Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ଖାତାକୁ ଗଲା ‘କାଳିଆ’ ଟଙ୍କା, ଆକାଉଣ୍ଟକୁ ୯୧୦ କୋଟି ଟଙ୍କା ପଠାଇଲେ ମୁଖ୍ୟମନ୍ତ୍ରୀ
  • ||
  • ୫୦୦ ଲୋକଙ୍କୁ ନେଇ ଧୁମଧାମ୍‌ରେ ଚାଲିଥିଲା ବାହାଘର ଭୋଜି, ଚଢଉ କଲେ ତହସିଲଦାର…ଲାଗିଲା ମୋଟା ଅଙ୍କର ଫାଇନ୍
  • ||
  • ୩ ହଜାର ଲିଟର ମଦ ଜବତ, ୬୦ଟି ବସ୍ତାରେ ହେଉଥିଲା ଚାଲାଣ
  • ||
  • ନାଉ କିଆରୀରୁ ଜବତ ହେଲା ବିପୁଳ ପରିମାଣର ଗଞ୍ଜେଇ, ଜଣେ ଗିରଫ
  • ||
  • ଚେତୁ ନାହାଁନ୍ତି ଲୋକେ, ବିନିକା ବଜାରରେ କରୋନା କଟକଣା ବାଟବଣା
  • ||
  • ଚଣ୍ଡିଖୋଲ : ଧଳା ଜହର ରାକେଟ୍‌ର ପର୍ଦ୍ଦାଫାଶ କଲା ସଡକ ଦୁର୍ଘଟଣା, ଜବତ ହେଲା ୯ ଗ୍ରାମ୍ ବ୍ରାଉନସୁଗାର
  • ||
  • ଚଣ୍ଡିଖୋଲ : ଚଳିତ ବର୍ଷ ଫିକା ପଡିଛି ଇଦ୍, ଯାଜପୁରରେ ନିରାଡମ୍ବର ଭାବେ ପାଳିତ ହେଉଛି ଉଦ୍-ଉଲ୍-ଫିତର
  • ||
  • ତେଲକୋଇ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ସ୍ତ୍ରୀ ଗୁରୁତର, ସ୍ବାମୀ ଆହତ
  • ||
  • ନୂଆଦିଲ୍ଲୀ : ଆପ୍ ନେତା ଜରନେଲ୍ ସିଂହଙ୍କ କରୋନାରେ ଦେହାନ୍ତ, ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ କେଜରିଓ୍ବାଲ
  • ||
  • ରାଜ୍ୟରେ କରୋନା ନେଲା ଆଉ ୨୨ଜଣଙ୍କ ଜୀବନ, ୨୨୭୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଷ୍ଟେରଏଡ ଯୁକ୍ତ ଚର୍ମରୋଗ ଔଷଧ ବ୍ୟବହାର ନ କରିବାକୁ ଦେଶବ୍ୟାପୀ ସଚେତନତା ଅଭିଯାନ

2/02/2019 at 6:15 PM

ଭୁବନେଶ୍ୱର ୨/୨ : ଚର୍ମରୋଗକୁ ନେଇ ସଚେତନତା ସୃ୍ଷ୍ଟି ଏବଂ ଷ୍ଟେରଏଡ୍ଯୁକ୍ତ ଔଷଧ ସେବନ ବିରୁଦ୍ଧରେ ଆରମ୍ଭ ହୋଇଛି ଦେଶବ୍ୟାପୀ ଅଭିଯାନ । ଏହି ଅଭିଯାନରେ ୧୮ଟି ରାଜ୍ୟରେ ସଚେତନତା ସୃଷ୍ଟି ନିମନ୍ତେ ବୁଲୁଛି ଏକ ସଚେତନତା ଭ୍ୟାନ୍ । ଦେଶବ୍ୟାପି ବୁଲୁଥିବା ଏହି ଭ୍ୟାନ୍ଟି ପହଂଚିଛି ରାଜଧାନୀରେ ।


ଇଣ୍ଡିଆନ୍ ଆସୋସିଏସନ୍ ଅଫ୍ ଡର୍ମାଟୋଲୋଜିଷ୍ଟସ୍, ଭେନେରୋଲୋଜିଷ୍ଟସ୍ ଆଣ୍ଡ ଲେପ୍ରୋଲୋଜିଷ୍ଟସ୍ ଆନୁକୂଲ୍ୟରେ ଜନସଚେତନତା ସୃଷ୍ଟି କରିବା ଲକ୍ଷ୍ୟରେ ଏକ “ସ୍କିନ୍ ସଫର୍ ରଥ“ ଗତ ଡିସେମ୍ବର ୨୧ ତାରିଖଠାରୁ ଦିଲ୍ଲୀରୁ ବାହାରିଛି । ଚର୍ମରୋଗ ପାଇଁ ଷ୍ଟେରଏଡ୍ ଯୁକ୍ତ ମଲମ ବ୍ୟବହାର କିଭଳି କ୍ଷତିକାରକ ସେ ନେଇ ବିଭିନ୍ନ ଭିଡିଓ ଫିଲ୍ମ ମାଧ୍ୟମରେ ପ୍ରସାରଣ କରି ଏହି ରଥଟି ଜନସାଧାରଣଙ୍କୁ ସଚେତନ କରୁଛି ।


