁସି ଅଛନ୍ତି। ଲୋକେ ତାଙ୍କୁ ସାହାଯ୍ୟ କରିଥିବାରୁ ସେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି। ବାବା ନିଜର ନୂଆ ରେସ୍ତୋରାଁରେ ଇଣ୍ଡିଆନ ଓ ଚାଇନିଜ ବ୍ୟଞ୍ଜନ ପ୍ରସ୍ତୁତ କରୁଛନ୍ତି।

କରୋନା ମହାମାରୀ ଓ ଲକଡାଉନ ଯୋଗୁଁ ବାବାଙ୍କ ଢ଼ାବା ବନ୍ଦ ହୋଇଯାଇଥିଲା। ସେ ଓ ତାଙ୍କ ସ୍ତ୍ରୀ ବହୁତ କଷ୍ଟରେ ଜୀବନ ବିତାଉଥିଲେ। ସଂକ୍ରମଣ ଭୟରେ ତାଙ୍କ ଢ଼ାବାକୁ ଲୋକେ ଆସୁନଥିଲେ। କିନ୍ତୁ ୟୁଟ୍ୟୁବର ଗୌରଭ ଭାଶନଙ୍କ ଯୋଗୁଁ ସେ ରାତାରାତି ପ୍ରସିଦ୍ଧ ହୋଇଗଲେ। ଗୌରଭ ନିଜ ୟୁଟ୍ୟୁବ ଚାନେଲରେ କାନ୍ତା ପ୍ରସାଦଙ୍କ ଏକ ଭିଡିଓ ପୋଷ୍ଟ କରିଥିଲେ। ଏହି ଭିଡିଓ ସୋସିଆଲ ମିଡ଼ିଆରେ ନିଆଁ ଭଳି ଖେଳିଗଲା ଓ ସକାଳ ହେଉ ହେଉ ଢ଼ାବା ସାମ୍ନାରେ ଲୋକଙ୍କ ଭିଡ ଜମିଗଲା।

ମାତ୍ର କିଛି ଦିନରେ କାନ୍ତା ପ୍ରସାଦ ବହୁତ ଟଙ୍କା ରୋଜଗାର କଲେ ଓ ଲୋକେ ମଧ୍ୟ ତାଙ୍କୁ ଆର୍ଥିକ ରୂପେ ସାହାଯ୍ୟ କଲେ। ସେହି ଟଙ୍କାରେ ସେ ବର୍ତ୍ତମାନ ନୂଆ ରେସ୍ତୋରାଁ ଖୋଲିଛନ୍ତି। ବୃଦ୍ଧ ଦମ୍ପତ୍ତି କହିଛନ୍ତି ଯେ ତାଙ୍କ ସ୍ବପ୍ନ ପୁରା ହୋଇଛି।

କିଛି ଦିନ ପୂର୍ବରୁ କାନ୍ତା ପ୍ରସାଦ ଅଭିଯୋଗ କରିଥିଲେ ଯେ ତାଙ୍କୁ ଜୀବନରେ ମାରିଦେବାକୁ ଧମକ ମିଳୁଛି। ସେ କହିଛନ୍ତି ତିନି ଦିନ ପୂର୍ବରୁ ତାଙ୍କ ଦୋକାନକୁ ୩ଜଣ ଯୁବକ ଆସି ତାଙ୍କୁ ମାରିଦେବାକୁ ଧମକ ଦେଇଥିଲେ। ଆଉ କିଛି ଦୁର୍ବୁତ୍ତ ତାଙ୍କ ଢ଼ାବା ପୋଡି ଦେବାକୁ ମଧ୍ୟ ଧମକ ଦେଇଥିଲେ ବୋଲି ସେ ଅଭିଯୋଗ କରିଛନ୍ତି। ଏ ନେଇ ସେ ଥାନାରେ ମାମଲା ମଧ୍ୟ ରୁଜ୍ଜୁ କରିଛନ୍ତି।

   Related Posts