ନୂଆଦିଲ୍ଲୀ ୦୪|୦୧: ସୁପ୍ରିମକୋର୍ଟରେ ରାମ ଜନ୍ମଭୁମି ବାବ୍ରି ମସଜିଦ ବିବାଦ ମାମଲା । ଆସନ୍ତା ୧୦ତାରିଖକୁ ଘୁଞ୍ଚିଲା ଶୁଣାଣି ।  ଅଯୋଧ୍ୟା ରାମ ମନ୍ଦିର ମାମଲାରେ ଶୁଣାଣି ପାଇଁ ନୂଆ ଖଣ୍ଡପୀଠ ଗଠନ ହେବ । ଏହି ନୂଆ ବେଞ୍ଚ୍  ଅଯୋଧ୍ୟା ରାମ ମନ୍ଦିର ମାମଲାର ଶୁଣାଣି କରିବେ । ଆଜି ସୁପ୍ରିମକୋର୍ଟରେ ଶୁଣାଣି ହେବାର ଥିଲା । ଏହି ମାମଲାରେ ଆହ୍ଲାବାଦ ହାଇକୋର୍ଟ ୨୦୧୦ରେ ଦେଇଥିବା ରାୟକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ଦାୟର ହୋଇଥିବା ଆବେଦନଗୁଡିକର ଶୁଣାଣି କରିଥାନ୍ତେ । ସୁପ୍ରିମକୋର୍ଟ ପ୍ରଧାନ ବିଚାରପତି ରଞ୍ଜନ ଗୋଗୋଇ ଓ ବିଚାରପତି ଏସ.କେ କୌଲଙ୍କ ଅଦାଲତରେ ମାମଲାର ଶୁଣାଣି ପାଇଁ ତାଲିକାଭୁକ୍ତ କରାଯାଇଥିଲା । ତେବେ ପରବର୍ତ୍ତୀ ଶୁଣାଣି ୧୦ତାରିଖକୁ ଘୁଞ୍ଚାଇ ଦିଆଯାଇଛି । ନୂଆ ବେଞ୍ଚ୍ ମାମଲାର ଶୁଣାଣି କରିବେ । ୨୦୧୯ ସାଧାରଣ ନିର୍ବାଚନ ମୁଣ୍ଡ ଉପରେ । ରାମମନ୍ଦିର ନିର୍ମାଣ ପାଇଁ ଅଧ୍ୟାଦେଶ ଆଣିବାକୁ ସରକାରଙ୍କ ଉପରେ ଚାପ ପଡୁଛି । ଏହି ସମୟରେ ରାଜନୈତିକ ଦୃଷ୍ଟିରୁ ଅତି ସମ୍ବେଦନଶୀଳ ଏହି  ବିବାଦୀୟ ମାମଲାର ଶୁଣାଣି ଉପରେ ସୁପ୍ରିମକୋର୍ଟଙ୍କ ଉପରେ ରହିବ।