ଲୋକମାନେ ବୁଝିବା ଦରକାର ବିଭିନ୍ନ ମେଡିସିନ୍ ଦୋକାନରେ ମିଳୁଥିବା ଷ୍ଟେରଏଡ୍ ଯୁକ୍ତ କ୍ରିମ୍ କୋ÷ଣସି ମାତ୍ରାରେ ମଧ୍ୟ ସାହାଯ୍ୟ କରେ ନାହିଁ । ହୁଏତ ତୁରନ୍ତ ଉପଶମ ମିଳିଥାଏ କିନ୍ତୁ ଭବିଷ୍ୟତ ନମନ୍ତେ ଏହା କ୍ଷତିକାରକ ହୋଇଥାଏ ବୋଲି କହିଛନ୍ତି ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ୍ର ଡର୍ମାଟୋଲୋଜି ଏବଂ ଭେନେରିଆଲ୍ ଡିଜିଜେସ୍ ବିଭାଗର ମୁଖ୍ୟ ତଥା ଆଇଏଡିଭିଏଲ୍ ଓଡ଼ିଶା ଚାପ୍ଟରର ସଭାପତି ପ୍ରଫେସର ବିକାଶ ରଞ୍ଜନ କର ।


ଚଳିତବର୍ଷ ଆଇଏଡିଭିଏଲ୍ର ଥିମ୍ ରହିଛି “ ଷ୍ଟପିଂ ଟପିକାଲ୍ ଷ୍ଟେରଏଡ୍ ଆବ୍ୟୁଜ୍” । ଏହି ଭ୍ୟାନ୍ଟି ଦିଲ୍ଲୀ ପହଂଚିବା ପୂର୍ବରୁ ସଚେତନତା ବାର୍ତା ନେଇ ୧୧୦୦୦ କିମି ଯାତ୍ରା କରିବ ବୋଲି ସେ କହିଛନ୍ତି ।


ସାଧାରଣ ଚର୍ମରୋଗ ଏବଂ ତ୍ୱଚାକୁ ଉଜ୍ୱଳ କରିବା ପାଇଁ ଷ୍ଟେରଏଡ୍ଯୁକ୍ତ କ୍ରିମ୍ ବ୍ୟବହାର କରିବା ଶରୀର ପାଇଁ କ୍ଷତିକାରକ । ନିଜେ ନିଜର ଚିକିତ୍ସା କରିବା ପୂର୍ବରୁ ଚର୍ମରୋଗ ସମ୍ବନ୍ଧରେ ଡାକ୍ତରଙ୍କ ପରାମର୍ଶ ନେବା ଉଚିତ୍ ବୋଲି କହିଛନ୍ତି ଡିଭିଡି ବିଭାଗର ଆସୋସିଏଟ୍ ପ୍ରଫେସର ଡ. ମୈତ୍ରେୟୀ ପଣ୍ଡା ।


କାର୍ଯ୍ୟକ୍ରମର ସିଟି କୋଅର୍ଡିନେଟର ଡ. ଭବାନୀ ସିଂ ମଧ୍ୟ ଷ୍ଟେରଏଡ୍ର ବ୍ୟବହାର ଅପକାରିତା ସମ୍ପର୍କରେ ଲୋକମାନଙ୍କୁ ସଚେତନ କରାଇଥିଲେ । ଏହି ଅବସରରେ ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ୍ର ମେଡିକାଲ୍ ସୁପରିଟେଣ୍ଡେଂଟ ଡ. ପୁଷ୍ପରାଜ ସାମନ୍ତସିଂହାର, ଆଇଏଡିଭିଏଲ୍ ଓଡ଼ିଶା ଚାପ୍ଟରର ସାଧାରଣ ସମ୍ପାଦକ ଡ. ଶୁଭ୍ରାଂଶୁ ଶେଖର ପଟ୍ଟନାୟକ ଓ ଡ. ଅଜୟ କୁମାର ଜେନା ଭ୍ୟାନ୍ଟିର ଫ୍ଲାଗ୍ଅଫ୍ରେ ଉପସ୍ଥିତ ଥିଲେ । ଝାଡଖଣ୍ଡ ଯିବା ପୂର୍ବରୁ ଭ୍ୟାନ୍ଟି ହାଇଟେକ୍ ମେଡିକାଲ୍ କଲେଜ, କିମ୍ସ ଏବଂ ଏମ୍ସ ମଧ୍ୟ ଯାଇଥିଲା ।

   Related Posts