Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୯ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୧୮ କରୋନା ସଂକ୍ରମିତ, ୩୧୮୭୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ଗାଁ ମୁଖିଆ ଗଧ ଉପରେ ଓଲଟା ବସିଲେ, ମଶାଣିରେ ମାରିଲେ ୨୧ ଘେରା: ବର୍ଷା ପାଇଁ ଅଜବ ପରମ୍ପରାର ଗାଁ…

20/07/2020 at 7:14 PM

ରତଲାମ ୨୦।୦୭: ଶ୍ରାବଣ ମାସ ସରିବାକୁ ବସିଛି ତଥାପି ମଧ୍ୟ ପ୍ରଦେଶରେ ଭୀଷଣ ଗରମ ଅନୁଭୂତ ହେଉଛି। ଏହା ମଧ୍ୟରେ ରାଜ୍ୟବାସୀ ବର୍ଷାକୁ ଚାତକ ଭଳି ଚାହିଁ ରହିଛନ୍ତି। ହେଲେ ଆକାଶରେ ଭାସୁଥିବା ବାଦଲ ବର୍ଷିବାର ନାଁ ନେଉ ନାହିଁ। ବର୍ତ୍ତମାନ କୃଷକଙ୍କୁ ଚାଷ କାର୍ଯ୍ୟ ପାଇଁ ଭଲ ବର୍ଷା ଦରକାର। ଏମିତିରେ ବର୍ଷା ନହେଲେ ଭାରତରେ ଏମିତି ଅନେକ ପରମ୍ପରା ଓ ମାନ୍ୟତା ରହିଛି, ଯାହାକୁ ଶତାବ୍ଦୀ ଧରି ଲୋକେ ମାନି ଆସିଛନ୍ତି ଏବଂ ଆଜି ମଧ୍ୟ ଏହାକୁ ବିଶ୍ଵାସ କରୁଛନ୍ତି। ହେଲେ ରତଲାମ ଜିଲ୍ଲାର ଦାନ୍ତୋଡିଆ ଗ୍ରାମରେ ଏକ ଅଜବ ଘଟଣା ଦେଖିବାକୁ ମିଳିଛି।

ଗାଁ ଲୋକ ପଟେଲକୁ ଗଧରେ ଓଲଟା ବସାଇ ପୂରା ଗାଁ ବୁଲାଇଛନ୍ତି ଏବଂ ଶ୍ମଶାନ ଘାଟରେ ୨୧ ଚକ୍କର ଲଗାଇଛନ୍ତି। ଗାଁର ପଟେଲ ବା ମୁଖିଆଙ୍କୁ ଗଧରେ ବସାଇବା ଦେଖି ଦେଖଣାହାରୀ ଆଶ୍ଚର୍ଯ୍ୟଚକିତ ହୋଇ ପଡିଛନ୍ତି। ତାଙ୍କୁ ଦେଖିବା ପାଇଁ ଗାଁରେ ଲୋକଙ୍କ ଖୁବ୍ ଭିଡ ଜମିଛି। ଏହି ଅଭିନବ କାର୍ଯ୍ୟକୁ ନେଇ ଗାଁର ଚାଷୀ ସୁରେଶ ପାଟିଦାର ଓ ହୀରାଲାଲ ପାଟିଦାର କହିଛନ୍ତି ଫସଲ ବୁଣା ହୋଇ ସାରିଛି ମାତ୍ର ବର୍ଷା ନହେବାରୁ ଚାଷ କାର୍ଯ୍ୟ ବାଧାପ୍ରାପ୍ତ ହୋଇଛି। ଏଥିପାଇଁ ଏହି ପରି ପନ୍ଥା ଆପଣା ଯାଇଛି। ଗାଁର ମୁଖିଆ ଶାନ୍ତିଲାଲ ପାଟିଦାରଙ୍କୁ ଗଧରେ ବସାଇ ଢୋଲ ବାଜା ସହିତ ପୂରା ଗାଁରେ ବୁଲାଯାଇଛି।

ଉଲ୍ଲେଖନୀୟ ଦେଶର ବିଭିନ୍ନ ରାଜ୍ୟରେ ଭିନ୍ନ ଭିନ୍ନ ମାନ୍ୟତା ରହିଛି। କେଉଁଠି ବର୍ଷା ପାଇଁ ଇନ୍ଦ୍ର ଦେବତାଙ୍କ ପୂରା କରାଯାଏ ତ କେଉଁଠି ବେଙ୍ଗ ବେଙ୍ଗୁଲିଙ୍କ ପୂଜା କରାଯାଏ। ଗାଁ ଗହଳିରେ ନାମ ଯଜ୍ଞ କରାଯାଇ ଇନ୍ଦ୍ର ଦେବତାଙ୍କୁ ସନ୍ତୁଷ୍ଟ କରିବାକୁ ଚେଷ୍ଟା କରାଯାଏ।

   Related Posts