Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକରେ ଗୁଳିମାଡ଼ କରି ସୁନା ଓ ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ଭୁବନେଶ୍ବରରୁ ଦିନକରେ ୨୦୩ କରୋନା ଆକ୍ରାନ୍ତ ଚିହ୍ନଟ, ୧୩୪ ସୁସ୍ଥ
  • ||
  • ପୂର୍ବତନ ବିଧାୟକ ଅରୁଣ ଦେ’ ଙ୍କ ପରଲୋକ, କରୋନାରେ ଆକ୍ରାନ୍ତ ପରେ ଚାଲିଥିଲା ଚିକିତ୍ସା
  • ||
  • ସାଗର ହତ୍ୟାକାଣ୍ଡରେ ଦିଲ୍ଲୀ କ୍ରାଇମ ବ୍ରାଞ୍ଚର ୧୭୦ ପୃଷ୍ଠାର ଚାର୍ଜସିଟ୍ ଦାଖଲ, ସୁଶୀଲ କୁମାର ମୁଖ୍ୟ ଅଭିଯୁକ୍ତ
  • ||
  • ଅନୁଗୋଳ : କାଲି ଜଣଙ୍କର, ଆଜି ଆଉ ଜଣଙ୍କର ମିଳିଲା ମୃତଦେହ : ଏବେବି ଜଣେ ନିଖୋଜ
  • ||
  • ଭୁବନେଶ୍ବର : ଓଡିଶାରେ କମ୍ ରହିଛି ଆର୍ ଭାଲ୍ୟୁ, ୧ ଉପରେ ରହିଲେ ବଢିବ ସଂକ୍ରମଣ : ଡିଏମଇଟି
  • ||
  • ସୋର : ଭୋଜି କରିବାକୁ ଯାଇ ଫେରିଲେନି ଯୁବକ, ମେଡିକାଲରେ ମୃତ୍ୟୁ : ହତ୍ୟା ଅଭିଯୋଗ ଆଣିଲେ ପରିବାର
  • ||
  • ଯାଜପୁର : ଆସନ୍ତା ୪ରୁ ଖୋଲିବ ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର, ଅନୁମତି ଦେଲେ ଜିଲ୍ଲାପାଳ
  • ||
  • ଖଲ୍ଲିକୋଟ : ଖୋଲିଲା ତମ୍ପରା ହ୍ରଦ, ବୋଟିଂର ମଜା ନେଉଛନ୍ତି ପର୍ଯ୍ୟଟକ
  • ||
  • ଚାନ୍ଦବାଲି : ବିଦ୍ୟାଳୟ ବରଣ୍ଡାରେ ପଡିଛି ଅଚିହ୍ନା ବୃଦ୍ଧଙ୍କ ମୃତଦେହ, ତଦନ୍ତ ଆରମ୍ଭ କଲା ପୋଲିସ
  • ||

ଅଯୋଧ୍ୟା ଗସ୍ତରେ UP ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ, ସମୀକ୍ଷା କଲେ ଶ୍ରୀରାମ ମନ୍ଦିର ଭୂମିପୂଜା ପ୍ରସ୍ତୁତି

25/07/2020 at 4:11 PM

ଅଯୋଧ୍ୟା ୨୫।୭: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଶନିବାର ଅଯୋଧ୍ୟା ଗସ୍ତ କରିଛନ୍ତି। ଅଗଷ୍ଟ ୫ ତାରିଖରେ ଶ୍ରୀ ରାମ ମନ୍ଦିର ଲାଗି ଏଠାରେ ଭୂମି ପୂଜା ଉତ୍ସବ ଅନୁଷ୍ଠିତ ହେବ। ଏଥିଲାଗି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନେକ ମାନ୍ୟଗଣ୍ୟ ବ୍ୟକ୍ତି ଯୋଗଦେବାକୁ ଥିବା ବେଳେ ମୁଖ୍ୟମନ୍ତ୍ରୀ ପ୍ରସ୍ତୁତି ସମୀକ୍ଷା କରିଛନ୍ତି।

ସୂଚନା ଅନୁସାରେ ପ୍ରସ୍ତାବିତ ଭୂମି ପୂଜା କାର୍ଯ୍ୟକ୍ରମ ରାମଜନ୍ମଭୂମି ପରିସରରେ ଅନୁଷ୍ଠିତ ହେବ। ଏହି କାର୍ଯ୍ୟକ୍ରମରେ ସର୍ବନିମ୍ନ ଦେଢଶହରୁ ସର୍ବାଧିକ ୨୦୦ ଲୋକ ଅଂଶଗ୍ରହଣ କରିପାରନ୍ତି। ତେବେ କୋଭିଡ-୧୯କୁ ନେଇ ଉପୁଜିଥିବା ପରିସ୍ଥିତିରେ ଅନୁଷ୍ଠିତ ହେବାକୁ ଥିବା କାର୍ଯ୍ୟକ୍ରମରେ ଆବଶ୍ୟକ ସୁରକ୍ଷା ବ୍ୟବସ୍ଥା ମଧ୍ୟ ଗ୍ରହଣ କରାଯିବ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଶ୍ରୀରାମ ମନ୍ଦିରର ଶିଳାନ୍ୟାସ ଲାଗି ଶ୍ରୀରାମ ମନ୍ଦିର ତିର୍ଥକ୍ଷେତ୍ର ଟ୍ରଷ୍ଟ ଯୋଜନା କରିଛନ୍ତି। ସେହି ଅନୁସାରେ କାର୍ଯ୍ୟକ୍ରମକୁ ଦେଶରେ ରାମ ମନ୍ଦିର ଆନ୍ଦୋଳନର ପୃଷ୍ଠପୋଷକ ତଥା ପୂର୍ବତନ ଉପ ପ୍ରଧାନମନ୍ତ୍ରୀ ଲାଲକୃଷ୍ଣ ଆଡଭାନୀ, ମୁଖ୍ୟ ପୁରୋଧା ମୂରଲୀ ମନୋହର ଯୋଶୀ, ସୁଶ୍ରୀ ଉମା ଭାରତୀ, ବିନୟ କଟିୟାର, ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଓ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଶିଳାନ୍ୟାସ ଉତ୍ସବକୁ ଆମନ୍ତ୍ରଣ କରାଯିବ ବୋଲି ଟ୍ରଷ୍ଟର ସଦସ୍ୟ କାମେଶ୍ୱର ଚୌପାଲ କହିଛନ୍ତି।

ସେହିପରି ଶ୍ରୀରାମ ମନ୍ଦିର ନିର୍ମାଣଲାଗି ଗର୍ଭ ଗୃହ ନିଅଁରେ ୫ଟି ରୌପ୍ୟ ଇଟା ଶୁଭ ଦିଆଯିବ ବୋଲି ରାମମନ୍ଦିର ନ୍ୟାସର ମୁଖପାତ୍ର ନୃତ୍ୟ ଗୋପାଳ ଦାସ କହିଛନ୍ତି। ମନ୍ଦିରର ଡିଜାଇନ ଓ ବାସ୍ତୁ ପ୍ରସ୍ତାବ ମୁତାବକ ଚୂଡାନ୍ତ ହୋଇଥିବା ଦାସ କହିଛନ୍ତି। ମୁଖ୍ୟମନ୍ତ୍ରୀ ଶନିବାର ଆୟୋଜନ ସମୀକ୍ଷା କରିଥିବା ବେଳେ ଟ୍ରଷ୍ଟ ପକ୍ଷରୁ ପ୍ରସ୍ତୁତି ଏବେ ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି। ବିସ୍ୱ ହିନ୍ଦୁ ପରିଷଦ ଶ୍ରୀରାମ ମନ୍ଦିର ନିର୍ମାଣ ନିମନ୍ତେ ଦେଶର ବିଭିନ୍ନ ସ୍ଥାନରୁ କଳଭର୍ତ୍ତି ପବିତ୍ର ମାଟି ପଠାଉଥିବା ବେଳେ ତାହା ଏବେ ଅଯୋଧ୍ୟା ପହଞ୍ଚିବାରେ ଲାଗିଛି।

   Related Posts